-
تجربتي في التدقيق (15 دقيقة وانتهيت فقط...)
السلام عليكم ورحمة الله وبركاته
أولا: أنا حاولت انزل الموضوع العصر لكني كنت مستعجل وبعد ما ضغطت (اعتمد الموضوع) ما فتحت الصفحة لوجود مشكلة فأجلته لليل
المهم سبقتني إحدى الأخوات ونزلت تجربتها وفيها تفاصيل ع الاقل واضحة
بالنسبة لي جيت للفندق بالرياض راديسون كلكم عارفين موقعه وفيه كروكي بموقع الوزارة
المواقف كاااااانت زحمممممممة (طبعاً فيه مواقف بالخلف وبوابة محد يعرف عنها :)
وصلت 4 وربع (وحصلت موقف بالخلف ومظلل )
خشيت مع البوابة 2 ،،،، خشيت وحلصت شباب جالسين بالكراسي ، جلست شوي وقمت آخذ جولة بالفندق :)
4 ونص فتحو الالصالة ودخلنا وكان زحمة بس لطيفة وغير مملة (مو زي الحراج)
قالوا لنا صفوا طابور وشوفوا ارقامكم باللوحة ( أنا صفت آخر واحد وأنا أضحك كانوا يتهوشون على أول الطابور)
شفت أسمي وحط الموضف علامة صح
(أنا بحكم دهائي ههههه كنت صاف الأوراق المطلوبة تمااام )
أول ما خشينا سلمونا ظرف ورقي فيه تكتب معلوماتك ،، كتبت المعلومات بسرعة بعدين تروح لموظف يتأكد منها ( الشباب رايحن فيها كل يجهز أوراقه علشان كذا سبقتهم)
بعدها رحت للموظف الثالث سجل طلبي بالجهاز وعطاني رقم
بعدها رحت للموظف الرابع وكان رقمي 2 ( شاف أوراقي وكانت جدا مرتبة وواضحة وأنا بسرعة وافيته بالشرح وراويته المعدل وكلمة متخرج وعطيته الجواز وخليته يشوف تاريخه ووووو) يعني اللي بيتأكد منه انا سبقته وراويته
بعدها قالي ما شالله عليك اللي مثلك المفروض يمشي الحين هههههه
بعدها خلصت :) لحقني المشرف والمسؤول وسألني هل تشوف فيه تأخير أو تقصير منا (جاوبته بأقصى دوبلماسيه)
الاوراق اللي جبتها معي (شهادة فيها انجش وعربي) (سجل اكاديمي عربي وانجلش فيه كلمة متخرج) ( جواز السفر + صورة) بطاقة هوية + صورة (استمارة الطلب الجامعات الاتجنبي) واستمارة طلب الابتعاث كلهم موقعات )
طبعا حاط الصور بملفهم والاصل بيدي بدون ملف وبسسسسسسس وطلعت الساعة 4.45
ويوم طلعت الشباب اللي سبقوني شفتهم لسه هم واوراقهم مضارب هذا يسأل وذا يحط حسيت انهم يسوون معادلة كيميائية والسبب الارتباك والتهاون
وسألت الموظف هل يمكن بعدين اعدل الدولة قالي هنا نشوف بيانتك صحيحة او لا بعدين عدل كل شيء :)
ويا جماعة اذا احد عنده استفسار انا موجود لكن صدقوني أفضل طريقة للاستفسار هي مراسلتهم بالايميل تراهم يتجاوبون بسسسرعة وهذا شيء مكتوب باعلان عندهم
-
رد: تجربتي في التدقيق (15 دقيقة وانتهيت فقط...)
عوافي اخوي ماقصرت . . والله يوفقك وييجعل لك نصيب بالبعثه
لكن ياليت توضح لنا طريقة ترتيب الاوراق من اعلى الا اسفل واكون شاكر لك
-
رد: تجربتي في التدقيق (15 دقيقة وانتهيت فقط...)
بصراحة تعامل راقي ....
ربع ساعه فقط ومشيت ...
بالنسبه لترتيب الاوراق هم يرتبونها لك اخوي انت ما عليك الا تجيب اوراقك معك اصول وصور عشان المطابقه ....
-
رد: تجربتي في التدقيق (15 دقيقة وانتهيت فقط...)
بالتوفيق .. وكيف رتبت اوراقك؟؟
-
رد: تجربتي في التدقيق (15 دقيقة وانتهيت فقط...)
الله يووفقك اخ ماستر لاو
نحتاج نجيب معانا ملف للاوراق ولا ؟
-
رد: تجربتي في التدقيق (15 دقيقة وانتهيت فقط...)
ياقدع انتا .... ايوااا هيك الحكي ولا بلاش
اولا احس الرجال يدهم خفيفه بالشغل .. مع احترامي للنسوان V_V
ثانيا اصلا مستنداتكم قليلة .. لاعندكم ولي امر ولا جواز محرم كلها شهادتك وسجلك والنموذج مع الطلب هههههه
بالتوفيق خيووو وعقبال مانفرح بخبر الترشيح النهائي والابتعاث ^ـ^
-
رد: تجربتي في التدقيق (15 دقيقة وانتهيت فقط...)
اقتباس:
المشاركة الأصلية كتبت بواسطة Nanotechnologist
ياقدع انتا .... ايوااا هيك الحكي ولا بلاش
اولا احس الرجال يدهم خفيفه بالشغل .. مع احترامي للنسوان V_V
ثانيا اصلا مستنداتكم قليلة .. لاعندكم ولي امر ولا جواز محرم كلها شهادتك وسجلك والنموذج مع الطلب هههههه
بالتوفيق خيووو وعقبال مانفرح بخبر الترشيح النهائي والابتعاث ^ـ^
الحرريم الرقه ذبحتهم , قسما ماانسى سكرتيرة عندنا كنت شويه وبضربها من شده بطئها
وبرودتهاااااااااااااا كانت تمشي على قشر بيض , زززززفه زففففه
لدرجة كنت اخد اوراقي منها واقولها انا بوصلها للمكان بنفسي بس قولي لي فينه
والختوم من عندها نجي ناخدها بعد اربعه ايام مدري هم بيرسمون الختم ولا بيختمون بعيونهم
اما الرجال في ساعتها ختم وخدي , الله المستعان .
المهم ماستر لاو بالتوفيق يارب وشكرا عالتجربة الدهائية .
-
رد: تجربتي في التدقيق (15 دقيقة وانتهيت فقط...)
ما يحتاج تجيبون لا ملف ولا توصيات ولا اي شيء ثاني اهم شيء اللي مذكور بالرابط اللي تحت
وبالنسبة لترتيب الاوراق رتبوها زي ماهو بالجدول اللي بالرابط اللي تحت
http://www.mohe.gov.sa/ar/studyaboar...8%A8%D8%A9.pdf
ويا ناااااااااااس صدقوني الموظفين أو الموظفات كلهم وااحد الفرق فيكم انتم
ومن قال انو الرجال يختمون وبس
فيه رجال جلسو يدقوون اوراقه وقت طويل والسبب انو ما ضبط اموره
وصدقوني ونا طالع 90% ما خلصو عند الموظف الاول
الشغله كلها تعتمد عليكم
ونصيحه لا احد ياخذ بكلام احد اللي يبي شغله يمشي مضبوط يراسل الوزارة
وعفــــــــــــــــواً للجميـــــــع
-
رد: تجربتي في التدقيق (15 دقيقة وانتهيت فقط...)
اقتباس:
المشاركة الأصلية كتبت بواسطة الامبراطووور
بصراحة تعامل راقي ....
ربع ساعه فقط ومشيت ...
بالنسبه لترتيب الاوراق هم يرتبونها لك اخوي انت ما عليك الا تجيب اوراقك معك اصول وصور عشان المطابقه ....
أخوي انا اقولك انت تعال وجيب اوراقك معاك
وخلهم هم يدبرونك ويوجهونك عــــــــادي
بـــــــــــــــس متى بتخلص :)
-
رد: تجربتي في التدقيق (15 دقيقة وانتهيت فقط...)
من جد فيه بنات تجي للتدقيق ماجابت شي >> مدري وشوله جايه ؟؟؟؟؟؟؟؟؟
كل اوراقها ناقصه والا جايبه اوراقها الاصل فقط ولا صورت ولا شي وكذا تعرقل كل امور البنات اللي وراها والضحيه حنا منطيق نستناها :crazy:
- - - مشاركة محدثة - - -
من جد فيه بنات تجي للتدقيق ماجابت شي >> مدري وشوله جايه ؟؟؟؟؟؟؟؟؟
كل اوراقها ناقصه والا جايبه اوراقها الاصل فقط ولا صورت ولا شي وكذا تعرقل كل امور البنات اللي وراها والضحيه حنا منطيق نستناها :crazy:
-
رد: تجربتي في التدقيق (15 دقيقة وانتهيت فقط...)
الله يجزاك بالجنة ولا يحرمك الأجر استفدت منك كثيرًا الله يسعدك وجعل البعثة من نصيبك ونصيبي إن شاء الله ..
-
رد: تجربتي في التدقيق (15 دقيقة وانتهيت فقط...)
بالتوفيييق =) ، وفالك القبول النهآئي =)
-
رد: تجربتي في التدقيق (15 دقيقة وانتهيت فقط...)
الله يعطيك العافيه اخوي ...
سؤال هل يمكن اغير موعدي من الفتره الصباحيه للمسائية ؟؟؟ لاني مرتبط بعمل ف الصباح
-
رد: تجربتي في التدقيق (15 دقيقة وانتهيت فقط...)
اخوي فيه واحد جاء واوراقه ناقصة موعده 4ونص
قالوا له معك ليين الساعة 9 بالليل ،،، بس لازم تكمل اوراقك
يعني انشالله ما فيه مشكلة بس حاول تبلغهم لو بإيميل
والف شكر لمروركم ،،، وصراحة دكواتكم لي تثلج الصدر...
بالتوفيق للجميع.
- - - مشاركة محدثة - - -
اخوي فيه واحد جاء واوراقه ناقصة موعده 4ونص
قالوا له معك ليين الساعة 9 بالليل ،،، بس لازم تكمل اوراقك
يعني انشالله ما فيه مشكلة بس حاول تبلغهم لو بإيميل
والف شكر لمروركم ،،، وصراحة دكواتكم لي تثلج الصدر...
بالتوفيق للجميع.
-
رد: تجربتي في التدقيق (15 دقيقة وانتهيت فقط...)
الله يعطيك العافيه على التوضيح .... والله اني متخوف ... راسلتهم بس مافي اجابه ......
-
رد: تجربتي في التدقيق (15 دقيقة وانتهيت فقط...)
انا مرتبه اوراقي بعد نفس الجدول
بس ما فهمت كلمة (كلهم موقعات) ؟؟؟؟َََ
مافي شي نوقعه غير استمارة الجامعات الاجنبية وموافقة ولي الامر ؟!! :s
-
رد: تجربتي في التدقيق (15 دقيقة وانتهيت فقط...)
^
^
نفس السؤال بالميلليميتر يا حبيبي :)
-
رد: تجربتي في التدقيق (15 دقيقة وانتهيت فقط...)
اقتباس:
المشاركة الأصلية كتبت بواسطة A.M.A.D
انا مرتبه اوراقي بعد نفس الجدول
بس ما فهمت كلمة (كلهم موقعات) ؟؟؟؟َََ
مافي شي نوقعه غير استمارة الجامعات الاجنبية وموافقة ولي الامر ؟!! :s
الاوراق التي يجب توقيعها :
- استمارة طلب الابتعاث
- استمارة طلب الالتحاق بالجامعات الاجنبية
- موافقة ولي الامر
- نموذج ترتيب الاوراق واكتمالها ( اختياري )
موضوع التدقيق بسيط يحتاج فقط من طالب الابتعاث أن يكون أكثر حرصا وتنظيما وبالتالي سنهي جميع أموره بشكل ميسر وسهل
متمنيا للجميع التوفيق والسداد
-
رد: تجربتي في التدقيق (15 دقيقة وانتهيت فقط...)
اقتباس:
المشاركة الأصلية كتبت بواسطة Majed F
الاوراق التي يجب توقيعها :
- استمارة طلب الابتعاث
- استمارة طلب الالتحاق بالجامعات الاجنبية
- موافقة ولي الامر
- نموذج ترتيب الاوراق واكتمالها ( اختياري )
موضوع التدقيق بسيط يحتاج فقط من طالب الابتعاث أن يكون أكثر حرصا وتنظيما وبالتالي سنهي جميع أموره بشكل ميسر وسهل
متمنيا للجميع التوفيق والسداد
أختي amad الاخ ماجد جاوبك مشكور جاوب كافي
بالنسبة لنموذج ترتيب الاوراق مانتو محتاجينها لانهم راح يعطونكم لكن يفضل تجيبوها....
-
رد: تجربتي في التدقيق (15 دقيقة وانتهيت فقط...)
اقتباس:
المشاركة الأصلية كتبت بواسطة brhoom21
الله يعطيك العافيه على التوضيح .... والله اني متخوف ... راسلتهم بس مافي اجابه ......
اخوي المشكلة اني ما اعرف ايميلاتهم ولا راسلتهم
لاكن اشوف الناس هنا بالمنتدى يقولون انهم يتجاوبون بسرعة .... غير كذا باعلانهم يقولون نتجاوب معكم بسرعة
شوف الايميلاتت اللي بالموضوع المثبت
-
رد: تجربتي في التدقيق (15 دقيقة وانتهيت فقط...)
اخوي مستر لاو انت كيف عارف انهم رشحوك لفرنسا ؟
وعندي السجل الاكاديمي مكتوب عليه منتظم , عادي ولا لازم مكتوب متخرج ؟
-
رد: تجربتي في التدقيق (15 دقيقة وانتهيت فقط...)
الله يكتب اجرك يارب
عندي سؤال مهم جدا
لو اختلف المعدل ع اللي طالبينه كيف الوضوع بيكون ماستر
جزاك الله خير
-
رد: تجربتي في التدقيق (15 دقيقة وانتهيت فقط...)
هل لازم أدبّس أوراق طلب القبول ؟ ، وهل الأوراق أحطهن بملف علاقي ولا ما يحتاج ملف ؟
-
رد: تجربتي في التدقيق (15 دقيقة وانتهيت فقط...)
هم عطونا ملف نحط فيه الاوراق واعطونا كمان ورقة نحط فيها علامة صح عند كل مستند معنا نفس هالورقة مطبوعة على الملف من داخل احنا نعبيها او هم ؟
ا
-
رد: تجربتي في التدقيق (15 دقيقة وانتهيت فقط...)
.ضروري كلمة متخرج والا لا؟اكيد مماعطوني وثيقة الا متخرجه
-
رد: تجربتي في التدقيق (15 دقيقة وانتهيت فقط...)
ماشاء 15 دقيقه<<<<<فيس مستغرب
والله انا رحت 5 وموعدي 5:30 وما وصلت البيت الا 8
من جد نسوان يجيبوا الهم:mad:
-
رد: تجربتي في التدقيق (15 دقيقة وانتهيت فقط...)
السلام عليكم..
نموذج الالتحاق بالجامعة الأجنبية نعبيه بخط اليد أو بالكمبيوتر؟؟؟ وشكرا
-
رد: تجربتي في التدقيق (15 دقيقة وانتهيت فقط...)
اخوي ممكن سؤالي يكون سخيف شويتين بس حابب اعرف هل لازم البس شماغ وعقال ولا الثوب يكفي؟! :)
- - - مشاركة محدثة - - -
اخوي ممكن سؤالي يكون سخيف شويتين بس حابب اعرف هل لازم البس شماغ وعقال ولا الثوب يكفي؟! :)
-
رد: تجربتي في التدقيق (15 دقيقة وانتهيت فقط...)
اقتباس:
المشاركة الأصلية كتبت بواسطة Laptop
السلام عليكم..
نموذج الالتحاق بالجامعة الأجنبية نعبيه بخط اليد أو بالكمبيوتر؟؟؟ وشكرا
بالكومبيوتر وبس
وبالتوفيق
- - - مشاركة محدثة - - -
اقتباس:
المشاركة الأصلية كتبت بواسطة Laptop
السلام عليكم..
نموذج الالتحاق بالجامعة الأجنبية نعبيه بخط اليد أو بالكمبيوتر؟؟؟ وشكرا
بالكومبيوتر وبس
وبالتوفيق
-
رد: تجربتي في التدقيق (15 دقيقة وانتهيت فقط...)
كلمة متخرج ياناااااس حسب التعليمات مهمة
أنا اللي أشوفه غير مهمة لان الموظف ما دقق فيها ..... بس ما أضمن لكم انهم يدققون فيها ،،، راسلوا الوزارة وأسألوهم
ولا تدبسين الاوراق انتهبهي تدبسين اية اوراق،،، ولا تجيبون ملفات ابد ابد
نموذج الالتحاق بالجامعات ضروري تعبيه بالكمبيوتر وتعبئته سهل وفيه موضوع شرح كيف تعبيه لايقبل المعبى باليد ولازم توقعينه بخط اليد
وصدفوني جميع السجلات بالعالم مكتوب فيها متخرج بس دوروها زين.
واذا اختلف المعدل اكيد ما ينفع بس جربي منتي خسرانة .... وقدمي اعتراض بوقت الاعتراض وووو مانتي خسرانه شيء..
بالتوفيق للجميع
- - - مشاركة محدثة - - -
كلمة متخرج ياناااااس حسب التعليمات مهمة
أنا اللي أشوفه غير مهمة لان الموظف ما دقق فيها ..... بس ما أضمن لكم انهم يدققون فيها ،،، راسلوا الوزارة وأسألوهم
ولا تدبسين الاوراق انتهبهي تدبسين اية اوراق،،، ولا تجيبون ملفات ابد ابد
نموذج الالتحاق بالجامعات ضروري تعبيه بالكمبيوتر وتعبئته سهل وفيه موضوع شرح كيف تعبيه لايقبل المعبى باليد ولازم توقعينه بخط اليد
وصدفوني جميع السجلات بالعالم مكتوب فيها متخرج بس دوروها زين.
واذا اختلف المعدل اكيد ما ينفع بس جربي منتي خسرانة .... وقدمي اعتراض بوقت الاعتراض وووو مانتي خسرانه شيء..
بالتوفيق للجميع
-
رد: تجربتي في التدقيق (15 دقيقة وانتهيت فقط...)
اقتباس:
المشاركة الأصلية كتبت بواسطة CSMASTER
اخوي ممكن سؤالي يكون سخيف شويتين بس حابب اعرف هل لازم البس شماغ وعقال ولا الثوب يكفي؟! :)
- - - مشاركة محدثة - - -
اخوي ممكن سؤالي يكون سخيف شويتين بس حابب اعرف هل لازم البس شماغ وعقال ولا الثوب يكفي؟! :)
وش دعوة اخوي اخذ راحتك تراني انا اللي قلت مستعد لمساعدتكم :)
الشماغ ما هو ضروري لان فيه واحد جاي ببدلة التمريض بس مدري يمكن مرافق
لاكن انا شفت الكل جاي بشماغ الكل يبي السلامة محد يبي ينطرد
انا انصحك تاخذ جميع احتياطاتك منت خسران شيء لو لبست الشماغ
-
رد: تجربتي في التدقيق (15 دقيقة وانتهيت فقط...)
السلام عليكم ورحمة الله وبركاتة
حابة أسأل انا اخوي محرمي هل أكتبة في الجدول الخاص بالمرافقين في استمارة التقديم على الجامعات الاجنبية
-
رد: تجربتي في التدقيق (15 دقيقة وانتهيت فقط...)
بالنسبة لتغيير الدولة وتغيير التخصص , هل يتم من خلال موعد تطبيق الوثائق ؟
-
رد: تجربتي في التدقيق (15 دقيقة وانتهيت فقط...)
مشكور اخوي وعقبال الترشيح النهائي
-
رد: تجربتي في التدقيق (15 دقيقة وانتهيت فقط...)
سويت موون:
أنا اللي اشوفه انو هم طالبين المحرم اذا كان الزوج او الزوجة وليس الاب او الأخ (يعني لا تكتبين اخوك) ،،، وفيه موضوع بنفس القسم موضح بالضبط وش المطلوب وشرح وافي لو ما حصلتيه بلغيني اجيب لك الرابط.
سارا:
أنا كتبت بالموضوع اني سألت الموظف وقالي غيره بعدين عادي ،،، ولكن تقدرين تغيرينه بالتدقيق اذا عطوك الملف مكتوب فيه اختيار الدولة حطي الدولة اللي تبغين