1- لا مايرفضون اللي عنده إعاقة اهم شي المبتعث نفسه ..
2- لا مشكلة لاخوك عادي ولايهم شهاداته ولا وش يسوي .. فلا تخافين الامور طيبة ..
3- بالنسبة للأوراق اللي يطلبونها منه فقط جواز وصورة الجواز و بطاقة الهوية وصورة ولازم تعبين نموذج موافقة ولي الأمر اللي هو الوالد على مرافقة اخوك لك .. وهالشي راح يعطونك اياه في النت قبل مايطلبونها منك .. وبعدين لما يسوي فيزا قد يحتاج امور زي الصور الشخصية وتعبئة نموذج
4- بدري مرره على البحث .. وخصوصًا ان المرحلة التاسعة ماراح تبدأ الا في شهر 9 رمضان 1434 .. وهذا المتوقع .. لكن لو بغيتي تعرفين الجامعات المتاحة لك ادخلي هالرابط الجامعات الموصى بها اختاري الدولة امريكا .. ثم روحي للتخصص وحطي اسم تخصصك بالانجليزي وسوي بحث .. ومو لازم تعبين كل الخانات بس كلما عبيتي كلما ضيقتي نطاق البحث ..
5- خلال فترة التقديم يكفيك قبول معهد اللغة .. واذا سافرتي لامريكا هناك تراسلين جامعات .. وممكن ماتختبرين ايلتي او توفل الا هناك .. لكن اذا بغيتي تراسلين قبل السفر لمزيد من الضمان فلا بأس والخطوات اول شي ابحثي زي النقطة رقم 4 واختاري جامعات معينة .. اقرأي في مواقعها وشوفي وش تطلب سواءًا من اختبار توفل او ايلتس (وهم بديلين لبعضهم اي واحد عادي مايفرق تاخذينه) وتشوفين متطلبات الجيمات والجي اري ويختلف متطلبات الجامعة بعض التخصصات جي ار اي وبعضها جيمات وهما عبارة عن اختبارات زي القياس عندنا وهناك تاخذينها ..
6- من الممكن انك تستغنين عن المعهد لو اردتي عادي بس اهم شي يكون عندك قبول جامعي ..
7- بعد امريكا مايفرق معك الا برحلة واحدة بالسنة .. وش فرقت كلها غربة غربة .. لكن الفرق يوم في السنة يزيد ساعات السفر .. واحيانًا بعد التوقيت للمكالمات .. فقط هذه المشكلة .. وامريكا افضل شي ...
8- امريكا كبيرة .. وفيها ولايات اهلها طيبين جدًا وودودين بالعكس بتتفاجئين فيهم وبتنصدمين ... ولا يوجد اي عنصرية .. وهذا الشي تجدينه في الولايات الشمالية اكثر شي .. اما الجنوبية فهي ولايات عنصرية الى حد ما ..
نصيحة نصيحة .. طوري لغتك .. وجهزي نفسك لاختبار الجيمات واعدي نفسك له جيدًا من خلال الدورات اللي في النت او حتى دورات تقام في السفارة الامريكية مشكلتها انها مو على كل حال موجودة ..
واعرفي اني مثلك قبل سنة ونص كان كذا تفكيري وبحث وقراءة متواصلة .. لكن كان الأفضل لي لو بدأت أقرأ قبل مايبدأ المرحلة ب 3 شهور ...
بالتوفيق
September 29th, 2012, 06:42 PM
السلام عليكم جميعاانا عندي بعض استفسارات وان شاء الله يكون موضوعي بمكانه الصحيح
انا ناويه اقدم على بعثه في المرحلة التاسعه(بعد سنه ) وحابه استشيركم في بعض الاشياء
اولاً: مسئله المحرم لاني سمعت في شروط معينه
هل يرفضون المرافق اللي عنده اعاقه ؟؟ لان انا مرافقي بالغالب بيكون اخوي الكبير وهو سليم ولله الحمد لكن عنده صعوبه بالنطق وغير كذا ماكمل الابتدائي
ودرس بمعهد فهل يدققون بهالاشياء للعلم انه ماراح يدرس طبعا بس كمحرم معي كمان هو مسجل بالضمان الاجتماعي ويستلم مبلغ من الحكومه كل شهر فايش
راح يكون الوضع وايش الاوراق اللي يطلبونها منه .. واذا تعسرت الامور ممكن ابوي يروح معي كمرافق لكنه ايضا كبير بالسن وعنده مراجعات مستشفى فهل تشوفون ان عندي مشاكل من هالناحيه
ثاني شي مرره احترت باختيار الجامعه والولايه
باذن الله خلال هالترم باتخرج بكالوريوسMIS نظم معلومات اداريه وابي اكمل ماستر في امريكا وبحثت عن الجامعات القويه بالتخصصات المتعلقه بنظم المعلومات
واحترت اكثر واكثر ... ماادري على اي اساس اختار هل الجامعات اللي تطلب جيمات وتوفل عالي معناته انها جامعه كويسه او اختار حسب الولايه ؟ مرره محتاره ودي
بجامعه قويه ومعترف فيها بالسعوديه..
شي ثاني قريت هنا كثير يروحون معهد للغه وبعدين يدرسون لازم ولا؟ انا ماابي ادرس بمعهد خصوصا انو دراستي بالجامعه كلها كانت انقلش وسبق اختبرت ايلتس قبل
اربع سنوات واخذت 5.5 يعني لو اخذ درجه كويسه بالايلتس او التوفل يغنيني عن المعهد؟
اخر شيء واهم شي الله يعافيكم انا عندي طموح كبيره لمستقبلي و مرره ودي بالبعثه عشان اكمل دراستي والحمدالله اهلي مو معترضين لكن بعض احيان افكر امريكا بعيده
كيف راح تكون الغربه وتعامل الناس هناك لو صار لي شي لاسمح الله كيف راح اتصرف احس اني خايفه ومتردده كثير لاني ابدا ماقد سافرت برى المملكه وماعندي خبره بهالاشياء
ابي احد نفس وضعي ابي نصائح وارائكم.. وعندي وقت ابي اشغل نفسي فيه قبل لاخذ البعثه بايش تنصحوني ؟؟
اعتذر عن الاطاله