استفسار اليوم مقابلتي بجدة لكن حصلي شي غريب

اليوم أجريت المقابلة بجدة إنا وزوجتي. البداية كانت زوجتي وكل شي تمام و الأسئلة كانت لزوجتي
· متى اتخرجتي من الجامعة؟ ايش عملتي بعد الجامعة؟
· وفين سافرتي؟ قالت ماليزيا وبس وأخذت جوازها وجواز أطفالي اثنين وقالت سددي فيديكس.
قالت أدي السماعة زوجك : طبعا كانت المقابلة انجليزي وعربي
· بعد التحية أيش ناوي تدرس بأمريكا؟ ماجستير لغويات
· أنت على حسابك ؟ نعم
· طيب عندك إثبات أنك تقدر تتحمل مصاريف الدراسة؟
نعم وأعطيتها كشف حساب بمبلغ 108000 ريال .
· وعلى طول سألتني من فين لك هذا المبلغ ؟ من الوالد واخويا وما كملت كلامي وكنت بقول وجزء كبير منه لي إلا حسيت إن وجها أتغير
· سافرت مكان غير ماليزيا ؟ نعم مصر وكنت بعدد الدول.(الاردن لبنان سوريا بريطانيا) لكن ما أعطتني فرصه أكمل على طول سالت السؤال اللي بعده
· أنت ومين ؟ إنا وأخي
· ايش شفت في مصر ؟ الأهرامات ونهر النيل السينما كشرت أكثر وبعد كذا سكتت ورجعت لي الجواز و I-20 + ورقه بيضاء A4 وقالت راح نبلغك ترسل الجواز
وهذا نص الورقة.

نفيدكم أن إجراءات الحصول على التأشيرة للولايات المتحدة الأميركية سوف تستغرق بعض الوقت تتراوح ما بين 3- 6 أسابيع من تاريخ المقابلة

*****الرجاء عدم تأكيد حجوزات السفر حتى تستلموا التأشيرة******

يمكنك أن تبدأ بالاستعلام عن وضع التأشيرة بعد أسبوعين من تاريخ المقابلة عبر الموقع الالكتروني

http://jeddah.usconsulate.gov/jeddah/visastatus2.html

باستعمال رقم الملف الخاص بك:

وكنبت لي رقم بخط يدها

عندما يتم إعلامك عبر موقعنا الإلكتروني بإنهاء الإجراءات المتعلقة بتأشيرتك يمكنك عندئذ إرسال جواز سفرك مع سند بريد عبر البريد السريع فيديكس على عنوان التالي: عنوان القنصلية بجدة.
اللي عنده خبره في هذه الاموريقدر يبين لنا او ينورنا...... مع العلم كل اوراقي كامله
طيب ايش اللي راح يصير هل ممكن يعطوا زوجتي واولادي فيزه وانا لا وايش المعني راح يطلبوا مني يعني ليش ماأخذا مني في نفس المقابله والله يجزاءكم الف خير

طبعا الموعد كان اليوم الاثنين 22 فبراير الساعه 8 الصباح

حتى انا كنت معاك وحصلت نفس الحكاية
مع انه انا على حساب الحكومة واخذت مني صورة الاي تونتي وايصال سامبا بس
ورجعتلي الجواز
واااعطتني نفس الورقه البيضا اللي اعطتك هيا بالضبط وماعرفت ايش اسوي رحت لموظف فيديكس قلي بعدين ارسل الجواز علي القنصلية

بس ماني عارف الفيزا حتتطلع ولا لا
لاني مااعرف هيا اترفضت ولا لا ؟
ولما يرفضوا فيزا الواحد على طول يقولو فيزتك مرفوضه ولا ايش ؟

بليز جاوبونا ضروري انا مرة متوتر

ورقه مخيفه..؟؟
الله ييسرلكم ولي يارب قنصلية جده احسها مخيفه

مدام انو الفيزا ما اترفضت في وقتها.. ان شاء الله ما راح تنرفض بس احتمال تطول...كل شخص غير...في ناس 10 ايام في ناس اسبوع في ناس شهور
انا وزوجي قدمنا العام الماضي على فيزا سياحية...انقبلت فيزتي بس هوا اعطتلو زي هذي الورقة وقالت ارسلولي برنت من الجوازات عن سفراته...ولما ترسل ابدأ شيك الموقع على الموافقة..عموما السبب كان انو لما سألتو عن السفرات جاب سيرة سوريا وعلى طول قالتلو مع مين وفين نزلت وايش شفت و من دي الأسئلة و بعدها اعطتلو الورقة..المهم قعدنا 3 شهور و 10 ايام الين ما جات الموافقه!!! بس يلا الحمد لله طلعت في الأخير و ان شاء الله تتسهلنا الفيزا الدراسية لنا ولكم يا رب و للجميع آمييين

هلا اخوي ابوباسل


اقرا هذا الموضوع بيفيدك كثير



فيه اجوبه بتطمن بالك


http://www.mbt3th.us/vb/forum16/thread162061.html

الله يجزاءكم الف خير ويسهل جميع اموركم على الردود