ابي ابتعث...

السلام عليكم كيفكم يالربع انا توني جديدة بالمنتدى :cap::cap:
المهم يالغوووالي انا ابي مساعدتكم ولاتبخلون علي انا ابي اسجل في برنامج خادم الحرمين الشريفين للمرحلة الثامنة
وانا عمري 18 سنة تتوقعون يقبلوني:confused: ؟
والشي الثاني انا سجلت في مكتب اطلس للقبولات الجامعية واللي عنده فكرة عنه امانه يفيدني
وابي اقول شي بعد انا اخذت بالثانوية معدل عالي وهو98 بس نسبتي في التحصيلي 72 والقدرات73 تهقون يقبلوني برنامج البعثة تبع خادم الحرمين
وانا انقبلت بجامعة تبوك بس تمريض وانا ماابي تمريض وهاذي الجامعة ام الظلم يحولون على كيفهم وبواسطة تدخلين طب وانا ابي ابتعث واروح بريطانيا بس الله يعين

واللي يرد علي الله يحقق له كل ماايتمنى ويووفقه يارب ويجعله بموازيين حسناته

لازم قدرات 80 تحصيلي 80

لازم 80 والحل طيب وانا اختس انا ابي ابتعث

مالك لا تجيبين قبول مشروط من الجامعه وتلتحقين بالابتعاث

طيب اخوي كيف اجيب قبول مشروط من الجامعة ترا انا مااعرف شي وطلبتك ابيك تساعدني بالمعلومات اذا ماعليك امر

اختي تجيبين قبول معهد لغة + قبول مشروط من احد الجامعات في بلد الابتعاث ( القبول المشروط هو قبول عادي لكن الجامعة تقولك انتي مقبولة عندي ومعدلك معجبني وموافقين عليه لكن لازم تجيبين درجة 5.5 في الايلتس او 500 في التوفل .. ولما تجيبينها انتي مقبولة 100% )

يعني قبول مبدئي لين تجيبين شهادة لغة وعلى اثرها علطول تدرسين فتروحين اول شي تدرسين لغة وخلال دراستك للغة ترفعين اوراقك للملحقية وتطلبين الحاق بالبعثة .. ويتم الحاقك وخلاص تكملين بقية مدة المعهد والجامعة على حساب البعثة ... وكانك مبتعثة من الاصل ..

لكن المدة اللي يلحقونك فيها تختلف من دولة لدولة ... فامريكا وبريطانيا تتجاوز السنة لكن كندا 3 شهور اما كوريا يومين الى اسبوعين تقريبا

خلال فترة اللغة اختبري ايلتس او توفل ( شهادات لغة ) اكثر من مره لين تجيبين النسبة المطلوبة

أولا: ماشاء الله معدلك الدراسي ممتاز.
ثانيا: لا يهمك القدرات والتحصيلي ما يأخذونها الجامعات الخارجية.
ثالثا: شوفي متطلبات الجامعة اللي بتقدمين لها ، أكيد كلهم يبغون Toefl أو Ielts.
رابعا: قدمي على الجامعة واتكلي على الله.

إن شاء الله موفقين

تسلموون الله يعطيكم الصحة والعافية ياارب
طيب عندي استفسار اخوي كيف اجيب اختباار التوفل و الايلتس
واعذروني على كثرة اسئلتي يالغوالي بس انا توي تخرجت من الثانوية ومااعرف شي
وامانه اذا عندكم فكرة عن مكاتب القبولات الجامعية وخاصة مكتب اطلس يفيديني
ويعطيكم العافية

ع العموم جزاكم الله كل خيرا..وكل عام وأنتم بخير وعافية ..
وأسأله تعالى أن يتقبل منا ومنكم الصيام والقيام والدعاء وصالح الأعمال ..

هنا تسجلين اختبار Ielts وانتبهي خذي acdemic مو genral training لان الجامعات تبغى acdemic.
https://ielts.britishcouncil.org/Default.aspx

وهنا تسجلين اختبار Toefl IBT ؛ يقولون ان toefl (ibt) أسهل شي
https://toefl-registration.ets.org/T...LogonPrompt.do

الاختبارين كلهم يقيس مهارتك في اللغه الأنجليزية ، حاولي تجبين الدرجة اللي تبغاها الجامعة وإن شاء الله تنقبلين وتنضمين للبعثه ;)

موفقين .