-
طمنوني موعد السفارة
السلام عليكم ورحمة الله وبركاتة
ارجوكم طمنوني
انا يوم الاثنين كان عندي موعد بسفارة بس مارحت انا خارج الرياض الطيارة فاتني موعدها
في مشكلة ولا لا وهل احجز موعد ثاني بحساب جديد ولا كيف ؟؟؟؟
وهل هذا راح يأثر علي بعدين بالفيزا أو لا؟؟؟؟؟
أرجو من الاخون الي صارت لهم هذي الحكاية يخبروني
طمنووووووووووووووووووووني
-
رد: طمنوني موعد السفارة
الله يسهل امورك والله انا ماعرف ولا كان ودى اخدمك بس انشالله الاخوان مايقصرون
-
رد: طمنوني موعد السفارة
الله يجزاك خير أخوي mamdo7
وااااااااااااااااااااااااااااااااانتظر باقي الاخوان والاخوات
-
رد: طمنوني موعد السفارة
راسلهم أفضلك وعطهم السبب الي ماقدرت تجي بسببه
وشكراًاًاً
ولاتسألني عن العنوان الي تراسلهم عليه لأني ما أعرف شي
-
رد: طمنوني موعد السفارة
صراحه انا استغرب :(
طيب ليه ماكنسلت موعدك وخليت غيرك يستفيد
دامك منت رايح انت تعرف الناس اللي محتاجه الروحه ومحتاجه اي موعد
يعني حجزت موعد ومقعد على الفاضي
بالنسبه لحالتك كثير سئل عنها هنا والاغلب يقول عادي تحجز بنفس اليوزر من جديد ولايترتب عليك اي مسؤليه
بالتوفيق
-
رد: طمنوني موعد السفارة
والله خيرة لك تدري ليه
لاني انا عندي موعد بالسفارة اليوم الاثنين وكنت هناك من الساعة 8 الى الساعة 2 ولا خلصت واغلب الناس اليوم ماخلصو عطونا ورقه خضراء و قالوا لنا نراجعهم خلال الاسبوع وبس والسبب ان النظام اليوم تجمد وصارت له مشاكل
الله يسهل عليك وعلينا يارب
-
رد: طمنوني موعد السفارة
أخوي منصور العتبي
الحكاية مو أني حجزت موعد على الفاضي لان أنا حجزت وكنت ناوي أروح ورحت المطار بس موعد الطيارة فاتني
و الموعد الثاني لطيارة كانت الصباح يعني مايمديني بعد الموعد
والله لو بكفي كان رحت وفكيت نفسي من هالمرمطه
بس الحمد لله على كل الحال
ياليت باقي الاعضاء يساعدنا لو بمعلومة بسيطة
-
رد: طمنوني موعد السفارة
طيب اخوي جرب تحجز موعد جديد
والله يعينك
بس مو معقوله ماتقدر لك 3 مواعيد تحجز وتلغي مثل ماتبي
اما اذا خلصت الثلاث مواعيد الله يعينك يوزر جديد وتدفع 45 ريال
بس اذا ماستخدمت المواعيد الا مره وحده تقدر تحجز مره ثانيه وصلاحيات اليوزر 3 شهور
وبالتوفيق