استفسار للي طلعوا الفيزا سلمت الاي توني الاصلي للقنصلية

السلام عليكم
زي مو مكتوب في العنوان سلمت الاي توني الاصلي للقنصلية في جده وخايف مايرسلونه مع الفيزا والجواز .... هل فيه احد سلمه لهم ورجعوه مع الجواز عالفدكس لانه بصراحه خايف ما يرجع واتورط :(

اخوي ليش ماترجع لهم تقول انتم اخذتوا الاي تويني الاصلي ,, وتعطيهم صورة .. اصلا مايبغون منك الاصلي ,فليش ياخذونه

ارجع لهم الحين

مقابلتي كانت امس ورجعت استفسرت منه بخصوص الاي توني قال بنرسله لك مع الجواز والفيزا ... بس رجعت البيت وبدت الوسوسة وحبيت استفسر

اجل ابد لاتوسوس ولا شيء .. بيتاكدون الاي تويني حقك مزور مثلا او فيه بيانات خطا او شيء من هالقبيل

يارجال تراها السفارة الامريكية ماهي السعودية اللي ياخذ اوراقك واوراق خلق الله ويحطها في كرتون مووز ويرميها في المستودع هههههههه

تطممن يارجال ..

هههههههههه صادق والله بس مثل ما قلت لك لانه سمعت فيه ناس رجعوها لهم وناس لا ..... عموما الوسوسة لها دور :D

الدعوه بسيطه يا رجال .. ماراح يضيعونه ان شاء الله

وحتى الله لايقوله لو ضاع .. تكلم معهد يرسلون لك بدل فاقد :)

ولا ياخذ اربع ايام الا وهو عندك ...

يعطيك الف عافية يا عسل

طيب لو سمحت ؟

اخذ منك صور ؟

غريبة هم طالبين ولكن انا ماخذ مني الا الجواز و الاي تونتي

لا ماخذوا صور ولاشي ... اخذوا الجواز والاي توني الاصل فقط وباقي الاوراق شافها ورجعها .......
انت اخذوا منك الاي توني الاصل مثلي :D ؟؟؟؟

انا كان معي الاصل وصورته
وعطيتهم صوره وسالتهم اذا يبون الاصل ولا يكفي الصورة واقالو بس الصورة

المفروض مدام يكفي الصورة , مايخذون منك يصورونه ويرجعونه
لكن اتوقع انه راح يرجع مع الجواز

ماياخذونه لا اصل ولا صورة بس يشوفونه ويردوه لك
شكل الي سوى المقابله معك نسيه بيده

حتى انا ما اخذ مني لا اصل ولا صورة , بس شافه و رجعه لي . لا تخاف عزيزي دام انه قال لك بنرجعه لك يعني يرجعه , بالتوفيق

يعطيكم العافية ع المرور ..... ابشركم لقيت الاصل معاي بين الاوراق .... طلع رجعه لي مع الضمان وانا مو داري ههههههههههاي .... ونأسف للازعاج :D :D

الحمد والشكر لله شيكت عالفيدكس برقم التتبع اللي في الورقة .... لقيت انه وصل المستودع الرئيسي بجده اليوم الربوع الساعه 11 مساء ... علما بأنه سويت المقابلة امس بقنصلية جده شباك 3 ( عند نفس مندوب القنصلية اللي حضر ملتقى جده في محاظرة التأشيرة :D ) ...... اتمنى للجميع التوفيق

مبرررووك الحمدلله تيسرت لك

اقتباس:

---

المشاركة الأصلية كتبت بواسطة mamk

يعطيكم العافية ع المرور ..... ابشركم لقيت الاصل معاي بين الاوراق .... طلع رجعه لي مع الضمان وانا مو داري ههههههههههاي .... ونأسف للازعاج :D :D

---

ههههههههههههه والله يا خليتني اضحك لمن قريت ردك هذا الله يسعدك يارب ومبرووووك على الفيزا وان شاء الله تتيسر معاك باقي الامور يالغالي ودعواتك انها تتسهل معي يوم الاثنين،،،

اقتباس:

---

المشاركة الأصلية كتبت بواسطة mamk

يعطيكم العافية ع المرور ..... ابشركم لقيت الاصل معاي بين الاوراق .... طلع رجعه لي مع الضمان وانا مو داري ههههههههههاي .... ونأسف للازعاج :D :D

---

ههههههههههههههههههههههههههههههههه الله يسعدك يا شيخ :roll2:

والله يا ضحكت ضحك
مشي حالك
والله الواحد مع الربشة والاستعجال
انا كم مرة ادور مفتاح السيارة وهو بيدي :nerves:

بالتوفيق يارب لك