تم رفض الفيزا .. افزعوووولي بالحل

السلام عليكم ورحمة الله وبركاته
اليوم كانت المقابلة في القنصلية الامريكية بجده وللأسف تم رفض التأشيرة للمرافق يا ترى ويش الحل هل اقدم على موعد آخر بالرياض ولا كيف ؟
طيب خليني اعطيكم التفاصيل عشان تتضح الرؤيا ويتضح سبب الرفض :
المرافق ( عمره 18 سنه ) ثاني ثانوي ومعه قبول معهد عشان يطلع فيزا طالب f1
ومعه كل الاوراق المطلوبه , كشف الحساب و شهاده بنكيه والشهادات الدراسية
المهم تم رفضه بسبب انه لم يكمل الثانوي يعني باقيله سنه , قاله الموظف بصريح العبارة خلص الثانوي وبعدين تطلع تكمل الجامعه بامريكا

تكفون افزعووولي بالحل هل اقدم موعد ثاني بالرياض ولا مافي امل يطلع امريكا
وإذا سويت موعد بالرياض وسأله الموظف كيف تكمل دراستك الثانويه ويش يرد عليه ؟؟؟؟؟؟


وجزاكم الله خير

قدم من الرياض

واطلب فيزا مرافق اف 2 ومن ثم حولها لـ اف 1 بعد الثانوي

الله يعينك ويسهلك امورك يارب...

كلامه سليم كيف يروح فيزة دراسة وهو في ثاني ثانوي
يعني وينك ما تسالين قبل
بعد ما طاح الفاس بالراس
على العموم خليه يخلص ثانوي بعد يروح معاك او يقدم على فيزة سياحة على اساس انه يوصلك ويرجع
موفقه

الله يوفقك وسهل لك امورك وسوي زي ماقالوا لك الا خوان

معقوووووووووله ياناس ما يقدر مرافقي يدرس اللغه على الاقل ودراسة اللغه تحتاج فيزا طالب لان قبول اللغه لمدة سنه دراسية
ياليت احد يرد علي
يعني فيزا f1 تشترط ان الطالب يكون مخلص المرحلة الثانوية ؟؟؟؟؟ ياليت احد يوضحلي هل الكلام هذا صحيح او لا؟!!

يا اختي الله يكون بعونك
انا عندي حل بس مدري يناسبك ولا لا
اجلي موعد دراستك لين اخوكي ما يخلص ترا الوزارة يتفهمو الموضوع
او
لو لكي اخ اخر او والدك الله يحفظهم يروح احد فيهم معكي لمدة سنه و بعدين يرجع و يطلع اخوكي يعني تغيير مرافق
اما يطلع اخوكي فيزت زيارة و يروح و يغيرها انسي هذا الحل دار الهجرة بامريكا حيصدرو قرار بترحيله و يرجعوه السعوديه و يقولو قدم فيزة و بعديت تعال ثاني


والله يوفق الجميع

جزاكم الله خير
انا بحاول محاوله اخيره واجرب سفارة الرياض اذا اعطوه فيزة طالب خير وبركه واذا ما اعطوه ماراح اخسر من محاولتي شي
والله يكتب اللي فيه الخير

بما انه مرافق
لامانع انه يطلع على تأشيرة F2
وبكذا يسمح له انه يدرس دراسة جزئية وليست دوام كلي

هو يطلع هناك بس؟
وبعدين يطلب نقل فيزته إلى F1
بس ترا مهم موضوع الثانوي حرام يضيع مستقبله