بخوص تأخير التأشيره وتأجيل الدراسه !!

السلام عليكم
اخواني واخواتي
انا دراستي في 6/ 6/ 2011 م
وبصراحه التأشيره للان ماطلعت وكلمت مكتب تجسير وقالو اجلي الدراسه مثل ماتبغين شهر اوشهرين او اكثر
ورايحه اجلها شهر من تاريخ الدراسه ..
استفساري ..
1/ لو ابغى اجل شهر واحد .. هل استطيع استخراج قرار الابتعاث!! وهل فعلا لابد ان يكون استخراجه قبل السفر بشهر وهل تنصحوني تأجيلها اكثر !!
2/ قرار الابتعاث هل يلزمني خروج التأشيره لاستخراج االقررار لان عمل زوجي طالب قرار الابتعاث ومدته ..
3/ في حالة قدوم مولود جديد ماهو الاجراء لاتخاذه هل هو نفس ماقمنا به مع الاطفال قبل المقابله
افيدوني جزاكم الله كل خير

آآآه لا تشكين لي و لا ابكي لك ..

توني جاي من الخطوط ألغيت رحلتي على واشنطتن لنفس السبب ..

قدر الله و ما شاء فعل ..

اتمنى الاخوان يفيدونك .. انا دارس على حسابي*

والله يا إختي

انا توني مابعد وصلني قبول المعهد والجامعه عساه مايطول ان شاء الله لان دراستي في اغسطس

والخوف من تأخير التأشيرهـ مثل اللي حاصل لكم

لكن ابي افتيك باللي اعرفه بخصوص التأجيل

لكن هذا الشي ماراح يفيدك فيه غير المعهد

لان تقريبا كل معهد له نظام معين يعني مثلا في معهد تقدرين تأجلين دراستك اسبوع لان الكورسات عندهم كل اسبوع

وبعضها ما تقدرين تأجلين الا شهر لان كل شهر عندهم كورس او سمستر

فـ انا بالنسبه لمعهدي ما يأجلون الا شهرين اقل شي يعني في اكتوبر وان شاء الله مانضطر للشي هذا

والباقي الله اعلم به

كل التوفيق للجميع ان شاء الله

وعذرا على الاطاله

انا قالي تجسير تقدر تاجل اي وقت تبيه بس اخر موعد لاصدار قرار الابتعاث شهر 8

يسعدكم ربي على ردودكم

طيب هل قرار الابتعاث على شان نستخرجه لابد من اتسخراج ووصول التأشيره !!!

ابشركم جات الفيزا العظيمة اخيرا بعد معاناة 3 شهور من الانتظار واصدار اي توني جديد دعواتكم وانشاء الله ربي ييسر لكل من ينتظر الفيزا

اقتباس:

---

المشاركة الأصلية كتبت بواسطة shirazi

ابشركم جات الفيزا العظيمة اخيرا بعد معاناة 3 شهور من الانتظار واصدار اي توني جديد دعواتكم وانشاء الله ربي ييسر لكل من ينتظر الفيزا

---

الف مبرووك و دعواتك لنااا

شيرازي خرعتني بلمباتك والزينة والالوان هههههه داخل عرض
بس احلى بشارة الف مبروك عقبالنا قربت تطلع روحي لا اي توني ولا فيزا ببكي ع البمبرة وببكي ع التينة

الحايرة
عزيزتي ادخلي موقع الوزارة وشوفي متطلبات الابتعاث
يطلبون فيزتك وفيزة المرافق
بالعربي قرار الابتعاث مرحلة تجي قبل التذاكر وبعد اصدار تأشيرتك وتأشيرة مرافقك

سلام

الله يوفقكم جميعا ومبروك من خرجة التأشيره
وللان مرت 8 اشهر بعد ماسوينا المقابله في السفاره الامركيه بالرياض والان احنا قبل رمضان وانا كل شهر اطلب ( أي توني ) جديد وتاجيل جديد
وياقلب لا تحزن
ملاحظه كل مانتصل على السفاره يرد علينا واحد صوته حاد شوي وبصراحه ماعنده اسلوب ويقولنا كلمتين فقط
(( تحت الاجراءات ))<<-- بصوت غلس .. واي كلمه ثانيه مايرد علينا حسبي الله عليه
بجد ماصار ابتعاث صار نكد .. الله يعين اللي يسوون المقابله في الرياض خوفي يطقون وماجات التأشيره :(
دعواتكم شكل الشغله بتاخذ لها سنه ونص :(