سويت المقابله اخيييييرا تعالوا اقولكم وش صار

السلام عليكم ورحمة الله وبركاته
واخييييييييييييرا جاء موعد السفاره وقابلت مو مصصصدقه :jump:
.
.
بقولكم وش صار معي
موعدي اليوم 6 سبتمبر الساعه 8 بسفاره الرياض
وصلت انا وزوجي لحي السفارات 7 الا ربع
على طول اخذ زوجي مكان بالطابور
بعدين انا جلست انتظر عند النساء احم .. الين الساعه 7 ونص
على طول رحت لأستديو عجمان علشان اخذ السيفس تبع زوجي
لأن امس الموقع تعطل .. :mad2:
المهم .. وارجع الا جاء دورنا عند الشباك اللي عند الباب
اخذ اوراقنا والشباك اللي جنبه اخذ جوالاتنا ..
وحطهم بظرف عليه كرت احمر واعطانا كرت احمر علشان لما نبي نستلمها فالكرت

..
بعدين فتح الباب ودخلت انا وزوجي طبعا اثنين اثنين يدخلون ..
وعلى طول جهاز التفتيش قدامنا حطيت شنطتي ورميت جزمتي انا وزوجي وانتم

بكرامه
عند جهاز التفتيش سعوديه حبوبه مره تخيلوا كنت جايه من العمره ونسيت المقص

بالشنطه خخخ قالت طلعيه وانا انهبل قلت هاه :bye2: والله مادريت عنه وتضحك خخ
واخذته حطته مع الجوالات ..
.
.
دخلنا ع اليمين فيه كراسي انتظرنا لين جاء دورنا في واحد جالس وياخذ الجواز

وصفحه الأيتويني ورسوم سامبا ..
حط على الجواز ورقه بيضاء وختمها ومدري وش سوا قص ذا اللي يجي كنه

خطوط على صفحه تاكيد الموعد خخ واعطانا اياها حقتي وحقت زوجي وقال تفضلوا

رحنا على غرفه باليسار
وانتظرنا حوالي نص ساعه لين جاء دورنا كان رقمنا 36
ورحنا لكاونتر رقم 6
اللي فيه وحده حبوبه مره مره اتوقع اسمها منال .. لبى قلبها :heart:
بس اخذت الجواز

وووصل سامبا وقعت عليه واخذت بصماتنا انا وزوجي
وسالتنا اول مره تروحون امريكا قلنا اي قالت دراسه ! قلنا اي ..
ووبس اعطتنا الجواز ..
واخذت بصماتنا اربع الأصابع اليسار اول وبعدين اليمين واخر شي الأبهامين سوى
انتظرررررنا كثيير والله لين جاء موعد المقابله يمكن حوالي 45 دقيقه او اقل
ونادوا علينا ورحنا شباك رقم 10 <- اكره الرقم من اليوم ورايح .. :crap:
.
.
اللي تقابلنا امريكيه شقراء بيضاء هع .. حسبي الله عليها رفعت ضغطي مو
علشان شي بس مااااااااااااتفهم عربي وانا ما افهم انقلش وقمنا نحوس بالكلام
ياخي دامني ماعرف انقلش ودوني لأحد يعرف عربي تهئ تهئ .. :crying:
اخذ الجواز منا وقالت بكلم زوجك واخذ زوجي السماعه
قالت له هل انت متزوج !
هل انت موظف !
من اين تخرجت !
كم راتبك ! وطلبت تعريف انه يشتغل قال ماعندي قالت نو بربلم ..
هل تريد اكمال دراستك !
في أي تخصص !
هل تريد دراسة اللغه اولا !
هل سافرت من قبل لأمريكا !
هل سافرت لخارج السعوديه ! والى اين !
على حساب من ستدرس !
واخذت بصمه السبابه حقت يده اليسار ..
.
.
وقالت اعطني زوجتك
اهلا <- لا هلا ولا مسهلا .. :hmm:
هل انتي متزوجه ّ!
منذو متى !
عندك اولاد !
هل انتي حامل !
من اين تخرجتي !
ماهو تخصصك البكالوريوس ! وماهو تخصصك الماستر !
هل سافرتي من قبل لأمريكا !
هل سافرتي لخارج السعوديه ! والى اين !
على حساب من تدرسين !
واخذت بصمة سبابتي اليسار ..
.
.
الى هنا حلو ..
بنت اللذينا استقعدت للضمان المالي قلت يابنت الناس ماعطوني ضمان امس عندهم
قالوا الأسماء تجيكم دايركت هذا ختم الوزاره على قبولي يعني انا مبتعثه
وريتها بطاقه التدقيق وضمان كندا لني كنت محوله
قالت انه ليس اثباتا نعنبوا حيهاا كنها تبي تدفع لي من جيبها :stunned:
قلت تكفين وانا فيني العبره ودي اصيح والله انا مبتعثه يختي شوفي الختم
قالت لا ناديت السوداني اللي عند الكاونتر شرح لها لا والف لا ركبت راسها
جعل راسها البط.. :twisted:
اللي فقع مرارتي ماغير تقول لا افهم لا افهم طيب انا وش دخلني اتكلم عربي بأنقلش يعني وضحت لها بس تسلبه ..
زوجي مشته لأن معه شهاده بنكيه هو مرافقي بس لأنه طلع f1
وانا استقعدت لي وتنزل دموعي غصب ومارحمتني :cry:
اعطتني ورقه صفراء قالت جيبي الضمان وارسليه مع الجواز
قالت فيزاتكم مقبوله زوجك سنأخذه جوازه اما انتي ارسليه لنا مع الضمان
.
.
واخذت جوازي وانا ادعي عليها تهئ
ورحنا للفيدكس سدد زوجي الرسوم واخذ الوصل وطلعنا ..
ع 10 ونص طلعنا من السفاره ..
اخذنا اغراضنا بالورقه الحمراء ورحنا لبيتنا :yeah:
.

.
الحمدلله يارب ان الفيزا انقبلت وهذا اهم شي وانا انقهرت لأن مابقي شي على موعد دراستي ومابي الفيزا تتاخر الحين الوزاره مقفله والسفاره بتلحقها يعني مالي الا بـ 9 شوال اروح للسفاره والله يعين ..
.
.
ككل كل شي سهل وميسر ومافي خوف ابد والله الكل متعاون وحبوبين الا بنت اللذينا هع والغلط مني ادري لو جايبه ضمان رح امشي بس شسوي بالوزاره :annoyed:
الأجرائات سهله مرره ولافي تعقيد ..
السيفيس ماخذوه مني ولا طلبوه ابد .. ولا طلبوا صور شخصيه
بس اخذوا رسوم سامبا والأيتويني والجواز
ولا طلبوا اي اوراق اضافيه لا شهاده ولا سجل اكاديمي ولا شي
بس وريتها الشهاده البنكيه حقت زوجي ..
.
.
والحمدلله يارب دعواتكم تطلع فيزة زوجي بدري والا انا بنت ان شاء الله سهله ..
والله يوفق الجميع ويسهل عليهم الا امورهم ..

:heart::clap3:

شرح وافي وبالتوفيق,,,

بالتوفيق اختي ميمو وانا معك كنت في نفس اليوم
وان شاء الله تخلص أمورنا بأسرع وقت

اهم شيء انها مارفضت التأشيرة .. وكان قالها زوجك لما سألت عن الضمان ان كشف الحساب هذا لي انا وزوجتي ويمكن تمشي الأمور

عموما ما تدرين كل تأخيره فيها خيره والحمد لله على كل حال

ماشاء الله امورك تساهل ولله الحمد
الف مبروووك مقدما وعقبال اصدار الفيزه لك ولزوجك

مبرووك على البركه

هذا انتم يالحريم دايم نقص

<< بينجلد

لا عادي هونيها و تهوون انا كنت قبلكم بيوم عند شباك رقم 8 واحد اشقر و يتكلم عربي احسن مني << بيقهرك بس

و مثل ما قالو كل تأخيره و فيها خيره يارب

اقتباس:

---

المشاركة الأصلية كتبت بواسطة ABU MAAD

شرح وافي وبالتوفيق,,,

---

تسسلم والله
ويااك يارب : )

اقتباس:

---

المشاركة الأصلية كتبت بواسطة قلمي منحرف

بالتوفيق اختي ميمو وانا معك كنت في نفس اليوم
وان شاء الله تخلص أمورنا بأسرع وقت

---

وياك يااارب اللهم امين ..
زوجي لما قرى ردك يقول قولي له وش لابس تراني حافظ الموجودين كلهم
هههههههههههههههههههههههههههه من الفضاوه حفظ الكل

حياك الله

اقتباس:

---

المشاركة الأصلية كتبت بواسطة naif2010

اهم شيء انها مارفضت التأشيرة .. وكان قالها زوجك لما سألت عن الضمان ان كشف الحساب هذا لي انا وزوجتي ويمكن تمشي الأمور

عموما ما تدرين كل تأخيره فيها خيره والحمد لله على كل حال

---

اي الحمدلله يارب اهم شي انقبلت ..
وفكرتك والله جت على بالي بس لما قلت لها اني مبتعثه وخفت اغير كلامي تشك اني لعابه اوشي
تعرف امريكيه هي مايبي لها خخ
الحمدلله على كل حال وان شاء الله ابشركم بوصول فيزتي ..

حياك الله

اقتباس:

---

المشاركة الأصلية كتبت بواسطة sa11ad

ماشاء الله امورك تساهل ولله الحمد
الف مبروووك مقدما وعقبال اصدار الفيزه لك ولزوجك

---

الله يبارك فيك وتسلم والله ع الدعوه
اللهم آمين ..~