حصلت على الفيزا الأمريكية و خبر القبول كمعيد في الجامعة بنفس اليوم !!

السلام عليكم :
اخواني بالأمس الحمد لله حصلت على الفيزا الأمريكية لدراسة اللغة و خبر القبول في الجامعة كمعيد ,
ومحتار هل اكمل للبعثة أو اقبل فرصة المعيدية لأن المعيدية لازم تنهي على الأقل سنة قبل البعثة , هل في طريقة أي اصدر قرار الإبتعاث و بعدين اكمل اجراءات المعيدية بعد ماصير مبتعث بحيث تنقل البعثة وعلى طول اسافر ؟
اشرايكم

ومشكورين مسبقا

مشاءالله تبارك الله

أنصحك أخوي أقبل الأعادة لانهم راح يطلعوك ابتعاث لا محاله لدراسة الماستر والدكتوراة

وراح تاخذ نصف راتبك الاساسي بالأضافة لمكافئة الأبتعاث وبكذا راح تكون مئمن حياتك بأذن الله

كل الي عليك الأن تراسل المعهد وأطلب منهم تأجيل دراستك كم شهر قدام وأمش في اوراقك الوظيفية لين ما تعطيك الجامعة الضوء الأخضر في الابتعاث

وترى السالفة كلها تأخير في التوقيت لا أكثر .. يعني راح تتأخر شهور معدودة

ولعلمك ترى الجامعة راح تبعثك أول ما تجيب لهم قبول من جامعة

أسئل الله العلي القدير أن يوفقك ويختار لك الأفضل

و1000 مبروك

أكيد الجامعه ثم الجامعه

ماشاء الله

الله يبارك لك

آلجــآمعه ،، تضضمنَ لك مممقعد عَ مَ تخلصص آلدرآسسه وَ سسفرتك عَ ححسآبهم سسكن وَ متآبعيينكَ و كل شي

آحسسن لك تتمررممط بعدينَ ترججع ي تلآآقي ووظييفه يَ م تلآآآقي


الله يكتب لك الخخييرَ "

اول شي ممبروك ماشاءلله


ثانيا لاتفكر تستغني عن هالفرصة ابدا ابدا كثير يتمنون الإعادة قبل البعثة يمشيلك راتبين وتضمن الوظيفة هذا غير انك ولد يعني عادي وش وراك تنتظر سنة :P ! بالتوفيق لك وللجميع

الف مبروك وعسى الله يوفقك ممكن تصلح تاجيل بس لو تبتعث من جهة الجامعة افضلك بكثير من ناحية المكافات وميزات اخرى عديده

المعيد يعني موظف بالجامعة .. أي اجازة لك هناك وترجع هنا لازم تداوم بالجامعة خخخخ

موفق .. لو الخيار لي كان كملت معيد .. وأجّل اجرائاتك مع المعهد كم شهر قدام

اســــــتخير الله وسو اللي ترتاح له مــا عليك بميزات وهالسوالف محد يدري وين الخير والنصيب
صل صــلاة الاستخارة
وتوكل على الله مع اللي بيتسهل لك

صل اِستخآره واِستشر نآس تثق فيهُم وشُوف اِنت آيش تبي بحيآتك مُستقبلَاً وتأكد مِن إمكآنيّة إن الجآمعه مُمكِن تبتعثك وقرر بنآءاً علَى ذلِك
وتذكر ( عصفُور في اليد خير مِن عشره علَى الشجره )
أسأل الله العلي القدير أن يوفقك

أكيد معيد بالجامعه
ولايهمك اللي يقول سنة بتنتظر تدرس
انا اعرف ناس معيدين توظفوا من هنا وجابوا القبول من جهة ثانية والان يكملون دكتوراه بعد الماستر ماشاء الله عليهم بدون مايرجعون ( طبعا بالملك سعود فيه قسم خاص بالمعيدين يجيب لك قبول معهد وجامعه وكل شئ تبيه )
حتى أن بعضهم اللي ماحاب يطلع عطوه تفرغ سنة يدرس هنا لغه انقليزه في الجامعه على حسابهم تحت اشراف مدرسين من بريطانيا لتحسين لغتهم
الأهم من هذا كله هو الصرف لو سافرت كمعيد يمشي لك جزء من راتبك + مكافأه ابتعاث + احتساب مدة الخدمه لك
نصيحتي لاتفوت الفرصه وخلص اوراقك كمعيد

ماشاء الله تبارك الله ..مبــــروك
مو كل ميتعث معيد لكن كل معيد مبتعث لان الجامعات تلزم المعيدين بالابتعاث زي ماانتو عافرين
انصحك بالوظيفة ومنها راح تبتعث إن شاء الله

آراء الشباب بالأعلى عين الصواب .. طلبوا منك صلاة الإستخارة وهذا أهم ما يمكنك عمله قبل إتخاذ أي قرار بحياتك لأن ما سيكتب لك هو الأفضل بعد توفيق الله :snitch:

عموماً قرارك أخيراً يعتمد على ماذا تريد وماهو طموحك وأهدافك مستقبلاً ؟ هل تريد المجال الأكاديمي ؟ إذا كان جوابك ( نعم ) فليس هناك أفضل من أن تكون معيداً بالجامعة , ستكتسب الكثير والكثير من أعضاء هيئة التدريس ونصائحهم وآراؤهم إضافة ً إلى أن الجامعة ستوفر لك القبول بأفضل الجامعات وسترسم لك الخريطة الأمثل بحياتك العلمية .

- رأيي الشخصي - :snack:
الإعادة ( إستقرار وظيفي , إستقرار مكاني , إستقرار مادي , وبإمكانك أيضاً أن تستقر أسرياً وتتزوج قبل ذهابك )
لا مجال لمقارنتها بالإبتعاث أبداً ...

* أسأل الله أن يوفقك ويكتب لك ما فيه خير ويحقق لك ما تتمنى وأكثر :heart:

اتفق مع المشاركين، الإعادة قرار اكثر استقرار من الإبتعاث، تطلع وأنت إن شاء الله مطمئن البال.
لو تسمح تدخلي لكن، عن أي جامعة تتحدث؟
بالتوفيق.