سلام عليكم
يالله كان وقت المقابله شئ و استعدادات شئ
اول شئ كان عندي i-20
و يبدا في شهر 6 ميلادي
وموعدي بسفاره يوم الأثنين ويوم الأحد قبل الموعد بيوم ماعندي الى اي تونتي
المهم الصباح الأحد رحت سددت رسوم سفاره و صورة الجواز وحولت رسوم سيفيس
للمكتب وللأسف مارد علي ومقفل جواله الساعه 9 بالليل توهقت
ماعندي نماذج ولا سددت رسوم سيفيس :sleep3:
كلمت سوداني عبئ لي نماذج وطبعه وصور لي اي تونتي يعطيه العافيه
وقبلها كلمت الوالد جاب ضمان بنكي وليس كشف حساب
ورد علي المكتب الساعه 1 بالليل و سدد لي رسوم وارسل لي صوره
المهم كان موعدي 8 ونص صحيت الساعه 6 ونص وطلعت على مركز
التصوير و من الحماس رميت صوره اي توني على انه بصوره ولا صورته
رحت للسفاره ومعي :
* صور شخصيه 5 في 5
*صور جواز السفر
* اصل جواز السفر
* اصل مع صور نمااذج الثلاث
*شهاده الثانوي مترجمه
*سجل الأكادييمي مترجم بـ انجليزي ---> دبلوم
* حسن سيرة وسلوك مترجمه
*صوره من السيفيس مع الاصل
* صوره من رسوم سفاره
*صوره بطاقه الأحوال
احترت وش اللبس اجي بالزي السعودي ولا لبس عادي رسمي او . .. الخ
اخر شئ قلت بروح بنطلون جنز وقميص و على البركه
المهم طلعت على السفاره وخذت لي قهوه بطريق
(نزلت من طريق الملك عبدالله للدائري الغربي اول مخرج للسفاره
سيده ثلاث دوار خش معه يمين تجي السفاره على يدك شمال
المهم وانا اجمع في اوراق وشوف غرف حديدتابعه للسفاره و مبنى
الرئيسي لها
انكبت القهوه من مطب دخول مواقف وانا ما انتبهت بس الحمد لله اوراق مغلفه
ببلاستيك قلت مالي الى ابدل وكويس معي ثواب واغراضه لسى
مانزلتها للبيت جايبها من مغسله < قصه حياته
مهم بدلت ثوب بدون شماغ
كان فيه مسارين الاول للموعدهم 7:30
والاخر 8 المهم طبيبعي خليك ماسك سرى
بيمشي الدور لين يجي امريكي اسود يتاكد من اسمك وموعدك
(ماتدخل سفاره لين يحصل اسمك وموعد حقك ويشوف صور شخصيه )
اهم شئ عندهم وبعدها تحط جوال عند كاشير وتاخذ ورقه حمراء (اذا طلعت تمرهم نفسهم وتاخذ اغراضك )
وبعدين يطولي عمرك تدخل على غرفه يدخل لها شخصين فقط
وتبدا تحط اي شئ معاك حتى منديل او كرت اي شئ وتدخل
ولايكون معاك كبك او حازم او يكون ملابسك فيها حديد كثير او جزم وانتم بكرامه حديد
المهم تخلص من هاذا وفيه وحده شامية عجوز تساعد في التفتيش وحصول على اغراضك من سير
المهم بكذا يكون قدامك سرى ثاني وفيه مكتبين قبل دخولك للسفاره اثنين وربي عسل
يشوفون اوراقك والأشياء الناقصه عندك و الي ماوقع على اي توني يقولون له ويدبسون لك
الصور ( خلي معك قلم ترى اغلب العالم مايجون بقلم انت خليك مستعد واذا انتهيت ساعد الي محتاجه )
بتدخل بتمشي سيده بتحصل قبالك سكرتي اثنين بيعطيك رقم ( بتستخدم الرقم في حاجتين )
الأولى : التبصيم (كثير يتحمسو يحسبوها بتسوي مقابله شخصيه )
طلبت مني اي توني وصوره اي توني و صوره الجواز عطيتها ماعدا صوره اي توني صورتها هي
وطلبت النامذج مع صوره D-s: 156 -157 - 158
للمعلوميه تتكلم عربي (شباك رقم 4)
بعد ماتخلص من التبصيم بتحصل الناس بصاله الأخيره
(الصاله الثانيه ) جالسين على الكراسي انت شوف ارقامهم وجلس بالرقم الي يناسبك
على حسب رقمك وبيكون فيه منظم لهم ومرتب للأرقام
بعدها بدور تدخل على الشباك انا دخلت على رقم 12
اقبلت بـ ابتسامه
(انتبه لحركه يدك لنها مع توتر وخوف رايح يميزك منها خليك طبيعي جدا
رفعت السماعه بكل وثوق
واعطيته أوراق الي دبستها و لفتها بمغاط الي اخذت مني البصمات واعطيته جواز
Mr.Sa: قود موررنج
هو: قود موررنج
انا : كان يو سبيك اربيك
هو: نعم استطيع التحدث بـ العربي
Mr.Sa: ممتاز
هو : لماذا تريد الذهاب الى امريكا
Mr.Sa: لأن امريكا شعب طيب و ارتاح معهم في تعليم اللغه الأنجليزيه وتعتبر دوله متحدثه بها
هو : لماذا اخترت امريكا للدراسه
Mr.Sa: انا اريد ان احقق امل وطموح وان اتميز بتعليم قوي ويتحقق ذالك في امريكا
هو : هل تعرف احد في امريكا
Mr.Sa: لا
هو : من سوف يتكفل بمصاريفك
Mr.Sa: مع التحمس قلت الوالد
هو : اباك
Mr.Sa: نعم
هو : ماذا يعمل اباك
Mr.Sa: في بزنس المقاولات و استثمار العقاري ... ( الوالد متقاعد لكن ماقلت له ولكن يشتغل في العقارات ومقاولات)
هو : متى تخرجت من الثانوي
Mr.Sa: عام 2006 - 2007
هو وماذا عملت فتلك الفتره (يدققون في هالسؤال )
Mr.Sa: درست في الكلية وتخرجت من دبلوم وبمعدل جيد جدأ وباقي ما استلمت وثيقه
هو : هل سبق لك وان سافرت
Mr.Sa: لا .. ومع ابتسامه صفراء قلت لكن سوف اسافر الى الولايات المتحده الأمريكيه < من حماس
هو : اين < مع نظره صفراء
Mr.Sa: امريكا
هو : هل سوف تدرس اللغه الانجليزيه فقط
Mr.Sa: لا .. انوي مواصله الدراسه الى ان ارضي طموحي التعليمي < ( اقوله عشان يعطوني فيزا 5 سنوات)
Mr.Sa: متى سوف احصل على فيزا < ( ابين له اني واثق من نفسي )
هو : سوف تحصل عليها بعد ثلاث او اربع اسابيع لكن انت دراستك تبدا في شهر 6 ميلادي ونظام الأمريكي لن يسمح لك بدخول قبل شهر من بدا دراستك
قلت مهب مشكله
Mr.Sa: اوكي اتمنى الحصول عليه بأسرع وقت لأستطيع انها اجراءات التعليم العالي < ( غلط مفترض ما اقول التلعيم العالي ونا رايح على حسابي و ابتسم قال لم افهمك قلت ابي انتهي من اغراض السفر )
هو : ابتسم في اسرع وقت ستحصل عليها
Mr.Sa: سررت بمقابلتك
هو : وانا كذالك يا صديقي
ملاحظه : المقابله كانت من اروع مايكون وكان متعاون لأبعد ابعد حد
للمعلومية انا موظف ولاجبت معي تعريف ولا قلت له ولا طلب مني
ماطلب مني كشف حساب ولا حتى الضمان البنكي
ماطلب مني سجل الأكاديمي ولا حتى شافه
ماطلب مني شهاده الثانوي
ماطلب مني السيرة وسلوك
ماطلب اثبات الهوية
وبعدها طلعت على فيدكس وعطيتهم عنوان و مكان اقرب فيدكس بـ 65 ريال قيمة الأرسال تدفعها في الوقت نفسه
ملاحظه :::
* اللبس مايفرق اللبس الي تبي تيشيرت او قميص او ثوب ( حاول بدون شماغ عشان مايكون شكلك متشدد )
( فيه كثير من شباب لابس لبس كانه طالع حفله وجل على الشعر و اشياء مالها لزوم ... على الصبح
وبعض بنات لابسين عبايات كانها فساتين ومكانها غلط باللبس هاذا ولايعتبر لبس رسمي في مكان رسمي
* خذ معك اوراقك كامله واستعد بدري وخلي كل شئ جاهز ( حتى لبس خذ منه نسخه )
و اهم شئ I-20 و نماذج D-s: 156 -157 - 158 و صور شخصيه وجواز السفر وصوره منها وكشف حساب )
* لو جيت بدون I-20 او مامعك ورقه رسوم تسديد السيفيس او رسوم فيزا يعطيك ورقه صفراء وبعدين ترسل الناقص من اوراق عادي
* خليك واثق من نفسك حتى لو كنت ماتتكلم عربي وخليك مبتسم وواثق وانتبه حركه يدك و لاتكثر سواليف داخل
السفاره خليك هادي
*في المقابله حاول دائما تكون اجابتك بطرافه و عادي ولاتتحمس و لا تاخذها ببرود خليك مرن معاه وواثق في مقابله
انك بتحصل على فيزا وعلى حسب الي قدامك
( لأحد يسوي زي ماسويت يسال مته اخذ فيزا الى اذا كانت شخصيه انترفيو مرح )
* في بعض الشباك المقابله يطلب اوراق ويشوف ويدقق فيها فخليك عادي واوراق كاملة ماراح يضرك لو كملتها وجبت نسخ منها
* خلي معك قلم بتحتاج توقع اوراقك واسال لا تنحرج
* ثق بالله وان لو فيها خير لك ان شاء الله تجي ولو مافيها خير فهي خيره من الله
تمنيات للجميع بحصول على فيزا ودعواتكم لي بان الله يكتب الي فيه خير
