شي غريب كان في تدقيق أوراقي في جدة
السلام عليكم جميعا
طبعاً اليوم كان موعد تدقيق الاوراق والحمد لله مستوفيه جميع الشروط
بس المشكلة عندي كانت في المحرم اول وقت التسجيل حطيت اخوي
الحين انا مملكة ومحرمي زوجي واخذت معي كرت العائلة والجواز حقه بس في التدقيق قالت لي الموظفة خلاص الحين مؤ لازم تغيري محرم بعد الترشيح غيري واشرايكم في كلامها
بس اخوي ماعنده جواز
قمت انا عطيتها كرت العائلة حق زوجي وصورة من جوازه وأخذتها وحطاتها في الملف حقي
بس قالت التعديل بعدين
صراحة مرة خايفة انو اسمي مايطلع في الترشيح النهائي بسبب المحرم
تكفوون عطوني الحل واش اسوي
ربي يسعدكم كلكم
رد: شي غريب كان في تدقيق أوراقي في جدة
تقولك الحين مو لازم .... وهو صحيح .. بس يمديك .. المفروض انك قلتي ابي اغيرها الان .. لاني مااقدر اروح الرياض عشان اغير محرمي !!! ...
عشان كذا افضل شي تغيرين الحين روحي للموظفة وقولي لها كذا
رد: شي غريب كان في تدقيق أوراقي في جدة
لا لا لا ماله دخل ولا تقلقي نفسك بسالفة يقبلوني او لا .. دامك مستوفية الشروط غصبا عنهم يقبلوكي
و بخصوص المحرم انا قرأت انه من اسهل الاجراءات اللي تصير و تقدري تسويه فأي وقت ..
و الموظفة ما قالت لك كذا الا هي عارفة شغلها .. فـ لا تشيلي هم.
http://www.mbt3th.us/vb/forum107/thread127522.html
.
http://www.mbt3th.us/vb/forum13/thread218794.html
.
http://www.mbt3th.us/vb/forum134/thread237359.html
.
رد: شي غريب كان في تدقيق أوراقي في جدة
الصراحة مررررررررة خافيه
طيب هل اذا طلعت في الترشيح النهائي لازم اطلع الرياض انا وأغير محرمي
والا زوجي يقدر يغير من الرياض لان عمله في الرياض
وحنا لسى مملكين
رد: شي غريب كان في تدقيق أوراقي في جدة
شباب وبنات طمنونني ماقدرت أنام
ربي يسعدكم
رد: شي غريب كان في تدقيق أوراقي في جدة
ياجماعة الخير طمنوا قلبي
ربي يطمنكم
رد: شي غريب كان في تدقيق أوراقي في جدة
عزيزتي مافي داعي للقلق والموظفة صادقة ماراح ياِثر جواز او تعديل بيانات المحرم في ترشيحك النهائي
اذا ربي تمم عليك وطلع اسمك في الترشيح النهائي باذن الله
تقدري وقت الملتقيات او قبل اصدار قرار الابتعاث تتقدمي بمعاملة تغيير المرافق
دام زوجك مملك عليك يعني رسميا انتي زوجته لان فيه عقد قران وهو الان ولي امرك
فامورك اتسهلت بشكل اكبر كون ولي امرك هو نفسه مرافقك .. لاصك وكالة ولا وجع راس
بالتوفيق،،،
رد: شي غريب كان في تدقيق أوراقي في جدة
يا بنات انا دققت أوراقي الحمد لله بس مااعطوني سند استلام الملف
رد: شي غريب كان في تدقيق أوراقي في جدة
اقتباس:
المشاركة الأصلية كتبت بواسطة مبتعثة55
يا بنات انا دققت أوراقي الحمد لله بس مااعطوني سند استلام الملف
كـــيف ماعطوك؟
مو بعد مطابقة اوراقك الاصول بالصور دايركت تعبين سند وتعطيك السند؟
لأيكون مشيتي ونسيتي تاخذينه؟
واذا يمديك والتدقيق للحين مانتهى بنفس منطقتك روحي لهم وقولي ماخذت سند
رد: شي غريب كان في تدقيق أوراقي في جدة
يابنت الحلال ماحد درا عنك عندك محرم واالا ماعندك المحرم مو مهم بالترشيح مهم وقت اصدار قرار الابتعاث بعد الترشيح وبعد القبول من المعاهد . روقي بالك واضمني انك مقبوله بحول الله .