عاطـل 7 سنوات هل تأثر على قبول فيزتي ,, بالسفارة الامريكية ؟؟

السلام عليكم ورحمه الله وبركاتة

انا عاطل من 7 سنوات عن الدراسه بسبب ضروف اجبرتني

والحمد لله هذي السنه خلصت الثانوي

هل تأثر على قبولي بالسفاره ؟ للمعلوميه عمري 24

انا ناوي ادرس على حسابي ...

قالو لي ناس كثير ان اكيد بسئلك ليش توك تخلص ووش كنت تسوي طول هالفتره.. واذا تأثر وش الحل ؟

تكفون قولولي الله يوفقكم ويسهلكم امووركم

تاثر بالتاكيد

الله يعينك باذن الله

- - - مشاركة محدثة - - -

انصحك بدول مثل نيوزلندا وماليزيا لاتاشيره ولاهم يحزنون

اما نيوزلندا وماليزيا لاتحطمني تكفى يبو عابد

طيب انا الوالد عنده شركه لو اجيب من عنده اني كنت اعمل طول هالفتره السبع سنوات اللين بدايه ماكملت دراستي تنفع

يعني هاذا اثبات مقنع وكافي ؟

اقتباس:

---

المشاركة الأصلية كتبت بواسطة Ka7

اما نيوزلندا وماليزيا لاتحطمني تكفى يبو عابد

طيب انا الوالد عنده شركه لو اجيب من عنده اني كنت اعمل طول هالفتره السبع سنوات اللين بدايه ماكملت دراستي تنفع

يعني هاذا اثبات مقنع وكافي ؟

---

شوف يا الحبيب أمريكا فيزتها أصعب من ما تتخيل .. لكن إذا أنت مهتوي مرررررررررة وناوي تجرب .. فتوكل على الله
وجب معاك اثبات من شركة الوالد انك كنت تعمل عندهم ويكون بالانجليزي وطبعا باقي طلباتهم من ضمان مالي ووووو
وجرب إن لقحت والا ما ضرها ....

وخل عندك خيار ثاني أو على قولة الأمريكان بلان بي Plan B اللي هي بريطانيا أو نيوزيلنده أو استراليا .. والعلم واحد هنا أو هناك

والله يوفقك ويسهل أمرك

اخوي احا انا ودي صراحه بامريكا لاكن الي مخوفي 7 سنوات وش كنت اسوي هاذا الي فاقع مرارتي ودي اكذب واجيب لهم اني كنت موضف في شركه وكذا

واخاف يدرون ويقولون لامافي فيزا انا درجاتي بالثانويه كويسه 94 لاكن لو جبت لهم اثبات اني كنت اعمل لضروف خلتني اترك الدراسه واعمل وبعدها تركت العمل

وكملت دراسه وناوي ادرس يعني ماتخبر احد مثل مشكلتي كان عاطل فتره طويله وانقبل انا شفت موضوع قديم لواحد عاطل خمس سنوات وانقبل مدري وش اسوي

وعليكم السلام

جيب ورقة تعريف عمل ولاتخاف ماراح يكتشفون امرك الا اذا خبطت في حال سألوك عن طبيعة عملك وراتبك وماالا ذلك والشي الاخر هو درجاتك ممتازة في الثانوية وهذا النقطة يمكن تساعدك
وايضا راح يكون من الافضل اذا معك قبول نهائي غير مشروط من جامعة راح يقوي من موقفك

بشكل عام اذا معك الاساسيات فما اظن راح تواجه مشكلة والامر يعتمد على الموظف الي يجري المقابلة
فلا تضيع وقت وقدم على الفيزا

اقتباس:

---

المشاركة الأصلية كتبت بواسطة Ka7

اخوي احا انا ودي صراحه بامريكا لاكن الي مخوفي 7 سنوات وش كنت اسوي هاذا الي فاقع مرارتي ودي اكذب واجيب لهم اني كنت موضف في شركه وكذا

واخاف يدرون ويقولون لامافي فيزا انا درجاتي بالثانويه كويسه 94 لاكن لو جبت لهم اثبات اني كنت اعمل لضروف خلتني اترك الدراسه واعمل وبعدها تركت العمل

وكملت دراسه وناوي ادرس يعني ماتخبر احد مثل مشكلتي كان عاطل فتره طويله وانقبل انا شفت موضوع قديم لواحد عاطل خمس سنوات وانقبل مدري وش اسوي

---

مثل ما قلت لك توكل على الله .. جهز أوراقك وروح سو المقابلة ،، انت عندك طموح .. واللي عنده طموح ما يوقف ويقول يمكن ويمكن .. من بكرة أبدأ باجراءاتك وربك يسهلها

لك رسالة عللى الخاص

السلام عليكم ورحمة الله وبركاته
يا اخوان شوي شوي على الرجال
ليه الإفتاء والتعميم بالكلام وقتل الامل مباشرة
يا أخي توكل على الله وقدم
وخل معك ورقة تعريف عمل
وان شاء الله أمور سهله وتاخذ الفيزا وتجي وتخلص وترجع وتصير لها ذكريات مضحكة
انا الحمد لله متخرج من 2003 من الثانوية ومن خارج السعودية كمان
وماقدمت على امريكا الا بعد 2010
والحمد لله تسهلت واخذت الفيزا
وكمان لا سالوني عن خطاب تعريف عمل ولا شي

توكل على الله ولا توسوس كثير
بالتوفيق يارب

اقتباس:

---

المشاركة الأصلية كتبت بواسطة a77a

مثل ما قلت لك توكل على الله .. جهز أوراقك وروح سو المقابلة ،، انت عندك طموح .. واللي عنده طموح ما يوقف ويقول يمكن ويمكن .. من بكرة أبدأ باجراءاتك وربك يسهلها

---

مشكور لبى قلبك على ردك لي وهاذا الي بيصير انشاءالله

- - - مشاركة محدثة - - -

اقتباس:

---

المشاركة الأصلية كتبت بواسطة e320

لك رسالة عللى الخاص

---

هلا ماقدرت اشوف الخاص مدري ليش ولاحتى ارسل خاص وش المشكله