اللي طلع فيزا ومعه مرافقين ،، ياريت يجاوبني على استفساري !!!
مساكم الله بالخير والمسرات ،،
حابه استفسر بخصوص الفيزا ،، السؤال الاول : اذا اخذت موعد لي في السفاره هل تسديد رسوم المقابله والسيفيس انا اللي اسددها وتكون مره وحده فقط والا اسدد عني وعن محرمي وبنتي ؟؟
والسؤال الثاني : توني قاريه في موقع السفاره ان الاطفال مادون 14 اذا يبغون فيزا لازم اجيب ورقه فيها موافقه من ولي امره ،، طيب من وين اجيب هذي الورقه ؟؟
ياريت من عنده خلفيه عن الموضوع يوضح لي هالنقطتين ...
رد: اللي طلع فيزا ومعه مرافقين ،، ياريت يجاوبني على استفساري !!!
تسديد رسوم الفيزا ٦٠٨ ريال لكل شخص .
السيفس تدفع لكل فيزا دراسيه .
السيفس تسدديه بالنت ، الفيزا تتسدد عن طريق بنك سامبا .. تروحي عندهم و تسددي و يعطونك ايصال اصفر احتفظي بيه مهم جداً ( صوري منه نسخه عشان الملحقيه تعوضك ) .
بالنسبه لموافقة من هم اقل من ١٤ ماقد سمعت بيها .
انا اخوي عمره ١٤ بالتمام راح و سوا مقابله و ما طلبوه موافقه او شي .
موفقه
رد: اللي طلع فيزا ومعه مرافقين ،، ياريت يجاوبني على استفساري !!!
يعني انا فقط راح ادفع 608 ريال عشان المقابله .. واروح انا ومحرمي
اما بالنسبه للسيفيس ادفع لي ولبنتي ولمحرمي ..
^^ كذا صح ؟؟
رد: اللي طلع فيزا ومعه مرافقين ،، ياريت يجاوبني على استفساري !!!
مساك الله بالنور والسرور
اختي .. انا طلعت الفيزا لي ولزوجتي والأولادي الاثنين .. إن شاءالله أقدر أفيدك .
لكل شخص منكم تدفعي 608 ريال في بنك سامبا يعني منكم ثلاثه 1824 ريال بس تدفعيها لكل واحد فيكم لوحده.
وقت المقابله روحي انت وزوجك فقط لا تاخذي بنتك معاك.
الورقه الي تاخذيها معاك لبنتك هي DS-160 +صوره من شهادة الميلاد بالعربي مو شرط مترجمة .
طبعا لكل واحد فيكم DS-160 لازم تاخذوها معاكم
رد: اللي طلع فيزا ومعه مرافقين ،، ياريت يجاوبني على استفساري !!!
اقتباس:
المشاركة الأصلية كتبت بواسطة ابو عمر.
مساك الله بالنور والسرور
اختي .. انا طلعت الفيزا لي ولزوجتي والأولادي الاثنين .. إن شاءالله أقدر أفيدك .
لكل شخص منكم تدفعي 608 ريال في بنك سامبا يعني منكم ثلاثه 1824 ريال بس تدفعيها لكل واحد فيكم لوحده.
وقت المقابله روحي انت وزوجك فقط لا تاخذي بنتك معاك.
الورقه الي تاخذيها معاك لبنتك هي DS-160 +صوره من شهادة الميلاد بالعربي مو شرط مترجمة .
طبعا لكل واحد فيكم DS-160 لازم تاخذوها معاكم
بالنسبه للورقه لبنتي انا خوفي يطلبونها لان محرمي اخوي مو زوجي ،، واخاف يقولون كيف نعرف ان ابوها موافق على التأشيره ..
اما بالنسبه للرسوم انا الى الان مو فاهمه ؟؟ >> لاتشرهون علي الانفلونزا لا عبه فيني لعب ..
اللي فهمته من موقع السفاره اننا راح ندفع للتأشيره 532 ريال وندفع 200$ للسيفيس ،، 608 ريال وشوله ؟؟؟؟؟
طيب انا فهمت من كلامكم ان محرمي وبنتي وانا ندفع مقابل التأشره 532 ريال .. اوكي
بس السيفيس هل كل واحد منا يدفع 200$ والا انا فقط اللي ادفع ؟؟
رد: اللي طلع فيزا ومعه مرافقين ،، ياريت يجاوبني على استفساري !!!
اذا كان محرمك جاب I-20 قبول معهد لازم هو يدفع كمان
لكن لو بس انتي راح تدرسي بس تدفعي لنفسك
على العموم كل I-20 له سيفس
ان شاء الله اكون وصلت لك المعلومة
رد: اللي طلع فيزا ومعه مرافقين ،، ياريت يجاوبني على استفساري !!!
اقتباس:
المشاركة الأصلية كتبت بواسطة عبير الراشدي
اذا كان محرمك جاب I-20 قبول معهد لازم هو يدفع كمان
لكن لو بس انتي راح تدرسي بس تدفعي لنفسك
على العموم كل I-20 له سيفس
ان شاء الله اكون وصلت لك المعلومة
ايه محرمي معه i-20
يعني السيفيس راح ادفع انا وبنتي واخوي غير عن 532 ريال صح ؟؟ يعني كل واحد منا راح يدفع 1200 ريال ..
ماتسوى علينا نطلع هالتأشيره ،، ياكثر طلباتها ..
طيب وبنتي مايحتاج موافقة ابوها عشان تأشيرتها والا عادي ؟؟؟
رد: اللي طلع فيزا ومعه مرافقين ،، ياريت يجاوبني على استفساري !!!
حبيبتي بنتك ماتدفعي لها رسوم السيفس بس انتي ومحرمك
وطبعا هذي غير عن رسوم الفيزا الامريكية وياليت تتاكدي من المبلغ لان اللي اعرفه صارت ب 608 للشخص وهذي تدفعيها عنك وعن محرمك وبنتك كمان
يعني كلها تطلع عليك ب 3324 اهم شيء خذي صور من الايصالات عشان الملحقية تعوضك
وبالنسبة لموافقة ابو البنت والله ماعندي علم
رد: اللي طلع فيزا ومعه مرافقين ،، ياريت يجاوبني على استفساري !!!
انتي 608 ريال
محرمك 608 ريال
بنتك 608 ريال
المجموع = 1824 ريال .
محرمك طال عمرك يروح سامبا يسددها . يقولهم رسوم الفيزا الامريكيه و بيعطوه 3 استمارات لكم انتوا الثلاثه يعبيها و يدفع و يعطوه الايصال الاصفر و يتوكل على الله .
===
السيفس مبلغ 780 ( المبلغ حواليها تقريباً ما اتذكر ) لكل فيزا دراسيه .. يعني انتي 780 ريال .. و محرمك لو برضو فيزا دراسيه يدفع 780 له .
===
و الفيزا غيروا سعرها .. كانت 500 و شي .. صارت 608 .
رد: اللي طلع فيزا ومعه مرافقين ،، ياريت يجاوبني على استفساري !!!
انا وضحت لك اختي في المشاركة الي فوق رسوم سامبا 608 ريال يعني 200$ للواحد تغير السعر عن اول
ومبلغ السيفيس بس لك انت واخوك
بنتك ضيفيها في الاي توني تبعك انا اضفت اولادي على الاي توني حق امهم
ما اتوقع السفاره تطلب موافقه ولي امر البنت والله يصلح الامور
رد: اللي طلع فيزا ومعه مرافقين ،، ياريت يجاوبني على استفساري !!!
ملاحظة
فيزا f-2 ما عليها سيفس
بس f-1 يدفعوا لها سيفس
رد: اللي طلع فيزا ومعه مرافقين ،، ياريت يجاوبني على استفساري !!!
الف شكر لكل الاعضاء اللي ساعدوني
الله يجعلها في ميزان حسناتكم ..