مقابلتي في السفارة الامريكية
السلام عليكم ورحمة الله وبركاته
بالمختصر المفيد...
بصراحه مكبرين موضوع المقابله وهي ماتستاهل التكبير واسئله عاديه جدا الحمد لله يمكن اني طحت في واحد حبيب
المهم سويت المقابله مع اني رايح للسوريا ولبنان
سئلني ليه رحت للسوريا ؟ قلت سياحة مع الاهل
وسئلني وش سويت من تخرجت من الثانوي وقلتله اللي عندي وقالي مبروك الفيزا بعد اسبوعين.
قلت له شكرا وعطاني ورقة خضراء وورقة ثانيه للفيدكس والايتوني الاصلي .
والحمد لله الامور تساهيل ولا فيها اي خوف دامك انت واثق من نفسك .
الله يوفقكم
رد: مقابلتي في السفارة الامريكية
مبرووك اخووي ,, :)
بس ورقه صفراء ليش ؟
انـا سويت مقابلـه اليوم لكـن ما عطاني شيء بس اخذ جوازي وعطاني ورقه فدكس !! (( وعطاتني الاي توني الاصلي ,, :)
رد: مقابلتي في السفارة الامريكية
وعليكم السلام ورحمة الله وبركاته
مبروك على الفيزا
الفل لنا مع تحياتي
رد: مقابلتي في السفارة الامريكية
مبروك اخونا
ايه و الله الاعضاء مكبرين السالفة
اني رحت السفارة وكانت حالتي حاله كنت ارتجف بشكل غير طبيعي
بس والله طلعو الي في السفارة خوش ناس
و عطوني الفيزا خلال 4 ايام و لله الحمد
بس في الحقيقة في ناس يعاندو معاهم ما يرضو يعطوهم اياها
..
مبروك اخونا و عقبال ما تستلمها يارب
و الله يبارك لك فيها
رد: مقابلتي في السفارة الامريكية
الله يبارك فيكم ..
الورقة خضراء فيها اني بااستلم الجواز خلال اسبوع الى 3 اسابيع وفي حالة عدم وصولها حاطين لي ايميل ارسلهم انو ماوصلني الجواز بس
رد: مقابلتي في السفارة الامريكية
والله لان ماجربنا هدي المواضيع بس اكيد بنجربها ان شاء الله
رد: مقابلتي في السفارة الامريكية
مبروووك اخوي .. الحين بسألك هل اخذوا جوازك .. بعدين الورقة الخضراء كم رقم فيها 11 رقم !!!!!!!
واذا دخلت الموقع ..عشان تشيك وش يطلع لك !!
استنى جوابك اخوي يااسر
والله يكتب لنا ولك ووالدينا واخوانا وجمي المسلمين الي فية الخير الصالح
رد: مقابلتي في السفارة الامريكية
ايوه اخذو جوازي .
الورقة اللي معاي مافيها ارقام كل اللي صار انو عطاني كرت للفيدكس والفيدكس عطاني ورقة فيه رقم الارساليه ويتصلون علي الفيدكس اجي استلم الجواز.
رد: مقابلتي في السفارة الامريكية
الف مبروك .. وتستاهل والله يوفقك بدراستك ..
عندي سؤالين :
من متى متخرج من الثانويه ؟ وهل انت رايح بكالريوس؟
وعلمنا وش جاوبت لحظة ماقال لك وش سويت بعد تخرجك .؟ < < < اذا مافيها احراج اخوي ..
والف مبروك اخوي وادع لنا وبالتوفيق ان شاء الله ..
رد: مقابلتي في السفارة الامريكية
انا متخرج من الثانويه من عام 1999 ورايح بكالوريوس.
جاوبت وقلت له اني دخلت الجامعه للمدة سنتين وجبت معاي السجل الاكاديمي وبعدين طلعت من الجامعه.
وبعدين دخلت الكلية التقنية واخذت دبلوم وبعد مااخذت الدبلوم توظفت وجبت له شهادة الخبره وبعدين توظفت في بنك وجبت له الاثبات اني موظف .
يعني بالعربي مايبونك تكون قاعد مدة طويلة مو مسوي شي ومايدرون طول هالمدة وينك فيه .
انت احكي له اللي عندك وجب الدلائل وبس .