اسئلة القنصلية والصراحة فيها , فترة المكوث في امريكا مثلا ..
السلام عليكم ..
يالربع انا عندي حاليا قبول معهد وقدمت على السفارة وموعدي بعد اسبوعين ..
الشغل كله حلو الان ولكن اذا رحت له وقال لي كم تبي تجلس ؟ وش اقول ؟
انا حاط بالنموذج سنة عشان المعهد ..
فهل اقول سنة زي المعهد او اقوله اذا رحت هناك سابحث عن قبول جامعه وان وجدت اخبرت ادارة الهجرة والسفارة السعودية او اسكت وانطم بس :crazy:
لان قبول الجامعه باجيبه ان شاء الله قبل لا اطلع وغالبا مايكون بعد المقابلة ..
لاني اخاف ماتجي الفيزة خمس سنوات اذا قدمت كذا .
رد: اسئلة القنصلية والصراحة فيها , فترة المكوث في امريكا مثلا ..
طيب اخوي مدام انك تبي ٥ سنوات ليه ماكتبت؟
مع انك تقدر تقدم بقبول المعهد فقط وتحصل على خمس سنوات اذا قلت لهم بكمل دراستي سواء ماستر او بكالوريوس!
عالعموم نصيحتي لك انك تقول لهم سنه مثل ماكتبت عشان ماتعرض نفسك للرفض واذا كتب لك ربي قبول بالجامعه تجي وتغير الفيزا
انا ما اقول هالكلام عشان اخوفك من المقابله لانه بالعكس المقابله جدا شي سهل ومريح بس وانا اخوك الحرص واجب :)
موفق ودعواتك
رد: اسئلة القنصلية والصراحة فيها , فترة المكوث في امريكا مثلا ..
اقتباس:
المشاركة الأصلية كتبت بواسطة Mr.Alfawzan
طيب اخوي مدام انك تبي ٥ سنوات ليه ماكتبت؟
مع انك تقدر تقدم بقبول المعهد فقط وتحصل على خمس سنوات اذا قلت لهم بكمل دراستي سواء ماستر او بكالوريوس!
عالعموم نصيحتي لك انك تقول لهم سنه مثل ماكتبت عشان ماتعرض نفسك للرفض واذا كتب لك ربي قبول بالجامعه تجي وتغير الفيزا
انا ما اقول هالكلام عشان اخوفك من المقابله لانه بالعكس المقابله جدا شي سهل ومريح بس وانا اخوك الحرص واجب :)
موفق ودعواتك
حبيبي مافي معهد يعطيك 5 سنوات , انت ملزم بـ i20 ومكتوب فيها الفترة ..
وايضا لو قلت باكمل في الابلكيشن دراسة في المقابلة قال وين القبول !!!
فلذلك هل اعرض لها تعريض في المقابلة او اسكت ؟؟
رد: اسئلة القنصلية والصراحة فيها , فترة المكوث في امريكا مثلا ..
اقتباس:
المشاركة الأصلية كتبت بواسطة daad
حبيبي مافي معهد يعطيك 5 سنوات , انت ملزم بـ i20 ومكتوب فيها الفترة ..
وايضا لو قلت باكمل في الابلكيشن دراسة في المقابلة قال وين القبول !!!
فلذلك هل اعرض لها تعريض في المقابلة او اسكت ؟؟
اخوي انا مسوي مقابله قبل 10 ايام وكاتب في الطلب 4 سنوات
وطلبت مني الاي توني حق المعهد بس وسآتني وش بتدرس قلت لها سنه لغه وسنتين ماجستير
وكان قبول الجامعه معي ولا طلبته
ولو تلاحظ الفتره الاخيره الناس ماصار ينطلب منها الا قبول المعهد بس ويكون كافي وتجيهم الفيزا خمس سنوات
وبعدين انا يوم كتبت في ردي الاول انك تكتب خمس سنوات ولا معك الا قبول المعهد ماقصدي تروح المقابله وتقول ابي خمس سنوات لغه!!
قلت لك تشرح لهم وضعك وهم بيتفهمون
رد: اسئلة القنصلية والصراحة فيها , فترة المكوث في امريكا مثلا ..
اقتباس:
المشاركة الأصلية كتبت بواسطة Mr.Alfawzan
اخوي انا مسوي مقابله قبل 10 ايام وكاتب في الطلب 4 سنوات
وطلبت مني الاي توني حق المعهد بس وسآتني وش بتدرس قلت لها سنه لغه وسنتين ماجستير
وكان قبول الجامعه معي ولا طلبته
ولو تلاحظ الفتره الاخيره الناس ماصار ينطلب منها الا قبول المعهد بس ويكون كافي وتجيهم الفيزا خمس سنوات
وبعدين انا يوم كتبت في ردي الاول انك تكتب خمس سنوات ولا معك الا قبول المعهد ماقصدي تروح المقابله وتقول ابي خمس سنوات لغه!!
قلت لك تشرح لهم وضعك وهم بيتفهمون
حلو حلو انا هذا اللي كنت ناوي اسويه وكنت خايف ومازلت كذلك ..
والله ييسر الامور وهي على حسب الشخص اللي بيقابل الظاهر ..
رد: اسئلة القنصلية والصراحة فيها , فترة المكوث في امريكا مثلا ..
يا أخي الكريم إذا تبي نصيحتي عبي لك نموذج ثاني وغير المدة إلى 5 سنوات لأن الغالب اللحين كلهم يروحون بقبول معهد وأنا اتكلم عن المبتعثين من الجامعات ويكفي إنك تجيب قبول معهد بس لكي تبتعث ... ولكن اللحين لو قدمت وانت طالب بس سنة هم أحب لهم وبيعطونك سنة وحدة بس وهذا هو طلبك لكن ماعليك اكتب خمس سنوات وقل إني بكمل بعد اللغة دراسة الماجستير .. وبالتوفيق أخوي ....