*************
I-94 هو نموذج يتوجب على كل مسافر للولايات المتحدة الأمريكية تعبئته على متن الطائرة قبل وصوله للأراضي الأمريكية بغض النظر عن نوع الفيزا سواء زوج او خاطب او دراسة أو عمل أو جرين كارد، لا يقوم بتعبئة هذا النموذج من يحمل الجنسية الأمريكية فهو مقصور على غير الأمريكيين فقط.
لإخوانا الكرام الي مسافرين أمريكا قريب ان شاء الله، النموذج ده يجب تعبئته بعناية شديدة ووفقا لما هو مكتوب في جواز سفرك وتذكرتك يعني مش من دماغك وتكون الحروف كلها كبيرة Capital والتهجئة صحيحة Spilling زي ماهو في جواز سفرك
سيقوم موظف الجوازات في مطار نيويورك بتدبيس كعب النموذج بجواز السفر الخاص بك ولا يجب عليك إزالته أو العبث به مطلقا، حيث سيقوم موظف الجوازات بإزالته بنفسه حين تقوم بمغادرة الولايات المتحدة لأي سبب سواء اجازة او غيره.
الطريقة الخاصة للكتابة وتعبئة بياناتك في النموذج:
هتلاحظوا ان طريقة كتابة البيانات في النموذج عبارة عن كل حرف في خانة يعني متجمعش حرفين مع بعض في خانة واحدة أبدا، وإفصل بين كل كلمة والتانية بخانة زيادة وانت بتكتب اسمك بالكامل مثلا
MOHAMMED AHMED
كلمة MOHAMMED كل حرف منها في خانة ورا بعضها وبعد كده تسيب خانة واحدة بس فارغة كمسافة وتكتب كلمة AHMED بنفس الطريقة وهكذا
*************************
دي صورة لبداية النموذج عبارة عن ارشادات عامة وتنبيهات وهتلاقي فيه فراغين عبارة عن خانات فوق وتحت في الصورة، هتسيبها فاضية لأنها خاصة بموظف الجوازات في المطار
*************************
من هنا هتبدأ تكتب بياناتك وزي ما قولنا (كما هو مدون في جواز السفر بالظبط) وعلى حسب الترقيم الي هما كاتبينه في الصورة الشرح كما يلي:
1- إسم العائلة (الإسم الأخير)
2- إسمك الشخصي
3- تاريخ الميلاد: هتكتبه من الشمال لليمين أولا اليوم بعدين الشهر بعدين السنة
الأرقام الفردية في تواريخ الميلاد زي 5 و 7 و 9 مثلا يعني بتحط قدامها صفر الأول بعد كده الرقم
على سبيل المثال لو انت مولود يوم 5/أغسطس/1978
طريقة كتابة تاريخ ميلادك في الفورم هتبقى كما يلي:
05/08/78
4- بلد الجنسية: يعني هتكتب EGYPT
5- الجنس: ذكر أو أنثى MALE أو FEMALE
6- رقم جواز سفرك زي ماهو مكتوب في باسبورك بالنسبة للي طلعوا جوازات السفر الجديدة هتكتبه بالحرف الموجود فيه
7- هتكتب فيها رقم رحلتك مع كود شركة الطيران الي انت مسافر عليها، يعني الي مسافر على مصر للطيران هيكتب MS ده كود مصر للطيران الدولي ووراها على طول رقم الرحلة 955 مثلا تبقى بالشكل ده MS955
8- البلد الي انت مقيم فيها حاليا هتكتب EGYPT أو على حسب البلد الي انت مقيم فيها
9- المدينة الي اتدولت فيها
10- المدينة الي تم اصدار التأشيرة الخاصة بيك
11- تاريخ إصدار التأشيرة برده بنفس أسلوب كتابة تاريخ الميلاد الي تم شرحه
12- اكتب هنا العنوان الي انت نازل عليه في أمريكا (رقم الشارع واسمه ورقم الشقة وهكذا) وتكتب رقم تليفون المكان الي نازل فيه.
13- المدينة والولاية الي نازل فيها.
***********************
الجزء ده هو الكعب الي سيتم تدبيسه في باسبورك فقم بملئه بنفس الأسلوب المشروح سابقا:
14- إسم العائلة (الإسم الأخير)
15- إسمك الشخصي
16- تاريخ الميلاد: هتكتبه من الشمال لليمين أولا اليوم بعدين الشهر بعدين السنة
17- بلد الجنسية: يعني هتكتب EGYPT
*******************
وأتمنى الموضوع يفيدكم ان شاء الله
طبعا واضح من اللهجة او الكلام انه منقول والمصدر
http://dvd4arab.maktoob.com/showthread.php?t=1392764
بس جدا" واضح ومفيد ان شاء الله تعالى
دعواااااااتكم
