تفاصيل مقابلتي في July 24 إلى استلام الفيزا في August 7

بسم الله الرحمن الرحيم

تبدأ دراستي في تاريخ 23/8/2010م وقدمت على موعد وجاني في 10/8/2010م وقدمت على مواعد طوارئ
وعطوني موعد في تاريخ 24/7 الساعة 7:30 .

رحت للسفارة الساعة 6:30 صباحا وكان فيه كم واحد صاف طابور المهم لمى وصلت الساعة 7:20 صار فيه طابور طويل جدا
وفتحوا الباب وطلبوا فقط اللي موعدهم الساعة 7:30 يتقدمون .

الأوراق اللي كانت معي :

1- جوازي (مع عدة نسخ)
2- الموعد (مع عدة نسخ)
3- تأكيد الموعد (مع عدة نسخ)
4- السيفس (مع عدة نسخ)
5- رسوم الفيزا (سامبا)
6- وثيقة التخرج
7- ضمان مالي مني ومن اخوي
8- كشف حساب ثلاث اشهر من حساب اخوي
9- ضمان بتكفل كامل المصريف من مؤسستنا
10- خمس صور 5*5
11- I-20 اصل (ومع عدة نسخ)
12- قبول الجامعة اصل (ومع عدة نسخ)
13- حجز وهمي في تاريخ 5/8/2010م
14- جوازي القديم
ملاحظة :اللي باللون الأمر طلبوها مني , اللي باللون الأخضر سألوني عنها دون النظر إليها والأسود لم تطلب مني.

وعند البوابة كان فيه شاب طلب منا اظهار الموعد وتأكيد الموعد ووصل رسوم الفيزا (سامبا), ودخل الغرفة وعن طريق الشباك قدمنا له الأوراق اللي طلبها والشباك اللي جنبه يأخذ منك اي شي اكتروني حتى رموت السيارة والفلاش ميموري والجوال ويحطها بظرف ويعطيك الظرف , وفيه بوابه بجانب الشباك ينفتح ويدخل اثنين ويتسكر ثم اثنين ويتسكر ............وهكذا
التفتيش جدا عادي تحط الظرف وكل الاوراق اللي معك في سله وتمر على الجهاز وبعدها ياخذون منك الظرف ويعطونك رقم احمر , بعدها تدخل على ساحة السفارة ساحة كبيره على شكل هرم في اخرها باب الدخول إلى السفارة.

اول ماتدخل تلقى واحد يعطيك رقم بعدها على يمينك عربية تبيع سندوتشات وعصيرات وغيرها وجنبها كونتر فديكس
انت تروح يسار وبعدين فيه غرفة على يمينك تدخلها وتنتظر على الكراسي وفيه ثلاث شبابيك فيه موظفين المهم وبدور على الرقم ا, انا طلع رقمي بس كل الشبابيك كانت مليانة ودخل عسكري وقال رقم كذا وكذا يروحون للصالة اللي جنب الغرفة , وطلعت ورحت للشباك اللي بالصالة الثانية , وفيه موظف اسمر طلب مني الجواز والـ I-20 (صورة) واول ورقة من السيفس
قص الباركود ورجعها لي , وطلب مني اوقع على الجواز ودبس فيه ورقة فيها ثلاث كروت خضر, وسألني هل سبق وان سافرت إلى امريكا ؟؟ ورجع لي بعدها الـ I-20 ورقمي وقالي انتظر على نفس الرقم مقابلتك .

جلست انتظر انا وخويي لان كنت انا وياهـ في نفس اليوم والوقت , وانتظرت ساعة حتى وصل موظفين المقابلة الشخصية
وكان لحسن حظي اني من الأرقام الأولى وهذي فايدة موعد الساعة 7:30 لمى وصل دوري للمقابلة رحت وكانت بنت شقرا .

ملاحظة:اللون الأحمر هي , واللون الأخصر أنا

حوار المقابلة :
صباح الخير
صباح الخير
هل تود الحديث باللغة العربية ام باللغة الأنقليزية ؟
وين تبي تدرس ؟؟ لغة انقليزية في سان دييقو
هل تبي تكمل بعد اللغة ؟؟ نعم ماجستير
هل سافرت من قبل إلى امريكا ؟؟ لا
من يبي يتكفل في مصاريفك ؟؟ انا واخوي
وش يشتغل اخوك ؟؟ رجل اعمال
هل انت تعمل مع اخوك ؟؟ نعم
هل تبي تكمل ماجستير؟؟ نعم
وش تبي تدرس ؟؟ MBA
معك قبول ؟؟ نعم(جيت بطلعة وقالت لي لا )
وين درست الجامعة ؟؟ السعودية ولا برا ؟؟ لا بالسعودية بجامعة الملك سعود
انت درست بكالوريوس MBA ؟؟ لا هندسة معمارية
بعدها طلعت حجزي اللي بـ 5/8
هل بالأمكان تطلع فيزتي قبل هذا التاريخ
بعد سبع ايام حجزك؟؟
لا بعد اسبوع وخمس ايام
اممممممم بعد سبوعين بس بحاول
اذا تقدرين ساعديني .
تقضي وقت ممتع في امريكا

وعطتني كرت من الكروت الخضر اللي دبسها الأسمر في المرحلة اللي قبل وقالت رح للفيدكس
رحت لها ودفعت 65 ريال وعبيت الأبلكيشن اسمي ورقمي والفرع اللي بستفبل منه الفيزا
وفي يوم السبت بعد 14 يوم صحيت الظهر الساعة 12:48 وفتحت جهازي على طول وشيكت برقم الفاتورة على موفع الفيدكس وطلع لي الخط البنفسجي انه وصل جوازي , صار طالع من السفارة وفي مكتب الفيدكس اللي بالسفارة في 5/8 الساعة 11:40 والسفارة تقفل يوم الخميس والجمعة فما وصلني الا السبت وفي الساعة 10:40 طلع من السفارة ووصل المخزن اللي بالدرعية في 12:27 وعلى طووووووووووووول رحت للفرع اللي جنبنا وعطيتة الفاتورة قالي لسى ماوصل من المخزن قلت له متى يوصل قالي المسا
رحت البيت والساعة 3:03 كلمني فيدكس وقلي انه وصل قلت له متى تسكر لصلاة العصر قالي بعد 10 دقايق قلت له ثواني وجايك , قالي لا خليها بعد الصلاة قلت له لااااااااااااااا انا الحين جايك والساعة 3:10 وصلت واستلمت منه الفيزا خمس سنوات ولله الحمد

لكن مع الأسف خويي ماستلم فيزته إلى الآن ماني عارف ليش , بس يمكن لانه سافر لروسيا يدرس لغة روسية ولازم يطول شوي يشيكون علية او مادري وانا كان جوازي جدييييييييييد توني مجددة .

اتمنى اني افدتكم واي اسئلة انا حاظر

وشكرًا ........

عالبركه يالغالي

وعقبال الشهاده الكبيره

والله ييسر امور جميع الي ينتظرون الفيزا تصدر

ما شاء الله على البركه وعقبالنا يارب :)

انا موعدي في 17/8 والله ييسر

انا موعدي كان بعدك بيوم, يوم 25-8

ان شاء الله تطلع بكره...و ان ما طلعت باحملك المسؤوليه خخ

أبشرك ما عمري رحت لروسيا ادرس لغه روسيه خخ

بالتوفيق للجميع و الله يعجل بفيزنا

الله يعطيكـ العافيه ويغفرلك ولوالديك عالمعلومات
وش الفرق بين الموعد وتأكيد الموعد <<مافهمت انا عارفه انك تاخذ موعد عن طريق موقع السفاره بس مااعرف التفاصيل بالضبط

ياليت توضح لي

في الحقيقة انا مكتب مسوي لي الموعد

لكن انت بعد ماتاخذ موعدك فيه في ايقونة تأكيد الموعد تختارها وتطبعا ايضًا

ما شا الله عليك تبارك الله

انا جايهم في 12 يوليو وإلى الحين ما طلعت =(

دراستي بـ 15 اغسطس والحين حنا بتاريخ 8

الله يعين بس

وانا في 10 يوليو ودراستي باقي لها 10 ايام
بس ربنا كريم

اقتباس:

---

ما شا الله عليك تبارك الله

انا جايهم في 12 يوليو وإلى الحين ما طلعت =(

دراستي بـ 15 اغسطس والحين حنا بتاريخ 8

الله يعين بس

---

انشاء الله تطلع بقرب وقت

اقتباس:

---

وانا في 10 يوليو ودراستي باقي لها 10 ايام
بس ربنا كريم

---

والله حاس بشعورك لان خويي إلى الان ماطلعت فيزتة وارسل لهم ايميل وقالو له تحتاج فيزتك إلى 10 ايام من العمل