مقابلتي مع الأخت الكريمة بالقنصلية الأمريكية " جــدة" بتاريخ : 01/05/2012

السلام عليكم ورحمة الله وبركاتــــه

صبـــاح الخيرات / مساء المسرات


الحمدلله على قولتهم " هم وانزاح " والله ييسر ويسهل وان شاءالله نستلمها في القريب العاجــل يـــارب ،


بإذن الله التجربة حتكون على شكل نقاط على أساس تكون واضحة للجميع ،


" المبتعثة / الأخت "

الأوراق اللي أخدتها :

1- جواز السفر " أصل + صورة " .

2- الـ I-20 " أصل + صورة " .

3- قبول المعهد " أصل + صورة ".

4- ورقة التسديد " سامبا " .

5- صورة تسديد رسوم الـ " SEVIS " .

6- شهادة التوجيهي مترجمة " أصل + صورة " .

7- وثيقة التخرج " أصل + صورة طبق الأصل + صورة " .

8- السجل الأكاديمي " أصل + صورة طبق الأصل + صورة " .

9- شهادة حسن سيرة وسلوك مترجمة " أصل + صورة " .

10- بطاقة الملتقى " أصل + صورة " .

11- صورتين مقاس " 5×5 " خلفية بيضاء .

12- الضمان المالي .

13- أهم حاجة نموذج " DS-160 " .

14- ورقة الموعد .

طيب نجي الآن للأوراق اللي طلبوها من الأخت الكريمة :

1- جواز السفر الأصل .

2- الـ I-20 الأصل .

3- ورقة DS-160 .

4- وثيقة التخرج الأصل .

5- الضمان المالي .

6- ورقة سامبا .


بــس !


طيب نجي الآن للمرافق ،

بإذن الله حطلع بفيزة "F-1 " ،

الآن راح أكتب الأشياء اللي أخدتها معايه أول شي :

1- جواز السفر " أصل + صورة " .

2- الـ I-20 " أصل + صورة " .

3- قبول المعهد " أصل + صورة ".

4- ورقة التسديد " سامبا " .

5- صورة تسديد رسوم الـ " SEVIS " .

6- شهادة التوجيهي مترجمة " أصل + صورة " .

7- صورتين مقاس " 5×5 " خلفية بيضاء .

8- الشهادة البنكية + كشف الحساب .

9- أهم حاجة نموذج " DS-160 " .

10- ورقة الموعد .

الأوراق اللي طلبوها مني فقط هي :



1- جواز السفر الأصل .

2- الـ I-20 الأصل .

3- ورقة DS-160 .

4- شهادة التوجيهي الأصل .

5- الشهادة البنكية فقط .

6- ورقة سامبا .



=======================================



طيب الآن ان شاءالله وضحتلكم الأشياء اللي طلبوها مني ومن الأخت الكريمة والأشياء اللي أخدناها من باب " الاحتياط " ،

نجي الآن للتفاصيل ^_^! :


" البداية "


- موعدنا كان الساعة 8:30 ، ورقمي كان رقمي 45 ورقم الأخت الكريمة 68 ،

وقفت السيارة في مواقف مستشفى فقيه طبعا في البداية ماعرفنا من فين المدخــل :D ،

المهم سألنا حراس السفارة اللي بيكونو واقفين على الشارع العام ووضحولنا اتجاه المدخل ،

أول مادخلنا أو بمعنى أصح كنا لسا خارج السفارة لكن زي ما تقولو " حوش البيت :d " مشينا مسافة تقريبية " 80 أو 70 م " طبعا كل الناس بتمشي جنب الجدار من جهة السفارة ،

وصلنا عند المضلات اللي عند البوابة الرئيسية تقريبا الساعة 8 وانلطعنا تحت الشمس تقريبا " ثلث سـاعة !_+ "

المهم كان واحد من رجال الأمن ماسك بيدو لسته " قائمة " بالأسامي وسألنا متى موعدكم ؟

قلنا الساعة 8:30 ، قلنا خليكم في الصف :__( ،

ألين ماوصلنا عند البوابة فدخلت الأخت الكريمة أول شي لحالها قبلي على أساس " التفتيش " ،

وبعدها مباشرة دخلت وفتشوني ،

* لا تخلو معاكم الا " مفتاح السيارة + ملف فيه كل الأوراق + مبلغ مالي على أساس الفيديكس " .


المهم أدوني ظرف حطيت فيه المفتاح وأخدو الظرف مني وأدوني رقم على أساس لما أجي طالع أديهم الرقم وأستلم المفتاح ،


بعد ماغلقنا التفتيش دخلنا للساحة الداخلية للسفارة أو بمعنى أصح " مقدمة الساحة " ،

حتلاقون في الأرضية خط باللون الأصفر خليكم ماشيين عليه ، مشينا مسافة بسيطة تقريبا " 20 م " ،


" التدقيق + المقابلة "

وصلنا لمبنى آخر ودخلنا من البوابة أول مادخلنا انتبهلنا رجل الأمن لأنو شافني أهرج مع الأخت الكريمة فأعطانا رقم واحد :thmbup: ،

المهم دخلنا على صالة صغيرة تقريبا نظامها زي " البنوك " ،

* عدد الشبابيك كانت من " 1 إلى 9 "

* الشبابيك من " 1 إلى 4 " كانت مخصصة للمقابلة .

* الشبابيك من " 5 إلى 9 " كانت مخصصة لتدقيق الأوراق ومطابقتها وأخذ البصمات .


جلسنا ننتظر ألين جا رقمنا في الشباك رقم " 9 " المهم رحت مع الأخت الكريمة عند الشباك وسألتنا الموظفة أعطوني الـ I-20 ونموذج DS-160 ووثيقة التخرج داخل جواز السفر ؟ ،

طبعا أخوكم وأختكم في الله حاطين الأوراق الأصل مع الصور داخل الملف فأول ماشافتنا الموظفة حايسين في الملفات قالت روحو اجلسو ورتبو الأوراق داخل جواز السفر وتعالولي ،

المهم رتبنا الأوراق بالشكل التالي :

ورقة DS-160 > الـ I-20 > وثيقة التخرج ، وحطيناها كلها داخل الجواز وقفلنا عالجواز ،


المهم رجعنالها مرة أخرى وأديناها أول شي جواز أختي مع الأوراق وقالتلها " حطي كامل أصابيعك الأربعة على الجهاز " طبعا ماعدى الابهام ،

* اذا حطيتو أصابيعكم على الجهاز اضغطو بكل ما أوتيتم من قوة :D لأنو الموظفة عصبت على واحد وطلع شكلها زي دا الفيس :director: :d ،

بعدها طلبت من الأخت تحط الابهامين " يعني ابهام اليمين بجانب ابهام اليسار " على الجهاز ،

بعدها قالت تمام وطلبت مني أعمل نفس اللي صار مع الأخت الكريمة ،


بعدها سألتنا قالت إنتو أخوان ؟ ،

طبعا سؤال ذكــي جدا خصوصا بعد ماشافت جوازات السفــر :confused: ،

المهم قلنالها نعم ،

وسألتنا مين المبتعث ؟

الأخت ردت : أنا ،

طالعت فيني وقالت وانتا ؟!

قلتلها مرافق وفي نفس الوقت طالع أدرس ان شاءالله ،

قالتلنا أوكي روحو اجلسو ألين ماتسمعو اسمكم علشان المقابلة : l ،


المهم جلسنا تقريبا " ثلث ساعة " وبعدين سمعنا اسمي واسم الأخت الكريمة + رقم الشباك واللي هوا " 4 " ،


طبعا قبلها بيوم حطينا كل الأسئلة اللي ممكن تخطر على بال الموظف :d ، يعني جهزنا نفسنا بالإجابات مقدمــا ! ،


رحنا للشباك رقم " 4 " ،

الموظف : Good morning بـابتسـامة عريضــة ^_^ .

أنا والأخت : Good morning بــابتسامة أعرض ;) ،


طبعا كان الحوار جدا قصير لا يتجاوز الـ " دقيقتين " وكان الحوار كلو " انجلش " سواء لما يسألني أو لما أجاوبو ،

المهم طلب مني الموظف أتكلم معاه عن طريق السماعة ،

سألني بالانجلش : رايحين للدراسة ؟

أنا : نعم .


الموظف : طيب أعطيني شهاداتكم مع الضمان المالي ،


الأخت الكريمة أعطت الموظف : وثيقة التخرج الأصل + الضمان المالي .

وسألناه نديك شهادة التوجيهي والسجل الأكاديمي الجامعي ؟

جاوب : اللي عندي يكفي : ) ،

وبعدها مباشرة أعطيت الموظف : شهادة التوجيهي الأصل + الشهادة البنكية .

طبعا أخذها مني وماطلب أي حاجة أخرى ،

مع العلم إنو كان معايا " كشف الحساب " بس ماحبيت أتفلسف وأعطيه كشف الحساب ويقلي الاسم عربي والا الكشف غلط ومن دا الكلام ،

جلس يخبط على الكيبورد ثواني ،

الموظف : خلاص فيزتكم مقبولة وحتاخد من يوم إلى يومين ، بس الآن روحو سددو رسوم الفيديكس عشان توصلــكم ،


طبعا ملامحي وملامح الاخت وقتها كانت @_@ ،

المهم قلت خليني أسألو مرة ثانية عن المدة الزمنية لا يكون ماسمعنا زي الناس ! ،

الموظف : من يوم ليومين زي ماقلتلك .


أنا : شكرا ، مع السلامة .

الموظف : مع السلامة .


" الفيديكس "


جلسنا مرة ثالثة لأنو طابور الفيديكس بطيء : / ،

المهم جا دوري ورحنا لموظف الفيديكس وأخذ مننا ورقة DS-160 الخاصة بي والخاصة بالأخت الكريمة ،

وقلنا تبغوها مع بعض ؟

طبعا جاوبنا نعم ،

وسألني : تبغوها تجيكم على عنوانكم الخاص " صندوق البريد " والا على إحدى فروع فيديكس ؟

رديت عليه : خليه على فرع فديكس : ) ،

وطلب رقم الجوال الخاص فيني والخاص في الأخت وكتب الرقمين على الايصال ،

وقلنا الرسوم : 125 ريال ، أعطيناه الرسوم وأعطانا الايصال .


وطلعنا من القنصلية من نفس الطريق اللي دخلنا .




ملاحظات :


* اثنين من الشباب قدامي واحد منهم قلو الموظف في شباك " 2 " طلبك تحت الإجراءات الإدراية وحياخذ شهــر *_* ، الآدمي قعد يقلو عندي موعد ملتزم فيه ومايمديني ، المهم الموظف قلو هذا النظام ! ،

الثاني قالتلو الموظفة في الشباك رقم " 3 " طلبك تحت الإجراء وحياخذ من أسبوع إلى أسبوعين :/ .


* طبعا للأخوات الموظفـ / ــة راح يطلب منكم " كشف الوجه " للتأكد والمطابقة .


* وقت المقابلة راح يتكلم معاكم الموظفـ / ــة " انجلش " فلو كنتم حابين تتكلمو عربي قولولهم " عربي لو سمحتـ / ـي " ،

لأنو شفت واحد من الأخوان الله يهديه على بالو المقابلة " انجلش مشي حالك ! " فدخل مع الموظفة يتكلم انجلش والا قامت تسألو " ايش أهدافك " ، " وين رايح لأي ولاية " ، " ليش اخترت هذا التخصص " ، طبعا الآدمي بدء يغلط شويتين في الكلام والا الموظفة بدأت تتكلم معاه عربي ،

اللي أبغا أوصلو من البداية يا " أبيض " يا " أسود " ، عربي أو انجلش ، ماينفع الاثنين مع بعض .

* المقابلة حضوض وتساهيل ، لأنو شفت ناس ما أخذت المقابلة معاهم دقيقة ، وناس أخذت معاهم 5 دقايق وتحقيق :/ .

* بصراحة الأمور الحمدلله جدا سهلة وتساهيل فوق مايتصور الجميــع وماراح يعرف كلامي الا اللي دخلو السفارة أو القنصليات وعملو المقابلـة .

* خليكم بشوشين باعتدال " لا ضرر ولا ضرار " وفي نفس الوقت لا تكونو " عصبيين " ! أو الملامح تكون " باردة ! " بمعنى آخر " كونو أنتم :d " .

* ماشاءالله فيه عوايل جايين وكلهم طالعين بفيزة سياحية وكلهم أخدو رقم واحد للمقابــلة : ) .

* أي سؤال أو استفسار حاضر بإذن الله .



والله يوفقنا ويوفقكم يــــارب ويسهلنا أمورنا وأموركم لكل خير يـــارب

الف مبروك وعندي احساس انو الفيزا راح تجيك انته واختك ان شاء الله خلال يومين إلى ثلاث ايام من تاريخ المقابلة بما انه مافي إجراءات إدارية ^_^

تماماً مثلي الحمدلله

^^^^

يـــــارب ،


موضوع متأخرين الفيزا فاتحو من فترة ويوميا أدخل عليه وأشوف آخر الأحداث وصرت " على أعصابي " ،


الله يبارك بعمرك وعلمك ومالك وأعمالك يــــارب ،

الله يسهلها لنا ولكل المسلمين والمسلمات يـــارب

والله انا سوية المقابله في شباك 3 والى الان لي 40 يوم وانا انتظر ولاحس ولا خبر

ومبروك على الفيزا وانشالله على الشهاده الكبرا

اقتباس:

---

المشاركة الأصلية كتبت بواسطة خالد الاحمدي

والله انا سوية المقابله في شباك 3 والى الان لي 40 يوم وانا انتظر ولاحس ولا خبر

ومبروك على الفيزا وانشالله على الشهاده الكبرا

---

الأمريكية :l ؟


متــابعك يا خالد في موضوع المتأخرين الله يسهلك أمورك يــــــارب ،


الحاجة اللي مالقيت لها جواب ،


في المقابلة فيه ناس طولو مرة !

خصوصا اللي طالعين بفيزة " سياحية " ؟؟؟


تقريبا 80% اللي رايحين دراسة سواء على حساب الوزارة أو على الحساب الشخصي فالمقابلة كانت جدا قصيرة وسهالات ،


يارب تسمع أخبار تسرك اليوم قبل بكرا وجميع المسلمين والمسلمات

امين يارب والله ويفقك وتمشي امرك انت وترجع الى بلدك بي اشهاده الكبرا انشالله

موضوعك جا بوقته اخوي

سؤال : هل كان موعدكم واحد يعني بإضافة فرد بالعائلة؟ أو اخذتوا مواعيد منفصلة؟

موعدي يوم 9 مايو انا واخويا بقنصلية جدة

سويت مقابلة قبل كدا في الرياض لكن طلبوا تجديد الفيزا عشان غيرت المعهد

عنوان السفارة ؟

وان شاء الله تفرحوا بفيزتكم قريب ونفرح احنا كمان :p

لو قريتي الموضوع أختي الكريمة حتلاقين ان شاءالله كل الأجوبة على تساؤلاتك ^_^

اقتباس:

---

المشاركة الأصلية كتبت بواسطة laluna

موضوعك جا بوقته اخوي

سؤال : هل كان موعدكم واحد يعني بإضافة فرد بالعائلة؟ أو اخذتوا مواعيد منفصلة؟

موعدي يوم 9 مايو انا واخويا بقنصلية جدة

سويت مقابلة قبل كدا في الرياض لكن طلبوا تجديد الفيزا عشان غيرت المعهد

عنوان السفارة ؟

وان شاء الله تفرحوا بفيزتكم قريب ونفرح احنا كمان :p

---

بالنسبة للموعد كان كل موعد منفصل عن الآخر يعني موعد خاص فيني وموعد خاص بالأخت ،

لكن في الحجز خلينا مواعيدنا بنفس اليوم ،


عنوان القنصلية شارع فلسطين ،

وقفو السيارة عند مواقف مستشفى فقيه " عند المسجد " اللي في المواقف ،

حتشوفو قدامكم جدار القنصلية وحراس الأمن ،

اقطعو الشارع وكملو طريقكم باتجاه بوابة القنصلية حتعرفونو من نفسكم ! : ) ،


وأبشركي الحمدلله دوبني جيت من فيديكس استلمت الفيزتين مع بعض الحمدلله والشكر لله ،

عقبالكم وعقبال الأخوان والأخوات يــــارب

شكراااا
الله يريحك ريحتنا .. مو زي بعض المواضيع اللي تجلط ><
لله ييسر لكم و تستلموا الفيزا بسررررعة

و الله يعدل حظي و حظ مرافقي يوم الموعد ^^

اقتباس:

---

المشاركة الأصلية كتبت بواسطة fardee

شكراااا
الله يريحك ريحتنا .. مو زي بعض المواضيع اللي تجلط ><
لله ييسر لكم و تستلموا الفيزا بسررررعة

و الله يعدل حظي و حظ مرافقي يوم الموعد ^^

---

العفــو أختي الكريمة وماسويت الا الواجب الله يحفظكي ،

الحمدلله اليوم استلمت الفيزتين مع بعض : ) ،

وان شاءالله تتسهل الأمور معاكم ومع كل مسلم ومسلمة يـــــارب