أمانة أدخلوا ضروري جدا ومهم لو سمحتوا
فيه حاجة مهمة لازم أستفسر عنها
في هذا الكلام اللي مقتبس تحت أحد الأشخاص سئل الوزارة
عن الطالب اللي حصل على قبول في الجامعة وقدم على الابتعاث سوف يتم ألغاء ترشيحه
لكن المشكلة أن البعثة ماهي مضمونة مية بالمية
فكيف الوزارة تبغى تورطنا ؟
يعني ما نقدم على أي جامعة ألين ما يجي تقديم الابتعاث ؟
طيب أفرضوا ما قبلونا وش نسوي يفوتنا التسجيل كذا ؟؟؟؟؟
المفروض يخلون التقديم على الابتعاث متزامن مع التقديم على الجامعات عشان ما يورطون البشر .....
سؤالي المهم في ذا الموضوع
أنا ألحين وش أسوي ؟
هل أقدم على الجامعات وأذا جاني ترشيح مبدأي أفصل منها ولا ما أقدم من الاساس ؟
المشكلة أن تقديم الابتعاث متأخر .... اقتباس:
المشاركة الأصلية كتبت بواسطة فاتن a
السلام عليكم ورحمة الله وبركاته
كثير من الأسئلة وردت عن مصير من لديه قبول من جامعة داخل المملكة وهل سيتم ترشيحه للابتعاث في حال كان مستوفي الشروط ام لا ..
تمت مراسلة إدارة البعثات بهذا الشأن ..
اقتباس:
المشاركة الأصلية كتبت بواسطة فاتن a
كان سؤالي وهذا هو نصا ً ( هل من الممكن ان يتم رفضي في برنامج الابتعاث الخارجي لدراسة الماجستير
في حال تم قبولي في احدى الجامعات السعودية للدراسة ؟
او يحق لطالب الابتعاث المستوفي للشروط ابتعاثه حتى وان تم قبوله في احد الجامعات السعودية ولم يبدأ الدراسة بعد .. ؟)
وتمت الاجابة من قبل ادارة البعثات
بهذا الرد (
وكالة الوزارة لشؤون الإبتعاث
( برنامج خادم الحرمين الشريفين للآبتعاث الخارجي )
في حال تم التقديم على برنامج الابتعاث الخارجي للمرحلة القادمة وكان لديك ملف في احد الجامعات السعودية يتم الغاء ترشيحك في البرنامج بسبب حصولك على قبول في جامعه داخلية لذلك قبل التقديم على برنامج الابتعاث سحب الطالب لملفه من اي جامعه داخليه او خارجيه )
وعلى ذلك جرى التنويه ..
موفقين بإذن الله ^_^
رد: أمانة أدخلوووووووووووووووووا ضروري جدا ومهم لوووو سمحتوووا
بالمختصر البعثه مضمونه الف بالميه اذا مستوفي الشروط
في حل اخر
قدم على الجامعات واذا نزلت شروط المرحله الثامنه وشايف نفسك مستوفي الشروط اسحب ملفك قبل يجي التقديم
الوزارة دايم تخلي بين الشروط والتقديم اقل شي شهر
رد: أمانة أدخلوووووووووووووووووا ضروري جدا ومهم لوووو سمحتوووا
الشروط التي يجب توافرها هل المقصود فيها الشروط الي تأهلك للمنافسه على البعثه او الشروط النهائيه الي تخليك تبتعث ؟
مثلا ارامكو وسابك لهم شروط معينه اذا استوفيتها يسوون منافسه ومفاضله بين الي انطبقت عليهم الشروط .. هل نظام الوزاره كذا ؟ ولا أي واحد منطبقه عليه الشروط يبتعث ؟ ( يعني مضمون الابتعاث)
رد: أمانة أدخلوووووووووووووووووا ضروري جدا ومهم لوووو سمحتوووا
اقتباس:
المشاركة الأصلية كتبت بواسطة Brmoda
الشروط التي يجب توافرها هل المقصود فيها الشروط الي تأهلك للمنافسه على البعثه او الشروط النهائيه الي تخليك تبتعث ؟
مثلا ارامكو وسابك لهم شروط معينه اذا استوفيتها يسوون منافسه ومفاضله بين الي انطبقت عليهم الشروط .. هل نظام الوزاره كذا ؟ ولا أي واحد منطبقه عليه الشروط يبتعث ؟ ( يعني مضمون الابتعاث)
برنامج خادم الحرمين الشريفين مافي ابد مفاضله او حتى مقابله شخصيه
اي شخص مستوفي الشروط =مبتعث
رد: أمانة أدخلوووووووووووووووووا ضروري جدا ومهم لوووو سمحتوووا
اقتباس:
برنامج خادم الحرمين الشريفين مافي ابد مفاضله او حتى مقابله شخصيه
اي شخص مستوفي الشروط =مبتعث
جزاك الله خير .. الحمد لله
طيب هل يحتاج اني الحين اسوي شي ؟ فيزيا او معهد ومدري ايش ... ولا ما أسوي شيء ابد واقعد انتظر للتسجيل وهم يقولون لي ؟
رد: أمانة أدخلوا ضروري جدا ومهم لو سمحتوا
^^
لا مايحتاج تسوي شي
انتظر الشروط
...
شوف شروط المرحلة السابقة لان في الاغلب نفسها
واذا دراجتك نازلة في القدرات والتحصيلي حاول تختبر مره ثانية
رد: أمانة أدخلوووووووووووووووووا ضروري جدا ومهم لوووو سمحتوووا
اقتباس:
المشاركة الأصلية كتبت بواسطة Brmoda
جزاك الله خير .. الحمد لله
طيب هل يحتاج اني الحين اسوي شي ؟ فيزيا او معهد ومدري ايش ... ولا ما أسوي شيء ابد واقعد انتظر للتسجيل وهم يقولون لي ؟
في موضوع ( اهم المواضيع بالمرحله الثامنه ) داخل في رابط لموضوع فيه الاوراق اللي تجهزهن من الحين علشان الوقت
وتقدر تجيب قبول معهد وفيزا واللي تبي لكن ماتقدر تسافر الا بعد حضور الملتقيات اللي يعلنون عنها بعد الترشيح النهائي
رد: أمانة أدخلوا ضروري جدا ومهم لو سمحتوا
الابتعاث من الجامعه افضل لان الطالب يصير يمشي له راتبين
راتب البعثه من الجامعه + راتب كونه موظف مبتعث من قبلهم
بينما مبتعث خادم الحريمن فقط راتب البعثه يمشي له
وغير كذا الراتب التقاعدي لك يكون اكبر من اللي يروح من بعثه خادم الحريمن لان عدد سنوات خدمته اكبر فتبعا لذلك الراتب التقاعدي راح يكون لك اعلى
ولما تخلص البعثه انت ضامن الوظيفه تروح مباشره للجامعه تشتغل اما مبتعث خادم الحريمن ممكن يواجه بطاله بعد العوده " واعرف شخصيا من عانى من البطاله ع الرغم من انهائه ماجستير في اداره الاعمال "
رد: أمانة أدخلوا ضروري جدا ومهم لو سمحتوا
اقتباس:
لا مايحتاج تسوي شي
انتظر الشروط
...
شوف شروط المرحلة السابقة لان في الاغلب نفسها
واذا دراجتك نازلة في القدرات والتحصيلي حاول تختبر مره ثانية
قدراتي +90 والتحصيلي +85 والمدرسه +90 ... درست سنه في جامعه سعوديه وسحبت شهادتي ( ماهي مختومه وزي ماعطيتهم )
اموري مضمونه ان شاء الله ؟
رد: أمانة أدخلوا ضروري جدا ومهم لو سمحتوا
لازم تشوف الشروط مشان تتأكد بنفسك .......!!!
بس كذا ان شاء الله أمورك تمممممممام باقي العمر محدد ع حسب بكالوريوس او ماستر ً????
موفق
رد: أمانة أدخلوا ضروري جدا ومهم لو سمحتوا
كم العمر ؟؟
عمري 19 مدري 20 :d والتحصيلي اختبرته السنه الي فاتت ..
رد: أمانة أدخلوا ضروري جدا ومهم لو سمحتوا
^^^^^^^^^^^
ماشاء الله
يعني مستوفي الشروط = مبتعث
الله يكتب لنا البعثه
رد: أمانة أدخلوووووووووووووووووا ضروري جدا ومهم لوووو سمحتوووا
اقتباس:
المشاركة الأصلية كتبت بواسطة بنيـه
برنامج خادم الحرمين الشريفين مافي ابد مفاضله او حتى مقابله شخصيه
اي شخص مستوفي الشروط =مبتعث
مشكوووووورة على هذي الخبرية لكن وشووووووو المصدر ؟؟؟؟؟؟؟
رد: أمانة أدخلوا ضروري جدا ومهم لو سمحتوا
اقتباس:
المشاركة الأصلية كتبت بواسطة Brmoda
كم العمر ؟؟
عمري 19 مدري 20 :d والتحصيلي اختبرته السنه الي فاتت ..
يا سلام علييييييك
أنا خريج السنة اللي فاتت جبت في القدرات 87
والتحصيلي حبت 74 لاني ماذاكرته نهائيا ولا التجميعات والثانوية فوق التسعين
لكن أبغى أسألك أنا نسيت التحصيلي هل عو كان صعب ولا لا ...
هل الاختبار التحصيلي صعب ولا سهل يعني أقدر أجيب + 80 أو +85 بسهولة ؟؟؟
رد: أمانة أدخلوا ضروري جدا ومهم لو سمحتوا
الاختبار التحصيلي الدرجه الي تنزل لك ماهي درجتك الخام ... يلعبون فيها بسبب الانحراف المعياري فـ عاده تصير اكثر من الي انت جبته بسبب انه كثيره طلاب يخشون ويجيبون العيد تحت الـ50 فا يسوون ادجستمنت للكل ويرتفع الكل تقريبا
صراحه اذكره كان صعب ومدري كيف جبت 86 ... لكن ماتفرق صعب ولا سهل دامي جبت 86 ! أهم شي ذاكر كتاب تحصيل وركز عالانجليزي لانه كثير طلاب ما يحلونه فا يفيدك بالانحراف المعياري
موفق ان شاء الله واي استفسار انا حاضر
رد: أمانة أدخلوا ضروري جدا ومهم لو سمحتوا
الأخ الكريم
العنـوان غير واضح ويختلف عن المضمـون ولذلك الموضوع مخالف وتم إقفالـه.
تحياتي