لكل من المعلقين "بالفيزا الآمريكية" ساعدنا نضغط على السفارة

السلام عليكم

انا من اللي الله كتب عليهم ووقعت في فخ الفيزا الآمريكية :mad: ولحد الآ٫ن اربع شهور ولا شفنا منهم شيء

الموضوع كالتالي:

انا رحت الوزارة وقابلت "الموسى" وقلت له السالفه كلها ان الآمريكان ماعطوني فيزا ولا حتى ردو علي وقلت له مو بس انا

اغلب طلاب المرحلة السادسة ماعطوهم وش الحل؟؟ وبرضوا قلت له نهاية الشهر اذا ماصار شيء ابي احول لكندا او بريطانيا

طبعا رد علي من الكلام لازم تصبر والآمريكان هذا اسلوبهم من المرحلة الرابعه وهم كذا وحنى وقفنا الآبتعاث لآمريكا

من المرحلة الخامسه لكنهم طلبوا منى ان نسمح للآبتعاث لهم :mad:

يسمحون ويعلقونا والله مصخره ههههههههههه

عطاني حل وقالي ممكن ينفع معهم لآن يهمهم ان الطلاب السعودين يبتعثون لآمريكا:

قالي ارسلهم رساله ان الوزارة بتقفل المرحلة السادسة وانهم بيفتحون المرحلة السابعه وانك متآخر كثير في امور البعثة

واطلب منهم الآستعجال لآن الوزارة طلبت منك تشوف لك بديل في اقرب وقت غير امريكا لآنك متآخر في الآجراءات

وقول لهم انك تتنمى الدراسة في امريكا بسبب قوه جامعاتها والبيئة المناسبة للدراسة

لكنك ماتقدر تنتظر اكثر بسبب اجراءات البعثة

هالحل ممكن ينفع معهم اذا شاوفوا عدد كبير ممكن يغير الدولة بسبب تآخر اصدار التآشيرة وحسب كلامه ان الآمريكان يهمهم جدا ان الطلاب السعودين يدرسون عندهم

عموما بالنسبة لي انا راسلتهم اليوم وردو علي برساله غير النسخ واللصق حقهم وانهم يعتذرون الخ الخ وانا رديت عليهم الآعتذار ماراح ينقذ فرصتي بالآبتعاث وانا وقتي قصير ولا اقدر انتظر اكثر

والآسبوع الجاي السبت راح اسحب جوازي بدون ما الغي الطلب عشان يفهمون اني بدآت اغير وجهتي

بكذا ممكن نخليهم يحسون على دمهم

اخوي انت من المرحله السادسه ؟؟؟؟؟
وكل هذا الكلام مرسله ع الايميل ؟؟

ايه انا من المرحلة السادسة

وطبعا مو كل الكلام ارسلته هذا بس عشان اشرح لكم من وين جات الفكرة

الكلام اللي باللون الآحمر هو الرساله اللي المفروض تصيغها بطريقتك وترسلها للسفارة

واتمنى ياشباب وشابات كل شخص يكتب بآسلوبة عشان لاينتبهون ان حنى متفقين على الآرسال

باذن الله الصبح بصحى واكتب لهم ايميل مثلك ولازم كلنا نتوحد ونتفق
الله يجزاك خير يااارب
ويارب يكون الاسلوب هذا ينفع معاهم
بجهز الايميل من اليوم وبكره من صباح ربي ارسال
انا دحين كملت 68 يوم وهيا تحت الاجراءات الطلب معلق لا قبلوني ولا رفضوني وهذا اللي يجنن اكثر

ربنا كريم
وياريت كلنا هنا نجتمع ونعمل لهم ضغط

والله فكره اوكي وانا معاكم من الحين راح ارسل الرساله ونشوف الرد بكرا ايش راح يكون نقول يااارب تجيب بفايده

والله انا معاكم

ان شاء الله برسل الرسالة الصبح

(معا يدا بيد لنضع للتأخير حد ) هههههههههههه 5 اسابيع وطفح فني الكيل ومااظن بقدر اصبر اكثر

وانا بعد معاااكمـ ..
بقـى ٣ اسابيع على الدراسسة .. اراسلهمـ يحقرووني .. باين ملوا مني xp

الحيـن اكتب لهمـ واخليهمـ يعررفون منو زهوررآت >> انفعلت بالسالفة +) هع ~
ان شااء الله يخلصون اموورنا سريع .. ^^

انا عندي اقتراح يمكن يكون الحل وهو
اننا نكتب زي دي الرساله بصيغة الجمع ونكتب لهم ارقام جوازاتنا في الرساله يمكن يحسون بكثرتنا ويعجلون .. يعني في الرساله الوحده يكون فيها 10 او 20 شخص يمكن نكسر خاطرهم

وياليت نقفل الموضوع حق اخونا ايمن راغب البعثه لأنه صاحب الموضوع طلعت فيزته ولان الموضوع وصل فوووق المية صفحه

كلام اخوي حمزة الشريف ممتاز بس يا شباب انا معاكم بس المشكلة اني على حسابي اتمنى الجواب في مشكلة ولا لاء بعدين لحظة اذا بنسويها جماعية خل نفتح موضوع وكل واحد يحط معلوماته ونرسله او خلنا نجتمع في موضوع وبين ايش نسوي علشان مو كل واحد يألف من عنده وشكرا

اقتباس:

---

المشاركة الأصلية كتبت بواسطة الغادي

كلام اخوي حمزة الشريف ممتاز بس يا شباب انا معاكم بس المشكلة اني على حسابي اتمنى الجواب في مشكلة ولا لاء بعدين لحظة اذا بنسويها جماعية خل نفتح موضوع وكل واحد يحط معلوماته ونرسله او خلنا نجتمع في موضوع وبين ايش نسوي علشان مو كل واحد يألف من عنده وشكرا

---

اشوف لو نسوي قروب افضل عشان يمكن الواحد يخاف يكتب رقم الباسبورت في مكان عام