تفاصيل موعدي بالسفارة الامريكية يوم 26 جولاي
بالامس كان موعدي بالسفارة الامريكية الساعه 7.30 رحت بنفس الموعد ودخلنا السفارة وكانت الاجراءات سهله جدا
تم التشيك بالصاله الاولى على الاي توني والجواز وبعدها رحنا للصاله الثانية للمقابله وانتظرت حوالي نص ساعه
وبعدها قابلت شخص امريكي بشباك رقم 8 اسمه داود وكانت اخلاقه رائعه جدا سألني كم سؤال وين حتكون دراستك
وش بتدرس ومن حيتكفل بدراستك ولا طلبني الاي توني ولاكشف الحساب ولا خطاب عمل ولا صور ولاشي الجواز بس وقالي مبروك اسبوعين الى ثلاثه اسابيع وتكون الفيزا جاهزه بعدها انا طلبته الجواز لاني مسافر نهاية الاسبوع خارج المملكه فقالي عادي جدا ولمن ترجع ارسله لنا بالفيدكس فهل احد صار معه انه طلب جوازه وارسله لهم بعدين وهل تتوقعون ان اخذي للجواز ممكن يأخر صدور الفيزا ارجوكم طمنونا .
رد: تفاصيل موعدي بالسفارة الامريكية يوم 26 جولاي
السلام عليكم
احتمال ياخرها لانها هي صارت تصدر الفيزا من 7 ايام الى 10
رد: تفاصيل موعدي بالسفارة الامريكية يوم 26 جولاي
اخوي عبدالرحمن انا ولد اخوي راح للمقابلة يبي ياخذ فيزا سياحة وخلا عندهم الجواز
بعدين ارسل لهم ايميل يطلب منهم الجواز بعد اسبوعين من المقابلة , وقالهم اني بسافر
وارسلو له الجواز بدون فيزا وقالو له اذا رجعت من السفر ارسلة بالفديكس
واول مارجع ارسله لهم وبعد اسبوعين استلمه من الفديكس بالفيزا
يعني لاتخاف ولا تقلق
رد: تفاصيل موعدي بالسفارة الامريكية يوم 26 جولاي
ان شاء الله خير توكل على الله وسافر ولما ترجع ارسله لهم وعقبال الفيزة والبعثة ان شاء الله ,, بس بسالك اخوي باي سفارة ؟ الرياض ولا الظهران ؟ وشكراً
رد: تفاصيل موعدي بالسفارة الامريكية يوم 26 جولاي
اخي النورس مشكور على ردك وعقبالك انت ان شاء الله وجميع الاخوان والاخوات المقابله كانت بالرياض ومثل ماقلت الامور ابسط مماتتوقع لاتشيل هم