6 اشهر من الانتظار ثم يسالوني عن عدد جوازات السفر ..؟ ساعدوني

سلام عليكم ورحمة الله وبركاته

مساء الخير ...
آتوقع مافي احد هنا اقدم مني في تاريخ المقابلة الشخصيه على حسب اطلاعي , انا لي تقريبآ 6 شهور من الان من 17 يناير وانا مسوي المقابلة الشخصيه ..
آتصلت عليهم لين مليت , ارسلت رسائل لين طفشت الرد يكون واحد " تحت الأجراء الاداري " ولكن اخر ايميل وصلني منهم هذا نصـه

Dear Sir,
Unfortunately, your visa is still under processing and please provide us all your passport numbers ASAP. How many passport
Do you have?

Thanks
Cons
Jpm

This email is UNCLASSIFIED.


مع العلم اني مجدد جواز سفري القديم وكان فيه سفرتين وحده على الأمارات والثانيه لقطر , ووقت المقابلة الشخصيه لم يسآلوني عن سفراتي ولا عن الجواز القديم كانت اجراءاتي طبيعيه جدآ وفي الاخير قال لي مبروك التاشيرة سدد رسوم الفيدكس لكي تستلمها عند انتهاءها .. حبايبي انا انقليزيتي بسيطه جدآ حتى اني اراسلهم عن طريق مترجم قوقل وانا على ثقه ان مترجم قوقل لا يعطي نتائج مرجوهـ ولكن ما المقصود من هذه الرسالة ..؟



هل اذهب لهم إلي الرياض لكي آتأكد من وضع التاشيرة ..؟
ام انتظر ..؟
او اقوم بسحب جواز سفري واطلب من الوزارة تغيير الدولة ..؟

ام ماذا اعمل ..؟


عبد العزيز

اخوي عبدالعزيز

ارسل لهم ارقام الجوازات القديم و الجديد وقلهم كم عدد الجوازات الي عندك

ورد عليهم اذا هي عندك ولا لا

و هذي الاجرائات تصير وصارت مع واحد من الشباب و في الاخير استلم جوازه مع الفيزا

يبون يعرفون كم جواز عندك ؟

عموما غالبا يوم يرسلون سؤال معناته ان وضعك يمشي ...ان شالله تسمع خبر حلو عن ما قريب

نصيحة اخوية

غير الدولة واسحب عليهم

انت قاعد تضيع وقتك معاهم لو فيهم خير ماعطلونا

اقتباس:

---

اخوي عبدالعزيز

ارسل لهم ارقام الجوازات القديم و الجديد وقلهم كم عدد الجوازات الي عندك

ورد عليهم اذا هي عندك ولا لا

و هذي الاجرائات تصير وصارت مع واحد من الشباب و في الاخير استلم جوازه مع الفيزا

---

الله يبشرك بالخير في دنياك واخرتك ..
انا عندي جوازين واحد سلمته للجوازات بعد ما انتهى وقاموا بتخريمه ورفضوا يعطونه لي .. والثاني جديد وهو اللي بالسفارة الحين
القديم اتوقع له صوره عندي وش رايك ارسله عليهم ..؟

اقتباس:

---

يبون يعرفون كم جواز عندك ؟

عموما غالبا يوم يرسلون سؤال معناته ان وضعك يمشي ...ان شالله تسمع خبر حلو عن ما قريب

---

حيآك الله مديرة الحملــه ..
انا عندي جوآزين واحد سلمته للجوازات وخرموه والثاني الموجود بالسفارة ..
الله يسمع منك ياوخيتي ...

مشكورة ع تواجدك وتشريفك

اقتباس:

---

نصيحة اخوية

غير الدولة واسحب عليهم

انت قاعد تضيع وقتك معاهم لو فيهم خير ماعطلونا

---

حيآك الله اخووي "محمد"
انا قلت انتظر لين اشوف وش نهايتها ان ما مشت معي الوزارة ما تقدر تقول شيء إذا كان جوازي في السفارة والطلب تحت الاجراء الاداري وش بيقولوون ..؟
راح يرفضون بعتثي ما يقدرون لان الموضوع موب في يدي الموضوع عند جهة الدراسة هي اللي ما خلصت اجراءاتي ..

ع العموم بعطيهم اخر فرصه واشوف وش نهايتها اما يمشون اجراءاتي ولا بروح لهم واخذ جوازي واغير الدولة ...

مشكور ياعسل ع تواجدك وتشريفك ..
عبد العزيز