|♥| والله محتاس لي أكثر من 3 شهوووور .. ساعدووني (( طلبتكم ))|♥|

السلام عليكم ورحمة الله وبركاته ..

كيف حالكم ان شاء الله بخير ؟؟

المهم يالطيبين .. انا والاهل ناوين نطلع لأخوي المبتعث لامريكا .. زيارة ..

وكنا ناوين نطلعله هالشهر بس الله ماكتب .. لاني ماكملت بيانات وماحجزت بالسفارة ..

المهم انا حجزت عن طريق النت من موقع VISA POINT ودفعت 45 ريال مدري دولار ..

عن طريق الفيزا .. وكملت بياناتي وكل شي .. بس وقفت عند خانة ليا أكثر من شهرين ..

واللي هي SEVIS ID وماعرفت وش هي .. يقولي تبدأ بحرف N وماتقل ولاتزيد عن 11 رقم ..

وشهو هالسيفس ,, وكيف أجيبه ؟؟

هل اللي رايحين زيارة لازم يكون عندهم سيفس .. لاني حاولت بعد أشتريه ومافي فاايدة ..

أتمنى انكم تساعدووني .. ويارب يوفق اللي يسااعدني ..

وسمعت ان مدة الفيزا .. في لسنتين ؟؟ صح ؟؟

وبالنسبة لأهالي المتبعثين على حساب الحكومة .. هل لهم تخفيض بالتذاكر ؟؟ واذا كان في كم نسبة التخفيض ؟؟

يلا مستني ردوودكم ..

اخووكم عبدالرحمن

هلا اخوي رقم السيفس هذا خاص بالطلبه اللي عندهم اي توني ،، انت متأكد انك طلبت فيزا سياحه مدري زياره تاكد من هذا الشي ,, وبالنسبه لمدة الفيزا والله ماادري!!
اللي اعرفه ان الوزاره تدفع للاب و الام حق التذاكر << بس والله ماني متاكده
انشالله الاخوان يفيدونك

الله يسهلكم و اجازه سعيده :)

هلا اخوووي عبدالرحمن

اول شي تسويه انك تختار نوع الفيزة اللي هي سياحية ناسي رمزها ولكنها اول خيار

بالنسبة لمدة الفيزا السياحية تختلف انت وحظك فيه سنتين الي خمس سنين

بالنسبة لخصم التذاكر ممكن تكلم الخطوط وهم يفيدونك

اهم شي الحين تختار نوع الفيزا المطلوب وتحجز موعد اقرب موعد الحين بعد 32 يوووم


بالتوفيق ان شالله

وحنا بالخدمة

طيب أنا دفعت الفلوس وعبيت البيانات ..

يعني كيف خلاص ..؟؟ ماترجع الفلووس اللي دفعتها ..

والتسجيل اللي أنا سويته خاص لحقين الزيارة ..

فهموووني أكثر .. والله يخليكم ياللي رديتوا ..

أستنى ردودكم ..

الظاهر الفلوس ماترجع ,, بس ماعليه راس مالها 45 ريال ,,
انت اذا جيت تسوي الموعد ,, تختار نوع الفيزه سياحيه ,, اهم شيء لا تحط ستيودنت ولا تختار فيزه F1 ,, تختار الفيزه السياحيه الي هي فيزة الزيـأأرة ,,
عقب ماتسويها تكمل باقي الاختيارات وماراح يطلبك رقم السيفيس لانه خاص بالطلاب ,,
اذا تبي تريح راسك رح لمكتب وقل له يسوي لك كل شيء ويعبي الفورمات ويمكن يقدر يدبر لك موعد قريب ,,

بالنسبة للتخفيض لاهالي المبتعثين ماعندي عنه علم ,, الي اعرفه انهم ممكن يعطون ابوه وامه تذاكر مجانيه اذا جابو صك اعسار !!


بالتوفيق

المهم أنا أخذت رقم السيفس حق أخووي ,, وحطيته ..

ومشيت حالي واخترت موعد يوم 8/10/2008 م ,, بس وش المطلوب علي غير كذا ..

يعني الاوراق اللي لازم أخذها معي يوم اروح للموعد .. وش كمان مطلوب أدفع ..

لان على ماأعتقد لازم أجيب معي تقريباً 400 ريال بس مدري هل أدفعها بسامبا والا أخذها معي

للسفارة يوم الموعد ,, وكمان طالبين مني أعبي نموذج ,, DS-156

هل هذا النموذج خاص لحقين الزيارة والا أنا غلطان ..؟؟

وهل في مشكلة يوم أني حطيت السيفس حق أخوي ,, ؟؟

أرجووو الرد الكاافي ,,, وأنا عارف اني طفشتكم بس استحملوني ..

وعلى قولة المثل النااس للناس ,, ^_^

وأنا داخل بنك اخوي .. اللي الآن بامريكا .. وهو حالياً بولاية ناشفل مدينة تينيسي ..

يلا مستني ردوودكم الحلوووة ,,

hala a5ooy
lazim tdfa3ha 3an 6ree8 samba.. oo alsevis ant malik da5al feeha hatha fa8a6 lil6olab .. itha ant rayi7 seya7ah lazim t8adim 3ala visa 7a8at seya7ah (b1/b2) oo al format lazim tsaweeha online ma ynfa3 tktibha byadik .. alah ywaf8ik inshallah oo ysahil umoorik

أخي الفاضل
انت منت طالب ومو لازم تحط معلومات اخوك
لأن هذا ممكن يعمل له لخبطة ويأثر على وضعة مع الجوازات في امريكا!!

انتم يا عزيزي تحجزو وتختارو الفيزا نوع
B1/B2
الشرح موجود في الرد رقم 5
في هذا الموضوع
>>هنـــــــــــــــــــا<<

ولا راح يطلبو منكم اي رقم آي تويني ولا تسديد سيفيس

طيب يالمسافرة نفس اللي بالرد الخامس هو نفس اللي عبيته ,,

كل البيانات نفسها بس الزايد عليها هو السيفس فقط .. وحطيت حق أخوي ..

وش المشكلة ,, وأنا طلبت فيزة زيارة ,, لاني رايح ازور أخوي ..

وعبيت البيانات ومشت الامورر ,, واخترت تاريخ 8/10/2008 ,,

وبالنسبة لأفراد العائلة ,, هل بإمكاني اضافة أختي معي وابنها ,, والا مايمديني ..

ويعطيكي العاافية ..

طيب بالنسبة للبيانات اللي عبيتها مايمديني أعدلها ؟؟

يعني أخليها سيااحة .. وربي يوفقكم جميع .. saudkk & المسافرة ..

تقبلوا تحياتي

يـا ابـن الـحـلال .!.!.!

لـو اسـتـخـدمـت مـعـلومات اخـوك قـصدي SEVIS . فلا تـتعـب نـفـسك وتـروح الـسـفارة وتدفـع رسـوم الـفـيزا , لأنـها راح تـرفـض زي الـسلام عـلـيكم .!.!.

سوي لك حـساب ثـاني وأخـتـار فـيزا سـائـح Tourist Visa - B/2 .. واتـبـع الـخـطوات المـوجـودة في مـوضوع الأخـت مـسـافـرهـ الـخاص بطريـقـة اخذ مـوعـد وراح تـتـيـسر امـورك بـحـول الله :-

http://www.mbt3th.us/vb/showthread.php?t=3264

** قـد يـكون في خيار أنك تقدر تعدل نوع الـفيزا بحسابك الحالي , لكن ماني متأكـد , عـلشان كـذا نـصحتك تسوي حـساب جـديد , وظنتي 45 ريـال مـا هي كـثـيرة مـرة.

وبالـنـسـبة لـمـتـطلـبات تاشـيرة الـزيارة فـهي إجـمـالا :-

1 - نـمـوذج DS-156 وبـعـبـيه كـل اللي مسـافـرين
2 - نـمـوذج DS-157 وهـو خـاص بالـمـسافـرين الذكـور فـقـط.
3 - جـواز سـفـر صـالح لـمـدة سـتـة اشـهـر على الاقـل.
4- عــدد 2 - 4 صـور شـخـصية 5 * 5 خـلفية بـيضاء حـاسـر الـرأس , وبالـنـسـبة للـنـساء فمـقدمة الرأس وخـصلات من الـشـعر لازم تـكون ظاهـرة.
5 - فـواتير كهرباء او هاتـف أو عـقـد بـيـت مـلـك أو سـجل لمحلات تجـاريـة او ورقـة تـعـريف وكـشف حـساب لآخر ثلاثة شـهور و أي دليل يثبت أنه لديكم مصالح في السـعودية وانه مـستحيل تجلسون في أمـريكا وراح ترجعون اول ما تنتهي الـفيزا (( غــايـــة في الأهــمــيـة )).


وبالـتـــوفــيـــق عــزيـــزي @@@@@@@@@@@

يعطيك العاافية ياممدووح ,, وأنا عاارف ان 45 رياال ماهيب كثيرة ,,

بس انت ماجاوبتني هل بامكاني أضيف اختي معي وولدها والا مايمديني ..

وان شاء الله بسوي حجز من جديد .. بس ياليت اللي عنده خبر ان يمديني أضيف اختي وولد اختي معاي من ضمن الفاميلي والا مايمديني ؟؟

وانا عاارف أني تعبتكم ,, وآآسف كثييير الآسف ..

ومشكووووورين على ردودكم ..

اقتباس:

---

المشاركة الأصلية كتبت بواسطة نتعب لعيون ابو متعب

يعطيك العاافية ياممدووح ,, وأنا عاارف ان 45 رياال ماهيب كثيرة ,,

بس انت ماجاوبتني هل بامكاني أضيف اختي معي وولدها والا مايمديني ..

وان شاء الله بسوي حجز من جديد .. بس ياليت اللي عنده خبر ان يمديني أضيف اختي وولد اختي معاي من ضمن الفاميلي والا مايمديني ؟؟

وانا عاارف أني تعبتكم ,, وآآسف كثييير الآسف ..

ومشكووووورين على ردودكم ..

---

اللي يـظـهـر لـي وأنـا أخــوكــ .

أن أخـتـك لازم تـسـوي لـهـا حـسـاب ثـم تـضـيـف ولـدهـا مـعـهـا . . .

لــكــن يـفـضـل أنك تـتأكـد مـن شـخص ثـاني .. لأني أعـتـقد ولـد الأخـت ما يـدخل ضمـن المرافقين


وبالـتــوفــيـق أخـــوي @@@@@@@@@@@@