أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
السلام عليكم
اخواني اخواتي
أنا راح أوصل أمريكا في سبتمبر القادم, يعني أقل من شهرين
بصراحة موضوع اللاب توب مقلقني جداً
هل اللاب توب يفتش في المطارات أو لا؟؟
أنا اشتريت اليوم جهاز جديد من جرير الويندوز أصلي وحملت المايكروسوفت أوفيس أصلي
وحسب كلام بعض الشباب يقولون أهم شي المايكروسوفت أوفيس و الويندوز
طيب بخصوص بعض البرامج مثل PDF لأني راح احتاجه أول ما أوصل أمريكا عشان أرفع بعض الملفات على البوابة الالكتورنية
هل الPDF فري أو لازم اشتريه؟
ثم هل التفتيش يكون على الويندوز و المايكروسوفت أوفيس ولا على كل البرامج؟ لأني حصلت في جهازي برامج مثل الماسنجر و السكايبي وبعض البرامج الصوتية والمرئية كانت محملة في الجهاز من أصله؟
هل فيها مشكله أم لا؟
في شباب يقولون أهم شي الويندوز و المايكروسوفت أوفيس
و فيه ناس تقول كل جهازك لازم يكون أصلي.!
و فيه ناس تقول رح و هذا وجهي ان فتشوك.!!
وودي أعرف إذا سبق و أن تم تفتيش جهاز مبتعث في الفتره الأخيره أو لا؟
يا ليت تخبروني التفتيش يتم على ايش بالضبط؟ الويندوز و الاوفيس؟ أو على كل البرامج؟
وودي اعرف ايش العقوبة على التحميل؟ سجن - غرامه - ....
و يا ليت الاخوان و الاخوات المبتعثين يقولون إذا سبق تفتيش أجهزة اللاب توب حقتهم أو لا؟
ما أستغني عنكم
و أنا في انتظار مشاركاتكم ونصائحكم
أخوكم و محبكم و في أمس الحاجة لخبرتكم و تجربتكم في هذا الموضوع
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
اممممممم
هنا ملتقى المرحله الثامنه ولسى ماطلعو
ممكن تنزل موضوعك بالمرحله 7 اكيد بيردون عليك
وان شاء الله يشوفونه هنا
وبالتوفيق
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
يااخي .. انا لي فترة في البحث .. .وواجهت ناس كثر اخرهم واحد قبل اسبوع تقريبًأ .. راحوا لامريكا ..
مسألة التفتيش ناااااااااااااااااااااااااااااااااااااااادرة على كثرة الالفات التي ذكرتها ..
ولكن الناس يخافون بزيادة ويحتاطون لهاالامر حط الملف في هارديسك او ارسله كمرفقات على ايميلك .. وهناك تحمله ..
والحقيقة انهم لو بحثوا حيكون حتى الملفات المنسوخة مثل الافلام اللي حملتها عن طريق النت او حتى البرامج التي تتطلب سيريال او كراك تحت المتابعة ... لازم كلش اصلي
عن نفسي بفرمت الجهاز بنفسي واروح لامريكا وهناك اركب نسخة ويندوز احملها من النت ...
باختصار استطيع القول وبكل ثقة أن 98% من المبتعثين لا يواجهون مشاكل عند التفتيش عندما يتعلق الامر باللابتوب ونحوه .. وترا اجراءات الدخول سهلة مبسطة ... كل اللي بتسويه توقف في صف لين تجي عند خط .. لما تاصل الخط توقف ماتتعداه ولما يقول الموظف نيكست تتقدم له وتعطيه جوازك واوراقك زي i-94 و i-20 بيبلغونك ابها في الطيارة اظن المهم بيسألك موظف الجمارك ليش جاي وفي اي ولاية جاوب على قد السؤال لا تتفلسف عليه .. وخلك هادي .. بيختم لك الدخول وخلاص مرحبا بك في الولايات المتحدة الامريكية .. بس اهم شي خلك هادي لانهم لو شكوا فيك يمكن يطلبون تفتيش جهازك ...
بالتوفيق
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
انصحك تكون حذر من هالناحيه حظك مو مثل حظ غيرك ، وهم شديدين من ناحية البرامج اللي مو اصليه لا تدخل نفسك في متاهات لشي تافه
خذ احتياطك .. والله يوفقك ويسهل لك
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
السلام عليكم
أنا قالوا لي كذا قبل ما أسافر ولكن يوم وصلت أمريكا أنا وثلاثة أشخاص معاي كل واحد منا معاه لاب توب .
أبداً مافتشوها ... كل اللي حصل طلعوها من الشنطة وأدخلوها على السير فقط , وكمان سافرت كم مرة داخل أمريكا ولافتشوها أبدا.
اللي أخذوه علي وصادروه جل الشعر وغسول الوجه <<<<<<<<<<< هههههههههههههههههههه ... وش السبب ؟
الله أعلم
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
اخي العزيز خلي كمبيوترك وكااااله لاتنزل ولا شي
اذا جيت امريكا نزل pdf من موقعهم نزل المجاني وانتهينا اي برنامج تبيه نزله في امريكا
بس لازم تنزله من موقعه انا عني البرنامج اللي ابيه انزله من الموقع حقه والنت هنا في كل مكان اذا السكن اللي بتسكن فيه ما فيه نت مجاني و تعطلت روح الجامعه او ستاربكس او مطعم ماكدونالدز او حتى البقاله اللي جنبك ونزل البرنامج هههههههه
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
شفت الاخ ابو نبراس اكد كلامي .. ياناس مايفتشووون الا نادر جدًا ... انت اهم شي خلك في كل الاحوال محتاط لكل الظروف المحتملة
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
طيب عادي ننسخ البرامج على سديات وبعدين بس اوصل احملها على اللاب
انا سمعت كذا مدري يفتشون كمان على السي دي والا لا
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
ليش تسوي هالشي ^^^ !!!!
ترا تحميل البرامج من النت زي ماتكون تحمل فيديو ولا شي عادي .. صدقني والله مايستاهل ..
امرها بسيط وسهل ومايحتاج ..
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
اكيد لاتركب الا اصلي او موبس الويندوز والبرامج حتى الافلام والاغاني انتبه ولاتتنسى الجلبريك في الايفون مسحه لاني انا رحت فيها في مطار دالاس في تكساس قالوا لي الشباب اللي جاو قبلي مافيه اي تفتيش وطحت فيها انا وصادروا الاجهزة ودفعوني غرامة 1700 دولار وعطوني موعد للمحكمة
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
الله يستر وربي انهم مسوين زحمه
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
شافعي الحين غرموك 1700 دولار على الجيلبريك؟ طيب و في المحكمة ايش ممكن يكون الحكم؟؟
لأن اللي مقلقني يقولون العقوبة المتوقعة 5-20 سنه سجن وسمعت فيه غراامات توصل لـ 50000 دولار؟
يعطيكم العافية جميعاً على مشاركتكم
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
ياربي كل ذا العقوبات عشان برنامج. الله يستر قسم شي يخوف ولاصادرو غسول الوجه .يازين ديرتنا وزين رحمتها الله يعينا طيب سوال الحين امريكا مافيه سفاره للسعوديين قصدي مجمع سكني كل الي فيه سعوديه والسكن الدوله الي تستاجره لان بفرنسا كذا
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
يابعد قلبي خذ العلم الاكيد
اولا ليست كل المطارات تفتش هناك
ثانيا هم اصلا لايفتشون جهازك يدوي ... ( يوصلون جهازك بجهاز اخر في برنامج خاص يكشف اي برنامج مكرك ))
الخلاصة ياحبيبي امسح كل البرامج برجهازك ( كلها قبل ماتمشي بيوم) ونزل البرامج المجانية مثل السكايب والماسنجر من مواقعها الرسمية وان شاء الله ماعليك خطر + بعد ماتوصل ويفتشون جهازك وتطلع من المطار بتلقى هناك كثير من الشبكات المفتوحة ونزل البرنامج اللي تحتاجه وتنتهي القضية
انتبه ياغالي يكون بجهازك اي برنامج مسروق او مكرك لانه يمكن توصل قضيتك للسجن او الغرامة الكبيرة ....
- - - مشاركة محدثة - - -
وبالنسبة لي اصلا راح ابيع جهازي واشتري جهاز جديد بعدا عن المشاكل وراح اخليه فاضي واذا رحت لامريكا ركبت البرامج هناك
- - - مشاركة محدثة - - -
وبالنسبة لي اصلا راح ابيع جهازي واشتري جهاز جديد بعدا عن المشاكل وراح اخليه فاضي واذا رحت لامريكا ركبت البرامج هناك ان شاء الله
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
الله ينور عليكم توني ادري عن هالسوالف !!
الله يعين يارب
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
وسع صدرك ترى مافي ازين من الامريكان
اعتقد والله اعلم ان من نشر هذه الشائعة ماكان يعرف انجليزي (قالوا له طلع اللابتوب خاف من الوضع واشتبهوا به )
اللي يصير كالتالي :
توصل للسير يقولك فك شنطة اللابتوب وطلع اللابتوب وتحط اللابتوب بعلبة والشنطة بعلبة وتدخل بالسير
.
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
انا واخوي وصلنا قبل اسبووع ..
ولا احد فتش اللاب ولاشيء الحمد لله ..~
^_^
بس لاتنسى ( اللهم اجعل من بين ايدهم سدا )آ
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
السلام عليكم ورحمة الله وبركاته
أخوي لاتعطي الموضوع أكبرمن حقه
أنا لما وصلت لأمريكا مافتشو شي حتى شنطه الظهر اللي معي . بس خليني أقولك أهم شي وأنا أخوك أنك تكون ماتحمل معك أكل أو سوائل سواء في الشنطه اللي تاخذها معك للطياره أو شنطه الشحن
الاب توب أنا أفضل انك تحطه مع شنطة السفر وتحط قفل سري له وحاول اذا عندك برامج تخليهم في هارد ديسك خارجي وتخليه بشنطه السفر
ولمعلوماتك لما تكون معبي البيانات قبل ماتنزل الطياره بشكل صحيح تسهل عليك الأمور كثير
أنا وأعوذ بالله من كلمة أنا نزلت من الطياره مريت على الجمارك للجوازات واماتأخرت أكثر من 3 دقايق
أهم شي الابتسامه موجوده عندك وراح تشوف كيف الأمور تعدي بشكل سهل
بوركت
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
وبناء على تجربه شخصيه مطار واشنطن هو أسهل مطار الى الأن مع السعوديين
اللي ما ارشحهانك تنزل في مطار ديترويت متشددين مره وأهم شي الخطوط اللي جاي فيها أنت
وليش عوار الراس امسح وركب البي دي اف المجاني وميكروسوفت الأصلي وبس ولما تاصل ان شاء الله حمل زي ماتبي والمواقع كثير
Al ways Be in The Safe Side
رد: أنا جاي لأمريكا بعد أقل من شهرين وموضوع تفتيش اللاب توب مو مخليني أنام.!!
اخوي بخبرتي المتواضعة في الأجهزة الغير أصلية مثل الويندز و غيرة من البرامج لايوجد اي جهاز الى الان يكتشف البرنامج اصلي او لا
الا عن طريق الباركود في الاب توب من تحت و هاذا الجهاز التفتيش لا يتسطيع كشفة الا عن طريق جهاز قارئ باركود و سوفت وير بمعلومات الشركة ويندز أوفس
و أنا لمى طلعت استراليا أخذت ترانزيت في سنقافورا و كانت تفتيش على جهازي و الاي باد و كان الاب توب غير اصلي من الجلدة الجلدة و علية برامج غير أصلية
و بس
بس انت خذ حذرك لان العلم تطور *