تكفووووووون محتاجه منكم رد قبل الصباح ( بخصوص الأخطاء بالآي توني )

صباااااح الخير

أنا سبقت نزلت موضوع أستفسر أنه بأسمي بالآي توني فيه حرف زايد راجعت المكتب وكلموا المعهد وعدلوه وارسلو لي نسخه معدله


الإشكاليه
أن الآي توني حقي فيه 3 صفحات بالبدايه لقبولي الرسمي و3 صفحات ثانيه فيها اسمي وبالجهه المقابله اسم ولدي ابو3 سنوات يعني الآي توني لدخول أمريكا لولدي مو للدراسه هو مرافق

مشكلتي انهم ارسلو لي النسخه المعدله بأول 3 صفحات الرئيسيه قلت لهم وين نسخه ولدي اللي معي قالوا عندك الأولى دبسيها معها

أوكي اسم ولدي صح فيها زي الجواز بس اسمي بالآي توني حقه غلط يعني عدلو بس الآي توني حقي الأساسي اللي بأول 3 صفحات بس الغلط اللي بأسمي بآي توني ولدي ماعدلوه

عاادي مومشكله دام اسمي تعدل بالآي توني الأساسي خلاص ولالازم يتعدل بالصفحه اللي بآي توني ولدي مع العلم ان اسم ولدي صح مافيه غلط :(

حاسوووووني تجسير الله يحوسهم اغلاط بدائيه بشكل فضيع

تكفووووووون ردوا علي قبل الصباح اذا عادي مافيه اشكاليه ارسل اوراقي بالفيدكس للسفاره :( تأخرت كثير

و الله يا اختي ما عندي جواب ان شاء الله يفيدوكي الاعضاء

الله يعينك على تجسير ...

راح ارد رغم تأخر الرد ... راسلي المعهد بنفسك يصحح لك الاخطاء بدل تجسير لانهم يتأخروا ...

وبالنسبة للسفارة ما اعرف إذا بيدققوا على هذا الموضوع لكن عموما كانوا متساهلين ويصححوا الاخطاء وهذا الكلام في الرياض ..

الله يكون في عونك


انا كان الــــ I-20 فيه خطأ في تاريخ الميلاد

وارسلته للسفاره والحمد لله مشت الامور لكن طلبت I-20 جديد معدل بنفس رقم السيفس وارسلته للسفاره قلت احتياطا والحمد لله مشت الامور

يعطيكم العافيه جميعا

رحت الصباح للسفاره واستفسرت قالوا لازم تعدلين وطلبت واحد جديد معدل من المكتب

الله ييسر امري وارتاح من هالمكتب