حوار تجمع خاص لاصحاب ماجستير القانون ...

-


كيف يطلبون درجة الايلتس ؟ .. وشو القبول المشروط اجل :d

مهب الفكرة منه اني ادرس بالمعهد تبع الجامعة وبعدها دايركت اضمن لي قبول في الجامعة ؟

معليش اذا فاهم غلط وضحي لي .. تراي مفهي شوي من ناحية القبولات ولا بعد بحثت كويس

لا لا صح عليك ، انا الي فاهيه ماعرفت اوضح قصدي وشبكت السالفتين ببعض ،

لما قلت على درجة الايلز ، مو قصدي ع القبول المشروط ، قصدي ع القبول العادي ، يعني ياطويل العمر عشان أوضح مقصدي أكثر ببثارة بعض الجامعات ، بعضهم بس تجيب اللغه وبيعطونك القبول النهائي يطلبونك PERSONAL STATMENT + سيره ذاتيه + شهادات خبره أو دورات ، ويفاضلونك فيها على الباقي

اما هالجامعه ماطلبوا غير توصيات وشهادتك واللغه هذا بالنسبه للقبول العادي والنهائي ..

اما القبول المشروط فهم يعطونه ، ومايقتصر على انك تدخل معهدهم ، القبول المشروط "قبول مبدئي بشرط اجتياز متطلبات اللغه" وهذا الشرط يتحقق بتحقيق درجة الايلز المطلوبه ، او انك تعدي لفل معين هم محددينه بمعهدهم يعادل درجة الايلز ، أو مثلا تعدي لفل 101 بمعهد ELS ، وهذا اللفل مصنف كمستوى لغوي معتمد عند كثيييييييييييييير من جامعات امريكا ..
اما بالنسبه لهالجامعه بالذات ، والله مدري اذا تقبل قبول بمعهدها ! ماسألتهم الصراحه لاني ماسعيت لمعهد تابع للجامعه ، ولابعد اقتنعت بالفكره ، كثير ينبهرون فيها وفللله وخلاص يحسون انهم ضمنوا القبول ، بس بالواقع مو صحيح ، لانك لو ماعديت المستوى الي هم طالبينه ، كنك اختبرت ايلز وماجبت الدرجه المطلوبه !
يعني توكل وادرس بأي معهد ، وراسلهم يعطونك قبول مشروط بتحقيق درجة اللغه المطلوبه ..

هلا اختي ,... عندي سوال ... زوجتي مبثتعة لدراسة الماجستير قانون ... الجامعة هذي



UC Davis School of Law - Academics and Clinicals - Academics & Clinicals


وين تقع ... بأي ولاية ... ومدينة ........

وشاكر لك ........

هلا بك أخوي ، الجامعه هذي بمدينة Davis بولاية كاليفورنيا ..

عموما توقعاتي بالنسبه للجامعه ، خلال 6 شهور تغلق للتكدس ، لأني لاحظت كثرة التوجه لها ، لذلك خلي في بالك جامعه ثانيه احتياطا : )

مع التنويه بأن من قوانين الملحقيه ، السماح للطالب بالدراسه في معهد متكدس ، فقط إن كان تاريخ حصوله على القبول قبل تاريخ اغلاق الجامعه ..

-


مرحبا زملاء التخصص .. صحيح ان مدة دراسة ماستر القانون في اغلب الجامعات بأمريكا سنة وحده بس ؟

اذا ايه وش تعرفون من جامعات كويسة مدة الدراسة عندهم سنة ..

الـ LLM مدته سنه وحده ، بس لو تدور على Master in LAW راح يكون مدته سنتين ، لأنه اكاديمي بحت

شكرا لكم على تفاعلكم مع هذا الموضوع الطيب
أنا بسألكم عن تخصص القانون في جامعة الاباما بمدينة تسكلوسا
أنا سجلت بمعهدهم وناوي اكمل ماستر قانون في الجامعه ذي إن شاء الله
اللي عنده معلومات يفيدنا عنها
وله الاجر والمثوبه من الله

اهلا بالزملاء ..

في بالي فكره و احتاج للمشورة منكم

دراسة في معهد اي ال اس .. و التحويل لمعهد اكاديمي تابع لجامعة قوية بالقانون
هل هالشي صعب ؟ او اكمل مستوياتي بالمعهد و بعدها ابحث عن قبول جامعة

اخوي معيض اعتذر ، بس ماعندي أي خلفيه عنها ، الهاوي هذا نفس تخطيطي الي بسويه ، لاني احس الماستر وخصوصا بالقانون يحتاج لغه اكاديميه قويه جدا ماتركز عليها المعاهد التجاريه

فكرة الهاوي حلوه بس بتروح علي السنه وانا تحويل في تحويل
لكن ابحث عن تخصص في جامعة ثم التحق بمعهدها الاكاديمي
والملحقيه ماقصرت الحمدالله نزلت قائمة معاهد كويسه