عاااااجل الى الاخوان ابوعمر وHelp موعدي مع السفارة ولدي اسئلة بخصوص ابلكيشنات السفارة

السلام عليكم

اخواني لدي استفسارات بخصوص نماذج السفارة الامريكية وارجو منكم المساعدة عاجلاً.

اولاُ في الفورم DS-157السوال رقم 17 يقول (List all educational institutions you attend or have attended. include vocational institutions but not elementary schools)
هذا هو نص السوال
سوالي هل لازم احط اسم ومعلومات المدارس المتوسطة والثانوية اللي درست فيها ولا لا

انا فقظ حطيت معلومات عن معاهد اللغه اللي درست فيها
وبالنسبة لــ Dates of Attendance مادري هل احط بس تاريخ بدأ الدراسة لكل معهد دخلته ولا لازم احط تاريخ الانتهأ بعد؟


ثانياً في الفورمDS-156
السوال رقم 35 يقول ( Has your U.S visa Ever Been Cancelled or Revoked)
انا طلعت فيزا في السابق ورحت امريكا على اساس اني بدرس بكلية هناك ولما سوولي امتحان لغه اللي هو بليسمنت تست مانجحت فيه وهم ماعندهم معهد لغة فقالولي روح ادرس لغه بمعهد في مدينة جنبهم ولاخلصت تعال طبعاُ رحت انا المعهد اللي قالولي عنه وسجلت فية وعطوني ايتوني جديد وبعد السمستر الاول بالاجازه رجعت السعودية على اساس بقعد عند اهلي اسبوعين وبرجع لمريكا مرة ثانية عاد خذت الايتوني الجديد معي على اساس لاوصلت السعودية اروح للسفارة الامريكية واغير الفيزا لاني غيرت من الكليه الى المعهد فما اقدر ارجع امريكا على الفيزا القديمه اللي هي تبعت الكليه فرحت وغيرت الفيزا وطلعولي السفارة مشكورين فيزا جديده بسم المعهد.
داري اني نفخت روسكوم
السوال الان وش احط بجابة ذال السوال نعم ولا لا
لاني انا بالفعل كنسلت الفيزا الاولية وكتبو عليها بالاحمر كانسلد بالانجليزي لاكن طلعت فيزا اخرى بنفس اليوم
مادري اخاف احط نعم ويشوتوني السقارة واخاف احط لا ويزعلون بعد

وجهت نضري الشخصية تقول حط لا بالسوال تدرون لية لاني استبدلتها بفيزا اخرى يعني لا قلت كانسل معناها انهم مسكوني بمريكا لجل مشكلة معينه وكنسلو فيزتي وقالو باك تو يور كنتري
هذا مالدي

اخيراً انا عبيت DS 156 و Ds 157 و Ds 158 هل في فورمات غيرهم ولا ذول بس

وبالنسبة لفورم 156 و فورم 158 لاطبعتهم واحد منهم بيطلعلي بورقتين والثاني بثلاث اوراق اخليهم على سنعهم ووديهم للسفارة ولا لازم قبل لاروح السفارة امر المكتبة وخلية يطبعهم لي وجه وقفا

ادري اني غثيتكم على حزه القايلة لاكن سوال اخير
اخوي عنده موعد بعد لاكن فيزا سياحية هل لازم يخلي فورمات السفارة وجه وقفا مثلي ولا لا

:86: وشكراً على سعه صدوركم

اقتباس:

---

عاااااجل الى الاخوان ابوعمر وHelp

---

انشاالله يردون عليك

عزيزي المسافر
لا تقلق ولا تحتار لما تروح السفارة موجود نموذج من الابلكيشن معلق وهو مترجم ممكن انك تستعين به في تكملت الابلكيشين الخاص بك قبل تسليمه بس المهم عزيزي انك ماتسيب اي حقل في الابلكيشن فارغ واي حقل ماله اجابه عندك حط فيه No ..............ودمت عزيزي

يابو عمر وHelp وينكم الولد يستغيث ..........بس انا مادري عن هالسوالف بس اعذرني وجهي عليها اتعلمها غضب علي......... واي واحد من الاخوان عنده جواب لايبخل علي اخوناالمسافر 2006 والله يوفق الجميع

انا افيدك اخوي:
بالنسبه للسؤال الاول اكتب جميع المدارس والمعاهد اللي درست فيها ما عدا المدارس المتوسطه. يعني اكتب اسم الثانويه واذا اخذت كورسات بالصيف.. لغه وخلافه سجلهم.
اما السؤال الثاني فمعناه هل تم رفض طلب حصولك على فيزا امريكيه من قبل؟؟؟
اكتب لا.. لان انت فيزتك تم تغييرها وليس رفضها

والسلام ختام