عرض للطباعة
مرحباااااااااا ..
اتمني منكم اخواني اذا احد عنده اي خلفيه عن الفيزا البريطانيه يفيدني ..
( موقع السفارة البريطانيه عشان اخذ موعد - متطلبات السفاره - الإجراءت التي تتم في السفارة - متي يتم تسليم الفيزا ) ..
الله يجزاكم الف خيرررررررر ..
شاكرة تعاونكم ..
اهلين اخوي...
انا توني مطلعها الاسبوع اللي راح....
والمتطلبات هي :
جواز السفر ويكون باقي له اكثر من سته شهور
قبول المعهد او الجامعه (انا ما اشترطو علي الدفع)
شهادة الثانويه العامة مترجمة ومصدقه من وزارة المعارف ووزارة الخارجية
كشف حسب من البك لمدة ثلاث شهورسابقة
واذا كان الكشف مو باسمك تجيب خطاب من عمل اللي باسمه تجيب خطاب من عمل اللي باسمه الكشف يبين انه هو المتكفل بحساب دراستك وراتبه وموافقته على دراستك ولا تنسى تصيها من الغرفة التجارية....
صور شخصيه 6*4 بدون شماغ خلفيه بيضاء. . .
ولا تنسى تجيب معك نسخ اضافية من كل المتطلبات اعلاه. . .
ومبلغ 750 او 850 الله ناسي . . . .
وتقدم اليوم تجي بكرة تاخذ الفيزا. . ..
رح لهم الصبح بدري عشان تتيسر امورك. . .
واي استفسار انا جاهز....
دمت بود
اخوي ما يحتاج مواعيد انا رحت لهم اول رمضان بعد
صلاة الظهر مباشرة فاضيييييين مرة ومتساعدين معك بعد
اول ما تروح تمر على مكتب على يدك اليمين يشوف اوراقك
ويتاكد انها كامله بعدين يحطها لك في زي الشنطه قماش
ويقول لك رح للباب الاول اذا كنت عزوبي وتدخل يقابلونك
شباب سعوديين تجلس عالكرسي ويعبي لك الابلكيشن ب35 ريال
بعدين تروح لمكتب البصمات ياخذون بصماتك ويعطونك ورقة
يقولون راجعنا بكرة بهالورقة عشان تستلم جوازك وفيزنك . . . وبس
يعطيك العافيه اخوي الوليد كفيت وفيت ..
بس انا بنت :)
يعني وش وضع العائله لما تروح ؟ تفسي شي او ايش الاختلاف ؟
سؤال ثاني : هل يسألون اي أساله ؟؟
أسهل فيزا في الدنيـــــــــــــــــــــــــآآآآآآآآ ...
ياحظكم ماشاء الله ..
أما حنا كندا .. لنا شهر ننتظررر
الله يعين يارررررررررب .. شاكره مرورك ...
طيب المرافق يطلع فيزا سياحه عاديه؟
انا الوالد هو الي راح يتكفل بدفع مصاريف الدراسة
هل يكفي كشف حساب بأسم الوالد فقط .. ام لازم من خطاب العمل هذا ؟؟؟؟
اهين اختي ....
وضع العائلة ما يختلف بس تدخلون من الباب الثاني حق العوايل فيه فتيات سعديات يعبون لك الابلكيشن....
وما فيه تحقيق ولا اسئله.......
بس الاسئله اللي في الابلكيشن.....
واذا كان عندك جوز قديم لا تنسينه جيبيه معك
دمت بود
اهلين كازا.....
اذا كان الوالد هو اللي متكفل بالمصاريف تجيب كشف حساب ثلاث شهور...
وتقول للوالد يجيب خطاب من العمل بان الوالد يعمل عندهم وانه هو المتكفل بالمصاريف وانه
موافق على دراسه ابنه في بريطانيا وتصدقها من الغرفه التجاريه.....وبس
لا تنسى تكتب الراتب في الخطاب اللي من العمل....
طيب اذا كان الوالد متقاعد ولديه عمر حر !!!
وهو المتكفل وش الحل
اجيب كشف الحساب لحاله بس
و المحرم فيزا سياحه لأنه مايبي يدرس صح كذا لوا لا؟
والله ما ادري اذ كان عمل حر . . . .
لكن خليه يكتب خطاب باسم السفاره ويبين فيها كل المعلومات ويوقع عليه ويصدقه من الغرفه التجاريه.....
اعتقد ان هذا هو احسن حل
دمت بود
أنا لست من vip ولكني قدمت يوم الاثنين الماضي في الرياض واليوم الخميس لم يرسلوا لي الرسالة بعد !!
مع ان الموظفة قالت لي من 3 أيام إلى أسبوع ..
هل هو طبيعي هالتأخر ؟؟
اخواني ماهي مواعيد السفارة البريطانيه في الرياض في شهر رمضان المبارك ؟؟
واذا احد عنده رقمهم ؟؟؟
وماهي نوع فيزا المرافقة ؟
مرحبيتن أمنيه الله يعينك على القرف والمرمطه... مرافقي قدم له ايام وللان مااستلمها...
االله يعين...مواعيد الدوام من 9 ونص تقريبا..واستلام الجوازات من2 الى 3...
عزيزتي خذي هذا الرابط فيه موضوع نقلته لكم مررره رائع ومفيد وان شاء الله يفيدك..
http://www.mbt3th.us/vb/showthread.php?t=65186
يعطيك العافيه اخت ريم ماقصرتي الله يوفقك ..
إلى الأخوة والأخوات جميعا..
أرجو عدم الاعتماد على رسالة الجوال في معرفة الانتهاء من الفيزا .. لأني اعتمدت عليها وفي النهاية اتصلت عليهم صدفة ووجدتها قد انتهت وعند استلامها وجدت تاريخها صادرة بعد يوم من التقديم !!
يبدو لي أن هناك مشكلة في النظام .. إضافة إلى الأعداد الهائلة التي تدفقت على المكتب ..
علماً أن الاستلام ليس له وقت محدد ..
موفقين ..