عرض للطباعة
السلام عليكم ورحمة الله وبركاته
اخواني واخواتي
فيه نقطة صراحة كنت فاهمتها بس صرت ماني فاهمتها (كيف مدري)
الاوهي سالفة السفر وخمس شهور اللي قالوها في الملتقى
لاني فهمت انه لازم يكون السفر في الخمس شهور الاولي من السنة
يعني معنا الى شهر 6 جماد الاخر صح ؟
بس زميلتي جابت قبول على شوال وتقول لا يصير كذا والقرارممكن يتمدد.
ياناس هي الصح ولا انا ؟
لان ودي اخلي السفر بعد رمضان اذا كلامها صحيح
وابغى اجيب قبول بدري لو كلامي الصحيح
افيدوني جزاكم الله خير
دعواتي للجميع بالتوفيق
انا اقول انتي الصح لاني سمعت زيك بالملتقى
ننتظر البقيه ...
سبحان الله
الواحد لازم يدخل المعلومه في ادمغتكم عشان تفهمون ..
قالوها مليوم مره .. اقصى مده للسفر هي سبتمبر اللي هو في شوال وذو القعده
وبالعربي يعني لازم اخر قبول يكون في خريف 2013 FALL
حرفيا ذكر الدكتور ماجد الحربي
انه يتوجب على كل المتقدمين للمرحله الثامنه المسارعه في ابتعاثهم وفي فتره لا تتجاوز اربعه شهور من السنه الجديده 2013
وكل من يتجاوز هذه الفتره يتوجب عليه احضار عذر مقنع والا فأن احتمال الغاء البعثه كبير
وبعدين الواحد وش له بالحوسه والصداع وانتي اساسا تعرفين ان وزارتنا الحبيبه مافي اكثر من ردودها المتناقضه واللي راح تتعبك وتحيرك
لذلك ارتاحي من المسأله ككل واحرصي تكوني في اول 4 شهور
في النهايه لك القرار
اعصابك ياخي ماسمعنا هالكلام من قبل .. انا سمعت انه اللي تخصصهم طب فقط هم اللي ممكن يتأخروناقتباس:
المشاركة الأصلية كتبت بواسطة eng.ahmad aljohani
المقصود بالخمس الشهور الاولى تكوني جايبة اي توني وتكون بدايه دراستك وقت ماتبغي يعني معاكي الين سبتمبر لين تسافري لكن القبول لازم ف الاشهر الاولى تشتغلي عليه ..
نبغى كلام اكيد لاني بمشي على الكلام اللي بتقولونه
الكلام الاكيد انه ماعندك اي مشكله .. من هنا الين تبداء المرحله ٩ عندك مجال..لاتشلون هم.. د/ ماجد لما قال سافروا باول الشهور كان هدفه يحمس الشعب ويخوفهم حبتين.. مايبي احد يترخاء..لكن ك نظام ودامك مترشحه ماعندك اي مشكله وقت ماتحبي تسافري.. الشي الوحيد الي يسقط حقك بالبعثه هو في حالة اكتشاف الوزاره انك غير مطابقه للشروط.. باقي الامور سهالات ..
والله هرجه كل مين يفسر بكيفو ايش دا ؟؟؟
طيب انا كلمة نوص الموظفين الا كانو موجودين في الملتقى وقالو لازم خلال اول 4 شهور من 2013 تكون في امريكا ووبدات دراسه
واعتقد هادا الصحيح لانه وانا براسل المعاهد والجماعات كلهم فاتحين القبولات الين شهر 5 بالميلادي طبعاً وبعد شهر 5 مهم فاتحين قبولات
والله ييسرلنا وييسرلكم
طيب ياجماعة اشوف فيه شبه تعادل بين الرايين
اخاف اخذ براي الي مع امكانية التأخير وتروح علي
او اخذ براي الي مع التقديم ويكون فيه امكانية للتأخير واكون فوت وجودي في رمضان مع اهلي ؟؟
شوورو علي-----(لاتلوموني)
شكري وتقديري للجمييييع
معاك إلى سبتمبر 2013
تيك ماي وورد فور إت
عزيزتي انتي لي مكبره الموضوعاقتباس:
المشاركة الأصلية كتبت بواسطة ريم المملكة
ترى عادي حتى لو كان في امكانية للتاخير ترى امديكي ترجعي في رمضان تصومي مع اهلك هنا بس للمعلوميه مالك حق ترجعي في السنه غير مره وحده فقط ويمكن المره الثانية لكن بشروط معينه (وجود حالة وفاه يا سمح الله )
هادا حسب كلام نائب رئيس الملحقيه في امريكا بنفسو
وحاجه تانيا مني حاب اتفلسف لكن موضوع انه تروحي بدري اهون من انه تاخري السفر وياسمح الله تروح عليكي لانه لو اتاخرتي عن الموعد المحدده الوزاره
الاستاذ ماجد الحربي قال " اي تاخير عن الفترة المحدده سوف تعقد لجنه لننظر في سبب التأخير وان لم يكن مقنع سوف تلغي بعثة الطالب "
بالمختير الفرصه جات مره ما تضمنيها مرا ثانيه
والله يوفقك ويوفقنا
الصح انك لازم تجيبي قبولك خلال الخمسه الاشهر الاولى من السنه وتصدري قرار ابتعاثك فيها
ومده صلاحية القرار ٣ اشهر ، وان اتأخرتي عن التلاته اشهر في هادي الحال تشكل لجنه
يعني زي ماقالولك الاخوان اخرك شهر سبتمبر اذا صدرتي القرار في مايو
والامور سهالات ان شالله
شكرا لكم ماقصرتوا الله يكتبه في ميزان حسناتكم ان شاءالله
ذحين احس اني فهمت
شكرا شكرا شكرا