السفارة رجعتلي الجوازلت لماااااااذا؟
صراحة انا موضوعي يحزن مرة انا وزوجي رحنا في بداية ةرمضان وعملنا المقابلة واعطونا الورقة الصفرا الزفتة المهم
بعد اسبوعين بالضبط كلمونا وقالوا لنا ارسلوا الجوازات فرحنا مرة لانهم قالوا التحقيقات تاخد من شهىر لاتنين
المهم ارسلنا الجوازات ومن بعدها وانا استنى يرجعولنا هيا بالفيزا واتصل عليهم ما يردوا المهم
في يوم من الايام اتصلوا علينا الفيدكس وقالوا وصلت فيزكم مبروك والله مرة فرحت بس يا فرحة ماتمت
طلعت الجوازات ردوها لينا مع ورقة زفتة صفرا تانية طبعا هدا الكلام قبل الاجازة وقالوا استنوا اتصالنا....
طيب ليششششش؟؟؟؟؟؟
في احد صارتلوا هده الحركة البايخة؟؟؟
طبعا الاي تويني خلصت مدته يعني راح عليا الموعدين كان المفروض نوفمبر وديسمبر
المهم انا جالسة استنى اتصالهم الكريم ما ادري احول دولة تانية ولا ايش ؟؟؟؟؟؟؟؟
الله يخليكم احد يرد عليا انا محتااااااااااااااااااااااارة
رد: السفارة رجعتلي الجوازلت لماااااااذا؟
أختي صلي على نبيك و تذكري
قولة تعالى
: (( وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ ))
دحينا عليكم تجددو الآي تويني يعني تطلبو واحد بتاريخ جديد,
ونتنظرو اتصالهم وإن شاء الله يعطوكم الفيزا.
رد: السفارة رجعتلي الجوازلت لماااااااذا؟
طيب ايش رايك في الي سوله مقابله وقالولو انتظر اتصالنا وما ادو حتى ورقه صفرا ولا حتى فسفوريه ؟؟؟؟
من جد عالم مزاجييييييييييييييين
رد: السفارة رجعتلي الجوازلت لماااااااذا؟
مافي غير الصبر اختي
زي ما قالت مسافره جددو الاي توني واستني اتصالهم
والله يفرجها ان شاء الله
رد: السفارة رجعتلي الجوازلت لماااااااذا؟
سويت لولو والله زيك بالضبط واخس بعد
انا لي خمس اشهر وطوف ترمين اكتوبر وديسمبر بسبب السفاره
واليوم اتصلوا وقالوا لي اروح واستلم الجواز منهم وانتظر اتصالهم وليييييييييييش .... قال اجراءات اداريه
والله يا جماعه مهزله ومرمطه وخايف انهم يصرفون بس.... زي اللي يقولوا ما نبغى نعطيك فيزا وخذ جوازك ولمن اسألهم يقولوا لا مانت مرفوض بس اوراقكك عليها اجراءات اداريه
وربي سبهلله ما بعدها في احد بالله سار عليه كذا يقولنا عشان نعرف ايش صار معه
رد: السفارة رجعتلي الجوازلت لماااااااذا؟
بعدين الاخت مسافره ليش اجدد انا السفاره مو عارفه متى تخلص اجراءاتي وقالوا لي لا تطلب اي توني الين نقولك وعلى فكره انا طلبت قبل اتصالهم ولسا جاي بالطريق يمكن السفاره تكلم قبل الموعد مع اني ما انصح الين يتصلوا
الله يكون بالعون
رد: السفارة رجعتلي الجوازلت لماااااااذا؟
ااااااااه بس الحمدلله على كل حال
اصلا بدأت اغير رايي وما ابغى اسافر بلا دراسة بلا بطيخ لاني حامل ودخلت السادس عندي بنوتة حتكمل سنة ان شاء الله لذلك صعبة جدا دراسة واطفال يعني مسؤولية مضاعفة وفي غربة كمان عشان كده الحمدلله وشكرا مسافرة وعصي الدمع وجمجمة و ابو رعودي
وفعلا ما اقدر اطلب اي تويني جديد لاني ما اعرف بأي تاريخ اطلبه
ويمكن هدي خيرة من ربنا عشان اولد هنا بس والله كان نفسي اسافر وادرس
بس انا ابغى اعرف السبب؟؟؟؟؟ وهم اصلا دققوا في المقابلة مع زوجي وبالذات سوريا ليش سافرت ومتى ومع مين يمكن هدا السبب؟؟
شكرا لمروركم....