الوظيفه ام الابتعاث

السلام عليكم
اخواني الاعزاء انا في حيره من امري ارجوكم كل من يدخل يعطيني معلومه او راي يمكن يفيدني
انا موظف حكومي لي 9 سنوات و انا الان على المرتبه الثالثه و لا يوجد تطوير في العمل بالاماره
المهم اني قدمت على الابتعاث و لكن لا يمكن ان ابتعث الا اذا استقلت من عملي فأرجووووو المشوووووره هل الوظيفه افضل ام الابتعاث
و هل يوجد سلبيات للاستقاله او عندما انهي دراستي اعامل معاملات اي متخرج و هل اعطى فرصه من قبل اداره الابتعاث لانهاء اجرات الاستقاله لانها تاخذ شهر و امكن اكثر و هل يعطوني ورقه رسميه او ضمان للقبول اخاف استقيل و ارجع لهم و يرفضون قبولي
علما انه اخر فرصه لي بالابتعاث هذي السنه عشان شرط العمر
ارجوووو افادتي
و الله يوفق الجميع

حياك الله 9سنوات وعلى المرتبة الثالثة ....!!!!!!!!!!! لا والله الإستقالة أفضل .......

فيه ورقة اخلاء الطرف من العمل لازم تجيبها ايام التدقيق وبإمكانك مراسلة الوزارة ......

السلام عليكم ورحمة الله وبركاته

والله يا اختي انا ماعندي الخبرة الكافية عشان انصحك

ولكن حبيت اقلك انو ﻻتنسي تصللي صﻻة الاستخارة قبل ما تسوي اي شي

وبالتوفيق ان شاء الله

لا يجوز للمؤمن أن ينحر أحلامه وطموحاته

ويبقى دون أحلام تنعش حياته بسبب ظروف عارضة تزول بإذن الله.

د . سلمان العودة


...............

أخي لا تتوقف عن طموحاتك أبدا وتوكل على الله قبل كل شيء وانطلق للدراسة

ولن تعود خاسر باذن الله هذه فرصه اتت لعندك فعليك باستغلالها واعمل اللازم كما قال لك الأخ Shy heart ..

تقبل تحياتي :)

...

الابتعاث أخوي انسب حل لك
على كلامك لايوجد تطوير بعملك وثانياً هو أنك 9 سنوات على المرتبة الثالثه !!!
ياساتر
وش شهادتك ؟

وعليكم السلام ورحمة الله وبركاته
الأخت الفاضلة
قبل الإستقالة, تأكدي أن الشروط منطبقة عليك. عند التدقيق احضري مايثبت انك استقلتي من العمل.
اذا تأخرت الاستقالة وتم رفضك في البرنامج بسبب وظيفة حكومية, احضري لهم اثناء فترة الاعتراض مع مايثبت الاستقالة من الوظيفة.
للتأكيد حول هذا الموضوع, راسلي الايميلات الموجودة في هذا الموضوع:
http://www.mbt3th.us/vb/forum163/thread368597.html
حتى اذا تمت الاجابة عليك, يكون لديك دليل وإثبات رسمي من الوزارة تستطيعي أن تحاجيهم فيه فيما بعد, اسأليهم عن الاجراءات واسوأ الاحتمالات فيما لو تأخرت ورقة الاستقالة الى بعد مرحلة التدقيق...الخ من استفسارات
أسأل الله الكريم ان ييسر أمرك ويكتب لك الخير

مرحبا بك
ونتمى التحقق من احلامك

اخوي يوجد في وزارة الخدمة المدينة على نظام منح الاجازات الاستثنائية وهي بدون راتب تصل مدى الاجازة الى 10 سنوات تستطيع تاخذها اذا كنت تابع للوزارة الخدمة المدينة
اما اذا كنت تابع لوزارة الداخلية لا اعلم

الله يعطيكم العافيه على الردود
لكن انا ماني فاهم حكايةالاجازه الاستثنائيه يعطي لو اجيب لهم اجازه استثنائيه يقبلوني او لازم استقاله الله يعطيكم الجنه ابغى الخبر الاكييييييد
انا موظف بالاماره ارجووووكمافيدوني
انا موظف و ليس موظففففه المعرف هذا ماهو حقي هههه
عشان كذا حساب مية حساب لكل خطوره عندي عائله

من وجهة نظري الوظيفة، ولا تفرط فيها أبدا
حاول بأي طريقة تبتعث لكن تكون الوظيفة بأيدك

اللي يبتعث حاليا يرجع من دون شي مضمون.. أقلها 8 شهور عاطل عن العمل
حاليا أكثر من 3 الاف عاطل عن العمل من حملة الشهادات العليا.. وأنا وحدة منهم :"(
البعض عنده دكتوراه وصار له 3 سنوات عاطل.. تخيل!!!
وحتى لو حصلو على وظيفة تكون أقل من شهادتهم! .. مثل وحدة امتياز باللغة الانجليزية بالبكالوريوس والماستر، وفوق كل هذا عندها جوائز تفوق، وفي الاخير مدرسة لمرحلة سادس ابتدائي!

كلامي مش للحد من طموحك ابدا.. بس لحتى تشوف كيف الواقع ولا تنصدم لو رجعت من بلد الدراسة وتكون مثلي.. صارت الهجرة هي طموحي :"(

نصيحتي.. عندك وظيفة امسكها، وحاول تلاقي منفذ منها للابتعاث
سواء عن طريق جهة العمل، او تأخذ إجازة من دون مرتب، او اي طريقة.. لكن لا تفرط بالوظيفة

بالتوفيق
طوبى

اقتباس:

---

المشاركة الأصلية كتبت بواسطة Touba

من وجهة نظري الوظيفة، ولا تفرط فيها أبدا
حاول بأي طريقة تبتعث لكن تكون الوظيفة بأيدك

اللي يبتعث حاليا يرجع من دون شي مضمون.. أقلها 8 شهور عاطل عن العمل
حاليا أكثر من 3 الاف عاطل عن العمل من حملة الشهادات العليا.. وأنا وحدة منهم :"(
البعض عنده دكتوراه وصار له 3 سنوات عاطل.. تخيل!!!
وحتى لو حصلو على وظيفة تكون أقل من شهادتهم! .. مثل وحدة امتياز باللغة الانجليزية بالبكالوريوس والماستر، وفوق كل هذا عندها جوائز تفوق، وفي الاخير مدرسة لمرحلة سادس ابتدائي!

كلامي مش للحد من طموحك ابدا.. بس لحتى تشوف كيف الواقع ولا تنصدم لو رجعت من بلد الدراسة وتكون مثلي.. صارت الهجرة هي طموحي :"(

نصيحتي.. عندك وظيفة امسكها، وحاول تلاقي منفذ منها للابتعاث
سواء عن طريق جهة العمل، او تأخذ إجازة من دون مرتب، او اي طريقة.. لكن لا تفرط بالوظيفة

بالتوفيق
طوبى

---

كلام الأخت عين العقل وعن تجربة
مادمت رب أسرة حاول قدر الإمكان تتمسك بوظيفتك وتروح إبتعاث وأختار تخصص مطلوب في سوق العمل ليقدم لك أكثر من فرصة وظيفية

استخير الله فكلنا نعطيك اراء بشرية قاصرة والعلم الاكيد عن رب العباد..

اشوف انك تقدم اجازة احسن ..انا موظف وباخذ اجازة ان شاء الله

تقدر تجمع بنها - الاستخااااااااااااااااارة

وعليكم السلام ورحمة الله وبركاته

اذا شروط المرحلة الثامنه متطابقه عليك ، وفي راسك درآســــه وناوي تشد حيلك ، انصحك لا تتردد وتكمل ، والوظيفـــــــــــه لإحـــــــق عليهآ

الله يوفقك اخوي

بس انت بنفسك تقدر تحدد خياراتك حسب ظروفك

ادرس وظيفه علي الثالثه موب شي مغري

تسع سنوات بالمرتبه الثالثه تاكدي ان في بنات عشر سنوات وزيادة بدون وضيفه لكن من ناحيتي اقول ان الشيء هذا راجع لحالتك المادية ا.
البعض يقول ابتعثي يفكر الابتعاث بيضمن لك وضيفة لا هذا تفكير خاطئ . انا مبتعث وكثير من الاخوان هنا في كندا فاصلين من وضائفهم وكانوا موظفين عسكريين علشان يجون مرافقين مع حريمهم . فالاول ينبسطون ويقلبونها تمشيات وفله وكشخه وبعد اكمال مدة اللغة سنه ونص تلاقينهم حازمين شناطهم وراجعين السعودية يفكرون ان القبول في الجامعات الاجنبية زي القبول في جامعة الملك عبدالعزيز وبعد مايرجعون يلاقون نفسهم عاطلين . فأنتي صلي الاستخارة ولا تتهورين .

بتلاقي ان شاء الله
ولا روح للقطاع الخاص كمل ماجستير بس

اسمع نصيحتك اخوك لاتترك الوظيفة لانه اصحاب الشهادات العليا ماحصلو وظيفة والي راح يجو خلال السنوات القادمة اكثر والمشكلة راح تكبر وانا جالس ادور وظيفة ماحصلت ومعايه ماجستير الوضع مأساوي جدا ولكن الله يفرجها
حاول تاخذ اجازة استثنائية لكن لاتستقيل عصفور باليد ولا عشرة على الشجرة
انا لمن اتخرجت من الجامعة قررت اكمل وماتزظفت والي معايه واقل من توظفوا كلهم ولمن كملت ورجعت جالس في البيت او تشتغل ب 3000 الاف
وبالتوفيق للجميع...

اتمنى تطبيق مثل ما قاله احمد الجهني التأكد بأن امورك كلها متوافقه مع الشروط قبل كل شيء

الي يقول ما لقيت وظيفة وما ادري شنو والي متحطم
ابي اسالكم وش تخصصاتكم وهل تخصصاتكم في الماستر نفس البكالريوس وش تقديركم في البكالريوس والماستر
انا ابي اجزم انكم درجاتكم مو عاليه في احدى الشهادتين او ان تخصصاتكم تختلف في البكالريوس عن الماستر
باختصار والي ابي اقوله ان اذا كان تقديرك جيدجدا في البكالريوس والماستر ونفس التخصص انا اقولها لك راح تلقاء وظائف اكادمية في احدى الجامعات
والي قول قبول الجامعات في كندا معروفة كندا بصعوبة القبول فيها يعني واحد عسكري ( ونعم بالعسكر ) جايب درجة زفته في التوفل او الايلس او حتى معدله مخيس يبي قبول في جامعة
يا رجل اذا انت محطم يا اخي لا تحطم الناس معك الناس مو زيك يا اخي
ردي لصاحب الموضوع يا أخي 9 سنين في الثالثه وش تبي منها سافر بس لا تسافر الا على تخصصك يعني يج واحد تخصصه عربي ويبي يدرس تسويق او تمويل ويرجع يطالب الجامعات بتوظيفة من الحين لا تتعب نفسك، لان الجامعات كما اسلفت ما راح تقبله
عزيزي استخر ولا تقيس تجارب الاشخاص عليك، واتمنى لك التوفيق

برأيي خبرة التسع سنوات ماهي هينة وإذا رجعت إن شاء الله راح تفتح لك فرص كثيرة وراح تتميز عن اللي معهم شهادات فقط ، أهم شيء يكون تخصصك مطلوب مثل ماقالوا اللي قبلي، ويفضل يكون بنفس المجال أو قريب منه، وراح أقولك مثال بسيط عن كيف أن الخبرة هذي راح تفيدك وراح تفرق عن الخريج اللي مامعه خبرة، لما كنت متدربة بالمستشفى وكان فيه شخص مسؤول بالتوظيف سمعته يقول لبنت لا تاخذين ماجستير وأنتي ما معك خبرة ، توظفي سنة بعدين روحي ابتعاث لأنهم بالوظايف مايبحثون عن المعلومات الأكاديمية بس! يبحثون بعد عن المهارات اللي مايكتسبها الشخص إلا بالممارسة!

رأيي أنك تتوكل وتبتعث - ويفضل أنك تشوف موضوع الإجازة الإستثنائية اللي تكلموا عنها، إذا ممكن خير وبركة- والله يكتب لك اللي فيه الخير وييسر لك أمورك كلها

اقتباس:

---

المشاركة الأصلية كتبت بواسطة shuayl

الي يقول ما لقيت وظيفة وما ادري شنو والي متحطم
ابي اسالكم وش تخصصاتكم وهل تخصصاتكم في الماستر نفس البكالريوس وش تقديركم في البكالريوس والماستر
انا ابي اجزم انكم درجاتكم مو عاليه في احدى الشهادتين او ان تخصصاتكم تختلف في البكالريوس عن الماستر
باختصار والي ابي اقوله ان اذا كان تقديرك جيدجدا في البكالريوس والماستر ونفس التخصص انا اقولها لك راح تلقاء وظائف اكادمية في احدى الجامعات
والي قول قبول الجامعات في كندا معروفة كندا بصعوبة القبول فيها يعني واحد عسكري ( ونعم بالعسكر ) جايب درجة زفته في التوفل او الايلس او حتى معدله مخيس يبي قبول في جامعة
يا رجل اذا انت محطم يا اخي لا تحطم الناس معك الناس مو زيك يا اخي
ردي لصاحب الموضوع يا أخي 9 سنين في الثالثه وش تبي منها سافر بس لا تسافر الا على تخصصك يعني يج واحد تخصصه عربي ويبي يدرس تسويق او تمويل ويرجع يطالب الجامعات بتوظيفة من الحين لا تتعب نفسك، لان الجامعات كما اسلفت ما راح تقبله
عزيزي استخر ولا تقيس تجارب الاشخاص عليك، واتمنى لك التوفيق

---

الكلام شي.. والواقع شي ثاني!
إذا حاب تعرف أكثر عن البطالة في حملة الشهادات العليا، تابع حملتهم عالفيسبوك او تويتر وراح تشوف كيف الوضع

بالتوفيق
طوبى