عرض للطباعة
سلام عليكم
سؤال مهم جدا ومتخوف منه
اليوم استلمت جوازي من السفارة الامريكية ومعاه i-20 حق الجامعة
اصدقائي يقولون لازم الظرف يكون مغلف مايفتحه الا موظف الجوازات بالمطار في امريكا
لكن الظرف مفتوح وغير مغلف او حتى ملصق فقط مدبس بالصفحه الاخيرة من الجواز
واوراق i-20 داخله
هل اراجع السفارة يغلقونه لي
ام انهم غيروا نظامهم ؟؟؟؟؟؟؟
ارجو اجابتي بسرعه
أخوي غير صحيح هالكلام بس تنزل المطار تأكد ان جوازك والاي تونتي بيدك ومو شرط مغلف ومن هالكلام بس أحرص انك تدخل لامريكا قبل موعد بداية الدراسه يعني قبل لا ينتهي تاريخ الاي تونتي
الله يوفقك وويسر لك امورك وتوصل بالسلامه
الله يسهلك ويوفقك
يفيدونك ان شاء الله
شكرا لكم جميعا
اخواني بس للاممانة اكثر من شخص قال .......ياويلك ان لقوك فاتح الظرف برجعونك مكان ماجيت
هذا اللي خلاني اسأل
واللي عنده معلومة جديدة يقول بعد
الحين انت تقصد انه لازم الظرف يكون بوسطه الجواز والاي تونتي؟؟؟؟
اذا كذا ترى مستحيل لانك تحتاج جوازك اذا سويت خروج من السعوديه وهو اثباتك الوحيد فلازم تطلعه وصدقني روح وانت متطمن بس لا تنساه بالسعوديه عااد
الصفحة الاخيرة من الجواز مدبسين بها طرف الظرف
بس الظرف نفسه مفتوح وبداخلع اوراق
شيل الجواز وخل الاي تونتي داخل الظرف اجل وترى الموضوع اكثر من عادي لا تشيل هم يا رجل
اخوي لازم تفتح الظرف وتتأكد انه جوازك
وبالنسبة للتدبيس اغلب جوازات الشعب مدبسة في الصفحة الأخيرة للأسف وهذا إجراء روتيني داخل السفاره يدبسون الجواز مع اوراقك علشان ما تختلط اوراق المتقدمين معك
وهذا اصدقائي في برنامج خادم الحرمين الشريفين وصلوا لمكان دراستهم في امريكا لهم شهرين والظرف مرمي في الزبايل الصفرا عندنا (اصلاً الظرف تبع شركة فيديكس)ومثل ماقال اخوي (ابيك لغربتي)تحتاج الجواز في مطار السعودية علشان يسجلك خروج من السعودية
ومع كامل احترامي لك اصدقائك ماعندهم سالفة اسئلهم من وين لهم المعلومه هذي (اصلاً هل قد طلعوا تأشيرة طالب و سافروا برى السعودية)