عرض للطباعة
السلام عليكم ورحمة الله وبركاته
بفضل الله سجلت واخترت تقنية النانو
بس خايفه جدا لأن الجامعات اللي تقدم الماستر فيه قليله
وكمان لأن قسمي يمكن مايتناسب معاه
اتمنى اي احد اختار هدا القسم لأكمال الماجستير يفيدنا هنا عن الجامعات اللي تقدم التخصصات وكمان ايش تخصصه في الاساس
موفقين جميعا
وعليكم السلام ورحمة الله وبـركاتــه
في البداية ايش تخصصكي أختي الكريمـة ؟
وتقنية النـانو تخصـص قـوي وما أبغا أقـول صعـب لكن يبغـالـه شدة حيـل ^^
في البداية شوفي معلومات عـامة لتقنية النانو من عم ويكيبيديا : تقانة الصغائر - ويكيبيديا، الموسوعة الحرة
برضو شوفي الرابط الجـاي :
ما هي تقنية النانو؟
شوفي الرابط الجـاي لو حبيتي تعرفين أكثر عن تقنية النانو :
http://upload.wikimedia.org/wikipedi...technology.pdf
بالنسبة للجامعات الموصى بها من قبل الوزارة وتدرس تقنية النانو في الولايات المتحدة الأمريكية هي :
LOUISIANA TECH UNIVERSITY : عندهم Molecular Sciences & Nanotechnology لدرجة الماجستير و Micro and Nanotechnology لدرجة الدكتوراه .
UNIVERSITY OF PENNSYLVANIA : عندهم Nanotechnology لدرجة الماجستير .
VIRGINIA COMMONWEALTH UNIVERSITY " موقفة "
ايش الدولة اللي اخترتيهـا ؟
تخصصي كيمياء
واخترت دولة امريكا لأنها افضل التخصصات والجامعات للكيمياء :)
بس اخترت اني اكمل بتنقية النانو بأذن الله
وانتا ؟ اش تخصصك واش اخترت دوله
- - - مشاركة محدثة - - -
تخصصي كيمياء
واخترت دولة امريكا لأنها افضل التخصصات والجامعات للكيمياء :)
بس اخترت اني اكمل بتنقية النانو بأذن الله
وانتا ؟ اش تخصصك واش اخترت دوله
انا كمان تخصصي كيمياء ونفسي بتقنين النانو بس محتاره الله يكتب لنا الله فيه الخير ان شاء الله
وعليكم السلام ورحمة الله وبركاته..\
يااهلن باهل النانو^_^
انا من المرحلة السابعه تخصصي البكالريوس فيزياء والمماستر اخترت نانو بس لسا ماسافرت: (
المهم انا بعثتي لـ كـندا..
الجامعات اللي ف كندا
جامعة واترلو (اعتقد عندهم كورسات) جامعة تورنتو و جامعة اوتاوا (بحث ) ..( في جامعات تانية تدرسو بس يكون فرعي يعني تحت تخصص معين )
امريكا بحثت عنها بس ناسية لكن اللي افتكرو انو بس جامعتين عندهم ..
بالتوفيق يارب
وانا تخصصي فيزيا
وناويه ان شاء الله اقدم ع النانو وباختبار امريكا
مو عشان بحثت في الجامعات
لا والله انا ماعندي خلفيه عن شي
وبس ع وجهي
اللي عنده خلفيه اتمنى يفيدنا
وربي النفسيه زفت واحنا لسه بالبدايه
يااارب عوووونك ورضاااك عنااا
اقتباس:
المشاركة الأصلية كتبت بواسطة ام غمازه
الله يوفقكي ويكتبلك اللي فيـه الخيـر يــارب
مشــواري طـويـل لسا :biggrin:
أخوكي مرافق للأخت الكريمـة لأمريكا وان شاءالله تقريبا 25 رمـضـان السفـرية الله يسهلها يـــارب
شوفي الجامعـات اللي كتبتها فـوق ابدئي من الآن اطلعـي على التخصص وايش متطلبات القـبـول ؟
وهل الجامعة يتبع لهـا معـهد معتمد في الوزارة ؟
اقتباس:
المشاركة الأصلية كتبت بواسطة حلمي الماسترز
لا تشتتين نفسـك بكثرة المواضيـع !!
ابدئي من الآن افهمي المتطلبات للدراسة في أمريكا ،
اعرفي الفيزا ومتطلباتها ، والقبول ومتطلبات القـبـول ، الموضوع ترى جـدا سهالات فوق ماتتصوريـن ،
ورتبي متطلبات المرافق وادا حابب يدرس لغة والا لأ ؟
وفيه مواضيع مثبتة راح تفيدك بشـكل كبيـر ان شاءالله
الله يسهلكم أموركم وأمور المسلمين والمسلمات يـــــارب
انا مو مخوفني الا شي واحد انو مافي جامعات كثير وبالذات المعترف فيها
تيب اذا ما انقبلت اش اسوي
شكلي حرجع كيمياء الله يستر بس
اسعد الله مسائكم بالخير والمسرات
انا تخصصي في البكالوريوس هندسة الكترونيات واخترت ماستر نانو تكنولوجي
التخصص جميل جدآ وممتع للي حاط في راسة انه يتعلم صح ويفيد ويستفيد
إنشاء الله فالكم التوفيق جميعآ .
اختي ام غمازة بالعكس تخصصك قريب جدآ للنانو في مجالات كثيرة ممكن تدخلين في مجال التطبيقات الحيوية
ياشباب ويا صبايا كل واحد يكتب الرغبات الي حطها في الموقع انا عني حطيت
1- امريكا .
2- فرنسا .
3- اسبانيا .
من متطلبات التخصص الاساسيه
اختبار ايلتس 6:5وفوق
وكمان اختبار جيميات اظن
يعني معقد شويا التخصص ومتطلباته مره كثير
حشوف الشروط وحأقلكم اش يصير معايا :)
انا اخترت امريكا لأانها التوب في الكيمياء
وكندا
والمانيا لأانها قويه في تقنية النانو
بس ماراجعت موقع الوزاره يبغالي اشوف الجامعات اللي بتدرسو
اختي ام غمازة
لا تشيلي هم كل شي مكتوب لك من يوم عمرك 40 يوم .
لا تشغلين تفكيرك في شي انتي الآن مش مطلوب منك انك تفكرين فيه.
خلصي الي بين يديك و افعلي الأسباب وبأذن الله راح تنفرج القبول بالجامعات يعتمد غالبآ على
اختبار التوفل والآيلتس و باقي الشروط منطبقة عليكي من خلال الشروط الي حاطتها الوزارة في الموقع و التوصيات الأكاديمية
يعني شد حيلك في اللغة وجيبي درجة كويسة وانا اضمن لك بعد الله القبول في جامعات مرموقة وقوية.
شوفي اغلب الجامعات العالمية تشترط ان الواحد يجيب في التوفل 90 من 120 حوالي تكونين حول هذه الدرجة حتى فيه جامعات تقبل
الي يجيب 70 من 120 فلا تشغلين بالك خلصي الي عليك و الي مطلوب انك تخلصينه ركزي على اللغة الآن هذا هو المطلوب وفالك التوفيق إنشاء الله .
هذا رابط فيه جميع الجامعات في العالم الي تدرس هذا التخصص
http://en.wikipedia.org/wiki/Nanotechnology_education
وهذا رابط يسمى شجرة النانو او عائلة النانو مجالات النانو و التخصصات الدقيقة اضغط على
الثمرة المناسبة لك في الشجرة نفسها واطلع وشوف.
http://www.nanoforum.org/educationtree/
انا مستوايا الان برو- انترميديت الحمد لله وممكن اختبر ايلتس وجالسه اطور نفسي مرا في الانجلش
انا قرأت انه في تخصص بوليمر نانو " ان شاء الله اذا حصلته راح اتخصص فيه "
حتطلع ع الجامعات الان ولي عوده