التوصيات قلبت راسي احد يدخل يعلمني شالسالفة

السلام عليكم
انا خريجة جامعة الملك سعود وابي توصيات عشان اكمل فجامعة سواء ابتعاث او داخلي بس حابة اسال الحين التوصية لازم تكون نموذج جامعة الملك سعود ولا عادي اي توصية لان نموذج التوصية حق جامعة الملك سعود الي بالانجلش ممسوح ودري كيف يعني مو واضح واحسه معقد مو نفس التوصيات الي شفتها فالنت حسيتها ابسط واحسن
وعندي استفسار ثاني الحين رحت الجامعة اطلب توصيات اغلب الدكاترة رفضو يعطون توصيات الي تقول انا مشغوله والي تقول انا ماعطي توصيات والي تقول عندي مبداء والحل معهم يعني وش الدبرة :(
وثاني شي عندي دكتورات مدرسيني وماعادو فالجامعه بعضهم تفرغ علمي والي في جامعة الملك عبدالعزيز صارت تدرس والي مدري وين راحت المهم ابي اتواصل معهم واطلب منهم توصيات كيف اتواصل معهم يعني ارسللهم نموذج توصية على الايميل واقولها تعبية بخطها وترجعة بالسكنر ولا وش الطريقة بالضبط :confused:

اذا ناويه على ماجستير خارجي فلازم توصيات بالانجليزي ( واغلب الجامعات الامريكية تطلبها تكون على شكل برجراف وليس جدول )

فانتي شوفي الدكتورات اذا عندهم توصيات جاهزة
او دوري في النت عن توصيات جاهزة وعدلي عليها المعلومات الخاصة فيك ( وهذا اللي انا سويته)
وخذيها معاك بفلاش واطبيعها على ورق الجامعة الرسمي ( تاخذينه من السكرتيرة او الدكتورة يكون عندها )
اما اذا ناوية على ماجستير داخلي قتوقع يقبلو التوصية على شكل جدول وهي اسهل شي بس الدكتور يوقع عليها *
وبالتوفيق لك

الدكاتره حسبي الله عليهم معقدينها كاننا. نطلب منهم فلوس موتوصيه
الله يسهلها يأرب

والله مشكلة الدكاترة
على العموم عليك بالدعاء والاستغفار والله يسهل لك امرك

الله يعطيك العافية Huda500
اي والله مدري وش هالنذاله فيهم ثلاث ايام اروح الجامعة وارجع مامعي ولا توصية بسبة حركاتهم
طيب وش الدبرة مع الي ماخذين اجازة والي في جامعة ثانية تدرس في جده وانا فالرياض صعب اروحلها كيف ارسللها التوصية على الايميل ولا وش السواة لان قالولي الجامعة يوم رحت اتواصل معهم على الايميل :(

^^^^^
بعض نماذج التوصيه مو مكتوب فيها باي مادة درستك
في بنات كثير اخذو توصيات من دكاتره مادرسوهم

نوكومنت عزيزتي انا حاليا جالسه اعاني من سالفه التوصيات بالجامعة بس رحت اليوم طلعت لي 2 وبكرا ان شاء اطلع الباقي
اول شي روحي لسكرتيرة القسم قولي لها ابي نماذج وخذيهم منها تروحين بعدين المكتبة او معمل الكلي وتكتبين التوصية من جديد مثل النموذج بالضبط بس تحطين اسمك وبعض المواد الي اخذتيها من الدكتورة اذا كان مذكور والعلامات
بعدين اطبعيها على ورق رسمي وخذيها للدكتورة توقعها واختميها بالنهاية من الوكيله للقسم,اذا حابه اساعدك ارسلي لي ايميلك عالخاص واذا خلصت من توصياتي بكتب النماذج الي عندي وبرسلها لك
بالتوفيق
دعواتك

اقتباس:

---

المشاركة الأصلية كتبت بواسطة نوكومنت

الله يعطيك العافية Huda500
اي والله مدري وش هالنذاله فيهم ثلاث ايام اروح الجامعة وارجع مامعي ولا توصية بسبة حركاتهم
طيب وش الدبرة مع الي ماخذين اجازة والي في جامعة ثانية تدرس في جده وانا فالرياض صعب اروحلها كيف ارسللها التوصية على الايميل ولا وش السواة لان قالولي الجامعة يوم رحت اتواصل معهم على الايميل :(

---

مرحبا فيكي عزيزتي نوكومنت أنتي والأخوات العزيزات ..
في البدايه وأنا أختك عيني من الله خير وإستهدي بلله وأمورك تساهيل بإذن الواحد الأحد ..
شوفي وأنا أختك بالنسبه للتوصيات فالدكتور ملزوم يعطيكي توصيه في الماده إللي درسها لكي إذا كانت درجاتك فيها حلوه
لأن ماعنده حجه للرفض ولا بس لعانه ونذاله فماعليكي أرجعيله مره وإثنين وأطلبي توصيه وهالشي من حقك دامه درجتك عنده حلوه مثل ماقلتلك ..
وإذا الله لايقوله إرفضوا مالك إلا تروحي لرئيسة قسمك وتقوليها أنا محتاجه توصيات والدكاتره إرفضوا وكل أموري إنهيتها ومو ناقصني إلا التوصيات ..
بالنسبه للدكاتره إللي إتركوا الجامعه فعندك حل واحد إللي هو التواصل معاهم إما تتصلين على الدكتور وتقوليله إنك محتاجه توصيه لأنك حتبتعثين بإذن الله
أو بالإيميل فترسلين له كشف الدرجات وهو يعملك التوصيه ويكتب إسمه وإيميله ورقمه عالتوصيه ومهمه معلومات الإتصال الخاصه في الدكتور ..
لأن أذكر بنات أتصلوا على دكتور وأطلبوا توصيات وأرسلهم الإيميل الخاص فيه وأرسلوا على إيميله كشف الدرجات وبعد كم يوم أرسلهم التوصيات ..
إن شالله أكون أفدتك وأنا أختك ..
أتمنالك وللجميع التوفيق يارب ..
دعواتك لي بالتوفيق ..

روحي لسكرتيرة قسمك
يكون عندهآ بالكمبيوتر نمآذج توصية لكل إستاذة
قولي وريني اللي عندك , و خليهآ تطبع لك حقىت الأستاذات اللي درسوك , أو حتى لو مآ درسوك لأنهم مستحيل يذكرون
و بعدين إذا طبعتها لك تروحين للإستاذة و تخلينها توقع عليهاا
و ترجعين للسكرتيرة تختمها لك بعد التوقيع
ووبسسسس

يعني أول شي خذي لفة على السكرتيرآت و شوفي إذآ عندهم النماذج جاهزة

( يتيه - الرسام - شاعرة عسكرية - بنت حصة ) مشكووورين وماقصرتو وانشالله بدور توصيات من النت احسها مضبوطة واخذها ففلاش واطبعهم وان مانفع الوظع او ماحصلت عند السكرتارية توصيات ابرسللك ايميلي اختي الرسام :o

صح عزيزتي نسيت ماقلت لك ان اسهل شي سويته اني دقيت على قسم الرجال(السكرتير لخاص بقسمي) وطلبت منه توصيات من دكتورين درسوني يعطك ايميل ترسلي له اسماء الدكاترة الي تبين توصيات منهم وترسلين صور السجل الاكاديمي حقك,بعدين هو يسويها ويحطها بظرف ويرسلها لقسم النساء,انا بكرا ان شاء بروح اشوف اذا اوصلوا استلمهم من السكرتيرة ,اعملي كذا اسهل من قسم النساء والله
دعواتك لي بالتوفيق وتسهيل الامور ان شاء الله

الله يسهللك ان شالله ويوفقك المشكلة مادرسني الادكتور واحد ولا اذكر اسمه لانه من زماان يمكن مستوى ثاني مدرسني بس اذكر ان اسمه طارق ودرجتي عنده ماكانت كويسه اتوقع ج:D انا بكرا ان شالله بروح الجامعه اجرب اخذ توصيات ادعولي الله يسهللي

و عليكم السلام ..
روحي لدكتوره درستك اخر مستوى والي قبله .. وكلميهم .. ممكن يعطونك ..
او روحي لدكتوره مادة التخصص .. وهيك ..
وان شاء الله يعطونك ..

مدري بس اتوقع لازم التوصيات يكون الدكاترة كاتبين فيها مع ايميلهم او رقم جوالهم التوقيع

سؤال؟؟
هل في عدد معين للتوصيات ؟؟
وهل لازم تكون من دكتورة أو عادي من أستاذة؟؟

والله ييسرلك عزيزتي و يسخرلك الدكتورات ^^

كل ما كانت الدرجة العلمية للدكتور او الدكتورة عالية كان ذلك في صالحك.