واخيرا استلمت الفيزا بعد 7شهور من الانتظار+ شكر(MISS B يالبى كندا بونعيم منعطف خطير..

السلام عليكم ورحمة الله وبركاته

الحمد لله تم اليوم اصدار قرار الابتعاث في اليوم الاخير لاصدار قرار الابتعاث

15-10-1432 وبعد ان يأست من اصدار قرار الابتعاث في الوقت المحدد وكنت توني طالع من بيتنا بروح الرياض اوضح لهم اسباب

عدم قدرتي على اصدار قرار الابتعاث وهاذا الكلام كان يوم الاحد وتوني مشيت اشوي من بيتنا خطوتين واقول ياولد خلني افتح الايميل من الجوال اشوف

يمكن وفقط يمكن ( متعوب عليها الجملة ) اشوف شي جديد فتحت الايميل واشوف رسالة من السفارة انا من الفرحة ما قدرت اقرى الرسالة عطيت الوالد الجوال قلته شالسالفة

قالي مكتوب انه فيزتك انطبعت وانو جوازك الان مع فيدكس قلت حق الوالد خلاص اجل رجعنا البيت وكنت طاير من الفرح وهذاك اليوم ازعجت فيدكس اتصالات لاني كنت اشيك على الموقع

ويطلع لي not found اكأب جملة في الحياة وكنت خايف ان الجواز ما يوصل يوم الاثنين والحمد لله يوم الاثنين اتصلت عليهم وقلي الموظف جوازك موجود في فرع فيديكس وعلى طول رحت فيدكس انا وصاحبي

واخذت الجواز وكان صاحبي يصورني للذكرى ونفس اليوم حجزت على الرياض واليوم الحمد لله رحت الرياض

وصدرت قرار الابتعاث وصراحة اصدار القرار كان سهل جدا لدرجة اني ما صدقت ان هذا قرار الابتعاث وصلت عند الموضف واعطيته الاوراق وقالي استريح شوي ناداني بعد عشر دقايق

وقالي هذا قرار الابتعاث روح الاتصالات الادارية واخذ امر الاركاب طبعا قالي صور قرار الابتعاث اول واحتفظ بنسخة لنفسك صورته ورحت الاتصالات الادارية وطبعت امر الاركاب خلال دقيقتين

وبعدين رحت مكتب الطيار وكان شوي زحمة خذ الاوراق مني مني وقال لي استريح شوي وبعد 20 دقيقة ناداني واخذ مني الجواز وقالي اي ولاية بتروح قلتله ميزوري اي مدينة قلتله سانت لويس وموعد الدراسة

10-10-2-11 وساني متى تبغى تسافر قلتله 28- سبتمبر يعني بعد 14 يوم قالي في رحلة على الخطوط القطرية وفي رحلة على ال klm انا طبعا اخترت القطرية لانو ال klm توقف في امستردام وبعدين تروح واشنطون

اما القطرية توقت في الدوحة وبعدين تروح واشنطون والمهم قالي استرح شوي وبعد 20 دقيقة تقريبا ناداني واعطاني التذاكر وشرح لي تفاصيل الرحلة وقالي لما توصل راح يستقبلك سواق الملحقية ويوصلة الفندق

واليوم الثاني راح يوصلك الملحقية وبعدها بيوم تسافر على ولايتك وبس هذا كل شي صار ( على فكره قالي الموضف انو قرار الابتعاث الي تاخذه صورة بس علشان كذا ماعليه توقيع ولا شي اما الاصل يرسلونه
اهم للسفارة )

على فكرة تاريخ التقديم للفيزا كان 15-2-2011 وتاريخ طباعة الفيزا المظحك والتاريخي هو 11- سبتمبر -2011 طبعا الصراحة انو السفارة ارسلوي قبل بشهرين انو الفيزا خالصة بس يبغون الي توي الجديد

والي توني وصل بعد شهر ونص تقريبا وباتوفيق يارب للجميع ملاحظة اخيرة ( الاخوة والاخوات اي ما اصدروا قرارات الابتعاث بسبب الفيزا او المحرم او اي سبب يراجعون الوزارة ويوضحون لهم اسباب التاخير وفي لجنة راح تنظر في اسباب التاخير وان شاء الله الجميع را يصدرون قرارات ابتعاثهم وانا الصراحة اتوقع انو هالاجراء مجرد اجراء روتيني لانه قرار الابتعاث مجرد ورقه عادية مكتوب فيها بيانات الطالب المبتعث )


واخر شي احب اوجه شكر خاص لكل الي كانو متميزين بمشاركاتهم ايام الانتظار :

( MISS B - يالبى كندا - بونعيم - نوفي - جالسكي - سباريخو - ياريح رد لي خبر - الاكتفاء بالمزيد- Mei- خيال نجد -saudi lion - وفاء الناصر -philly - مناظل - dan123- وشكر خاص للمشرفة المتميزة منعطف خطير الي كانت معنا من اول خطوات الابتعاث واعتذار خاص لكل الاخوت والاخوات الي نسيت اساميهم )

كلمة اخيرة راح افتقد هذي الزوايا ( موقع وزارة التعليم العالي - برنامج خادم الحرمين الشريفين للابتعاث الخارجي (المرحلة السادسة مبتعث ) -ايميلات السفارة ( Your visa application is still undergoing administrative processing
- فيدكس والكلمة الكأيبة (NOT FOUND ) - مكتب تجسير وحوسة استلام القبول وتاجيل الدراسة - وتجلس كل يوم من النوم وتشغل النت يوم تشوف قبولك ويوم فيزتك ويوم ويوم واشياء كثيرة .

رغم كل التعب والمعاناة في الاخير تجربه جميلة لا يكمن ان تنسى ( ان الصبر يضفي على الاشياء التي تتمناها قيمة حقيقية )

اســــــــــف جدا على الاطالة وشــــــــــــــــــــــــــــــكرا لكم .

بالتوفيييييييييييييييييييييييييييييييييييييييييييي يييييييييييييق يارب ادعيلنا

احمد ربك و اشكره و الف الف مبروك اخي الكريم عقبالنا ،،، صارلي ٥ شهور

الف الف مبررررررررروك بالبركه انشاء الله ......ادعي لأختك صارلها 6 شهور

7 شهور إنتظار !! ياصبرك ونا أخوك
ألف مبروك وعقبال ماترجع بالشهاده
والعقبى لي ولإخواني وأخواتي في الحصول على الفيزا عاجلاً غير آجل

ألللللللللللف أللللللللف مبروووووووووووك يا أخوي صبرت ونلت ..جتك الفيزا تزحف

تروح وترجع بالسلامه وعقبال مانبارك لك الشهادة يارب :)

الف مبررررررررررروك فرحت لك من كل قلبي الله يووووووووووفقك يارب
وعقيالنا جميعا 4 شهور ^^

الف مبروك ياخوى وعقبال الا ماجاءته

الف مبروووووك ياخوي
والله فرحت لك من قلبي ^_^

ياريت تشيك الخاص..رسلت لك رسالة ;)

اقتباس:

---

المشاركة الأصلية كتبت بواسطة taghreed88

بالتوفيييييييييييييييييييييييييييييييييييييييييييي يييييييييييييق يارب ادعيلنا

---

الله يوفقك اختي وان شاء الله تتيسر وتطلع فيزتك وفيزت جميع الاخوت والاخوات

وشكرا على المرور