السلام عليكم ورحمه الله وبركاته ,,
حبيت اساعد الاخوان والاخوات في هذا الموقع اللي سااااعدوني كثير من خلال اجابتهم لاسئلتي او قراءتي لكتاباتكم ,,
,,,,
اولا كنت معارض بشده اني اسوي المقابله بظهان لاني برياض وبسبب غلطه بسيطه تحولت لظهران وفكرت وقلت الخيره فيم اختاره الله ,, موعد احسن من ولا شي ,,
طلعنا يوم الاحد للخبر انا وزوجتي وحجزنا بشقق اسمها (جنا ) جنب اسواق الراشد كانت الشقه مرتبه ونظيفه,,
وبفضل الله ثم برنامج الخرائط في جوال النوكيا دلينا المكان بسرعه ,,
حددت مكان الشقه وحفظته واخترت القنصليه ووصلني لها بدون اي ضيعااات ولله الحمد ,,
صحينا الصباح الساعه 7 ووصلنا القنصليه الساعه 7.14 قال لنا الامن استنوا بسياره لحد الساعه 7.30 ,,
دخلنا وفتشونا وانا فتشوني بالجهاز وزوجتي لا بس يسالها ,,
وقبل لاندخل هذا الشي اللي حيرني مسحو بشي على يدينا وسالته قال هذا تشيك للسيفتي ,,
وما ادري وشو والله ,,:g:
المهم ندخل بالموضوع المهم دخلنا الصاله واخذنا رقم وجلسنا نستنا رقمنا يطلع وماكان فيه زحمه ,,طلع رقمنا وكان عند وحده سودانيه وكنت متخوف منها وماودي فيها وسبحان الله جا حظنا معها وسوت المقابله لنا وتمت على خير قالت اجلسوا استنوا لسى باقي شباكين لكم ,,
جلسنى نستنى واحنا ندعي ربي ونستغفر ونقول( اللهم لاسهل الا ماجعلته سهلا وانت اذا شئت جعلت الحزن سهلى)
وبعدين طلبوا منا البصمات وبصمنا وبعدها سوت معنا المقابله وحده امريكيه تتكلم عربي وسئلتنا كم سؤال ,,
ليه رايحين امريكا ؟
وايش بتدرسون بامريكا ؟
وكم سنه بتجلسون بامريكا ؟
بعدها قالت رحوا ادفعوا للفدكس وعطتنا ورقه زرقاء او سماويه وقالت مبروك ,,
,,,,
للتوضيح ,,
انا وزوجتي مادخلنا الصور بالنموذج لانها ماقبلت معنا واخذناها ومشت الامور ,,
سالونا ليه قلنا ماعرفنا ,,
يعنيي يا اخواني الامور سهله باذن الواحد الاحد اهم شي امورك تمام ومتوكل على رب العالمين وذا كنت مبتعث امورك ميسره باذن الله ,,
,,,,
وتحيتي للجميع وبالتوفيق,,
