هذا اللي صار معي أمس في السفارة الأمريكية في البرد

بسم الله الرحمن الرحيم

السلام عليكم أحبتي أعضاء مبتعث

أمس كان موعد مقابلتي في السفارة الأمريكية في الرياض
أول شي رحت من الساعة 7 الصبح ومسكت الصف حتى جا دوري في هالبرد وأنصحكم أنكم تلبسون زين
وبعد كذا جا دوري وطلبت الأوراق وشافت الصورة وقالت لي ماعليش مرفوضة هالصورة واطلع للاستوديو وصور من جديد لأنها تختلف عن وجهك فيها مبالغة في البياض ورحت صورت بأربعين ريال
ورجعت لها طبعا مايحتاج تصف من جديد
وبعد كذا جا دخولي للتفتيش الأول والثاني والثالث تشييك الوراق المهمة وإرجاع الغير مهم
وبعدين تسليم الأوراق وبعدين أخذ البصمات وبعدها المقابلة

وفي المقابلة صراحة استغربت من شغلة اللي هي بعد ما خلصت أسئلتها وين رحت وليش بتسافر وكم عدد إخوانك وأخواتك وايشش اشتغلت وايش تخصصك وليش هالتخصص اخترت من هالقبيل

بعدها قالت لي انت مبتعث قلت لها اي قالت لي كم رقم بعثتك اللي أعطوك اياه الوزارة قلت لها أي رقم ؟؟طبعا ما تقصد KAS قالت لي اسمك مش موجود بالسستم وانت ماعندك ضمان مالي فخل الوزارة تكلمنا بهذا الخصوص قلت لها الوزارة قالت انها أرسلت الضمان المالي وقالت خلاص أموركم طيبة
وثواني قالت لي خذ هالأوراق وخليها عندك تحتاجها بالمطار بأمريكا وأعطتني كرت أزرق وقالت لي رح للفيديكس وبعد العيد نرسل لك الجواز
ومعاها ورقة خضراء تشير بوصول الجواز خلال أسبوع إلى ثلاثة أسابيع

هذا ولكم مني كل التقدير وأسأل الله أن يوفق الجميع

الف مبروك وعقبال الشهادة ان شاء الله

مبروك أخوي

و إن شاء الله تبشرّنا قريبا بوصل الفيزا :)



بالتوفيق أخوي

مبرووك والله يسرها لنا ولك وللجميع

الله يبارك فيكم جميعا وتسلمون على مروركم وعقبال اللي ينتظر واللي بيقدم
الله يوفقنا جميعا يارب ويكتب لنا اللي فيه الخير والصلاح

وأي استفسار أنا بالخدمة
سي يو

السلام عليكم
عندى سؤال بسيط
هل مبتعثين المرحله الرابعه يدفعون السيفس مع رسوم التاشير وماذا بالنسبة للمرافق

أهلين أخوي

طبعا اي شخص مبتعث لازم يسدد رسوم السيفس واللي قيمتها 200 دولار بعد ماكانت 100 دولار
وبالنسبة للمرافق اذا كانت فيزته F1 فلازم يسدد وF2 لا مايحتاج

موفق لكل خير اخوي عبوودي

مبروووووووووووووووووووك
وعقبال ما نسمع إن التأشيرة وصلت

عندي استفسار
كيف نسدد رسوم السيفس ؟! هل عن طريق سامبا زي رسوم التأشيرة ؟!

وشكراً

الف مبروك وعقبال التخرج

أهلين حبايبي والله يسلمكم وعقبالكم يارب

بالنسبة للسؤال أخي أوأختي كيفية تسديد رسوم السيفيس فهو عن طريق موقع السفارة إما بطاقة ائتمانية أو فيزا والقيمة هي 200 دولار

ووممكن تحصل الرابط اللي يحولك مباشرة لتسدسد رسوم السيفس في هذا المنتدى بعنوان كيفية تسديد رسوم السيفس بالصور وطبعا لازم يكون عندك اي توني

وأتمنى لك التوفيق وأي أستفسار أو مساعدة فنحن هنا لخدمتكم أحبتي جميعاً