دعوة لو في ظهر الغيب لعل فيكم من يجاب دعاءه

مرحبا
حكايتي اكيد حصلت لكثير منكم بس يمكن الظروف تختلف سوينا المقابلة انا و زوجي يوم الثلاثاء و الخميس وصلتني الفيزا لي و لاطفالي لكن الصدمة زوجي ماكان جوازه موجود الصراحة تحطمت و خنقتني العبرة مع انه عندي انه كل شي خيرة من رب العالمين تقولوا لسى فيه وقت لانه قدامي شهر عالدراسة بس حركة السفارة و انهم رسلوا لي الفيزا حسستني انه فيزا زوجي مطولة مع انه اف تو و عنده اخوات مبتعثات بامريكا ماادري وين الخطا
احنا لنا سبع شهور معلقين بالبعثة ما قدمت على وظايف مع انه جتني فرص و زوجي نفس الشي يعني لو بتطول الفيزا بيروح شهرين و شهرين و ثلاثة
ارجوكم ادعولي و لكل المتعسرين بموضوع الفيزا انه بالايام القريبة ناخذها والله فيه ناس بنت حياتها على البعثة و تنازلت عن فرص عشانها
و انا منهم لعل فيه احدكم من دعاءه يستجاب
اعطوني تجارب تطمني ممكن اكون متوترة زياده اتمنى اشوف دعواتكم و يرتاح بالي
و لو طولت هل اقدر اغير الدولة و توافق الوزارة لهذا السبب و هل زوجي يقدر يسترجع جوازه من السفارة لو طولوا
والله ييسرها لي و لكم و يريح بالكم

وكّلي الله يا مره ... الامور طيبه ان شاء الله ما يروح هالاسبوع الا وهي عندكم باذن الله .. فيه ناس كثير جوازاتهم اخذت خمس ايام اوبعضهم اسبوعين وجتهم الجوازات..
سالفة شهر أو شهرين .. الله لا يقولها وهي حالات شاذهـ وان شاء الله ربي يسهل اموركم ..

الامر بسيط الفيزا توصل ان شاء الله,,,ولو تاخرت عادي معك قبول معهد تقدرين تاخرين بدأ الدراسة

وكلي الله

فيزتي ولله الحمد وصلت باسبوع واعرف صديق وصلت بيومين.. رغم اني واياه مقابلين بيوم واحد...

وكلي الله

- - - مشاركة محدثة - - -

فيزتي ولله الحمد وصلت باسبوع واعرف صديق وصلت بيومين.. رغم اني واياه مقابلين بيوم واحد...

وكلي الله

امين الله يسمع منكم و ييسر اموركم

باذن الله انها ما تتأخر عن اسبوع اسبوعين

و الله حبيبتي ما ودي احطّمك لكن توقعّي كل شي حتى ما تتحطمّين

مرافقي (عسكري) بدأت اجازته بنصف الراتب و جالسين بالسعوديه ننتظر الفيزا و اجلت دراستي لكن الفصل القادم بالصيف اضطريت اقدم على معهد يبدأ كل شهر

لكن انا اتوقع انها طولت بحكم وظيفته

الله يسمع منك و يفرج همّنا و همّك و انا فعلاً افكر بتغيير الدوله اذا طولت لكن ما ادري عن موافقة الوزاره على هالشيء باذن الله يجي من يجاوبنا على التحويل بسبب تأخر الفيزا

بالنسبه للسفاره اذا طلبتِ الجواز تعطيك اياه

و طمّنينا عنك اذا استجدّ بوضعك شي او استلمتوا فيزة زوجك

الله ييسر امورنا و امور كل المتأخره فيزهم يااااا كريم

مالكـ إلا الصبر والدعاء ولعل تأخيرها فيها خيرة بأن تذهبو بعد ثلاثة او اربعة أشهر .. الاهم استمري متابعه مع السفارة واكثري من الدعاء

وسعي بالك يا أختي دامهم أخذوا جوازه حطي في بالك أنه ما راح تتأخر عن 10 أيام , الله يوفقك ويريح بالك,, وأنصح نفسي وأنصحك وكل مبتعث أنه يأخذ الأمور كله سهالات ترى كثرة التفكير وأننا ننفعل ونتضايق هاذي ما تزيد أمورنا إلا سوءا دام أن الله كاتب لنا أمورنا ليش نتضايق,, تتيسر بإذن الله,

يآآآآآآآآآآآآآآآآآآآآآآآرب الله يسهل لك يآآآآآآآآآآآآرب وتوصل لك في الأيآم القريبة ..
آنآ نفس حآلتك آبوي للحين ماوصلت فيزته وصار لنا 20 يوم ، وخلاااص آعصصابي بدت تتلف من التفكيير:(
الله يسهل علينا ويوفقنا ياااااااااااااااااااااااااااااااااااااااارب <3
(أمن يجيب المضطر إذا دعاه ويكشف السوء) ..

الله يسهل لك زين و يفرج همي و همك يارب

اقتباس:

---

المشاركة الأصلية كتبت بواسطة قلبي&اسيرك

اختي ما للوظيفة اي دخل انا مرافق عسكري؛ قدمت على فيزا مرافق وحجزنا موعد بالسفارة في الرياض خذيت يومين فقط لا غير مقابلتا كانت السبت في الرياض يوم الاثنين الظهر استلمتها من الجبيل وهذي الامور راجعة لتوفيق الله و بالنسبة للاخت سلطانه لو ما فيه شي ناقصكم يعني كل اموركم في السليم اتوقع تتطلع الاسبوع هذا او الاسبوع القادم و فيه ايميل للاستفسارت راسلي السفاره واستفسري عن تاخر الفيزا واذكري لهم موعد بدء الدراسة وفي حل تكلمين المعهد ياجل الدراسة ويرسل لك I-20 بنفس رقم السيفس مقدر الوضع اللي عايشه فيه لكن اسالي الله التيسير والله يوفقنا ويوفقكم وييسرنا امرنا واموركم انه سميع مجيب

- - - مشاركة محدثة - - -

اختي ما للوظيفة اي دخل انا مرافق عسكري؛ قدمت على فيزا مرافق وحجزنا موعد بالسفارة في الرياض خذيت يومين فقط لا غير مقابلتا كانت السبت في الرياض يوم الاثنين الظهر استلمتها من الجبيل وهذي الامور راجعة لتوفيق الله و بالنسبة للاخت سلطانه لو ما فيه شي ناقصكم يعني كل اموركم في السليم اتوقع تتطلع الاسبوع هذا او الاسبوع القادم و فيه ايميل للاستفسارت راسلي السفاره واستفسري عن تاخر الفيزا واذكري لهم موعد بدء الدراسة وفي حل تكلمين المعهد ياجل الدراسة ويرسل لك I-20 بنفس رقم السيفس مقدر الوضع اللي عايشه فيه لكن اسالي الله التيسير والله يوفقنا ويوفقكم وييسرنا امرنا واموركم انه سميع مجيب

---

صحيح كلامك لأنها اخذت اقل من اسبوع فيه ناس ياخذونها بيوم عمل واحد

انا اقصد اذا كمل اسبوع و لا وصلت الفيزا في الغالب لازم تاخذ اجراءاتها الرسميه 6 الى 8 اسابيع و هذا اللي حصل معانا

و يختلف الوضع من شخص لاخر
الله يسمع منك و يفرج علينا و على كل المنتظرين

للمعلوميه اخت مايا مافي حاجة اسمها اجازه بنصف الراتب
انتي تقولين زوجك عسكري ما فيه في العسكريه الا اجازتين
استثنائية بدون راتب او خدمه
او إجازة اعتياديه براتب كامل ناقص بدل ميدان اذا يعمل ميداني
حنا نقرا كلام كثير إن المرافق العسكري يصعب الامور بالعكس
اقول الحمد لله فيه امر ملكي انه يحق للعسكري مرافقة زوجته
ويعطى اجازه لمده اقصاها 4 سنوات والامور متيسره انا قدمت فيزا في يومين اجازه لمدة اربع سنوات " اجازة مرافق" خلصتها في اسبوعين الحمدلله الحين في فلادلفيا وناوي اغير الفيزا F1
ينزل لي مكافأة يعني ما فيه اي فرق بين العسكري وغيره

معليش اخوي قلبي اسيرك انت وش نوع فيزتك و لو اف تو كيف اجراءات تغييرها و تطول او لا
طيب لو لا سمح الله طولت وعدا موعد الدراسة هل اقدر اجل ترم و يحول زوجي فيزته اف ون من هنا قبل نسافر و هل تطول ؟
موفقين

اقتباس:

---

المشاركة الأصلية كتبت بواسطة قلبي&اسيرك

للمعلوميه اخت مايا مافي حاجة اسمها اجازه بنصف الراتب
انتي تقولين زوجك عسكري ما فيه في العسكريه الا اجازتين
استثنائية بدون راتب او خدمه
او إجازة اعتياديه براتب كامل ناقص بدل ميدان اذا يعمل ميداني
حنا نقرا كلام كثير إن المرافق العسكري يصعب الامور بالعكس
اقول الحمد لله فيه امر ملكي انه يحق للعسكري مرافقة زوجته
ويعطى اجازه لمده اقصاها 4 سنوات والامور متيسره انا قدمت فيزا في يومين اجازه لمدة اربع سنوات " اجازة مرافق" خلصتها في اسبوعين الحمدلله الحين في فلادلفيا وناوي اغير الفيزا F1
ينزل لي مكافأة يعني ما فيه اي فرق بين العسكري وغيره

---

اهلا فيك مره ثانيه

و فيه نظام الاستيداع بنصف الراتب لمدة سنه و يحق له التمديد

انا ما تكلمت عن العسكري المرافق لزوجته و فعلا انت صادق في امر الاستثنائي امره جدا سهل و فيه امر ملكي انه من حق العسكري المرافق

انا اتكلم عن الفيزا و هل تطول او لا و الموضوع يتكلم عن هالشيء

ما ادري ليه طلعت عن الموضوع اذا تبي تستفسر عن ما يحق للعسكري سواء ضابط او فرد عندك منتدى العسكريين مالي خبره بصراحه عن هذا الشيء

بالتوفيق و عقبال ما تستلم فيزا f1 و طمّنا وش يصير معاك ان شاء الله ما تطول

مايا
الله يبشرك بالفيزا ان شالله
بس متاكده لو مر اسبوع وماجات معناها بتطول والله ادخل موقعهم كل ساعة من القلق ؟
يومين نكمل اسبوع
يارب فرجك

اقتباس:

---

المشاركة الأصلية كتبت بواسطة Sultana

مايا
الله يبشرك بالفيزا ان شالله
بس متاكده لو مر اسبوع وماجات معناها بتطول والله ادخل موقعهم كل ساعة من القلق ؟
يومين نكمل اسبوع
يارب فرجك

---

امييين و اياك حبيبتي

لا و الله مو متأكده من اي شيء يتعلق بهالسفاره
انا ما اتوقع انها تطول طالما طبعوا فيزتك و ارسلوها انا ما طبعوها و لا ارسلوها

لكن باذن الله ما يكمل اسبوع الا و هي عندك

طمنيني اذا حصل تحديث قلبي معاك
الله يفرج همك و ييسر امرك

اختي بأذن الله كل تأخيره فيها خيره


شوفي انا دراستي المفروض تبدا في 14 يناير

سويت المقابله بالسفاره يوم 23 ديسمبر

طبعا وقتها كنت مسوي كل شي بسررعه وابي الحق بدايه السنه ووووو


لما فاتت عرفت انها خيره وربي اني ارتحت وانبسطت ان الفيزا تأخرت ماطلعت


طبعا راسلت المعهد اجلوا لي ترم ووصل الاي توني الجديد البارح واستلمته اليوم

وراسلت معهد في ولايه اوريقون مدينه يوجين

وبعد اليوم استلمت الاي توني لاني ناوي اغير المعهد اذا ربكـ اراد

وتوني الحين ارسلت للسفاره قلت لهم ابي الآليه ووش الاوراق اللي تبونها عشان اغير بياناتي للمعهد الجديد


وانتظر الرد منهم



مايستفاد من الهرج الكثير ذا



كــل تأخيره فيها خيره

انتي استخيري وبأذن الله ربي يختار لك الانسب ويرضيكـ فيه


واتمنى من الله ييسر كل امورنا واموركـ

اخوي حتى ولو من وين طلعت ههههههه
لها كم فيزتك
شكله المعهد نحس
والله لما اشوف كل دعواتكم ارتاح الله يكتب اللي فيه خير لي ولكم

اقتباس:

---

المشاركة الأصلية كتبت بواسطة Sultana

اخوي حتى ولو من وين طلعت ههههههه
لها كم فيزتك
شكله المعهد نحس
والله لما اشوف كل دعواتكم ارتاح الله يكتب اللي فيه خير لي ولكم

---

هههههههه من ورا الشاشه خخخخ


فيزتي لها شهر وخمس ايام

تدرين المعهد وش مسوي

اتوقع عشان كذا مأخرين البعثه

كاتبن بأن المتكفل بالدراسه من العائله موب الوزاره

شوفي الصوره

http://store2.up-00.com/Nov12/Luu15597.jpg





لان انا في السفاره قلت لهم انا طالع بعثه

فـ اتوقع لما شافو الكلام مختلف قالو يبون يتأكدون



شوفي في الاي توني الثاني اللي من جامعه اوريقون وش مكتوب

http://store2.up-00.com/Nov12/Mim15597.jpg


كاتبن الوزاره

ـآنا نفــس وضضضعك سسلطآنه

الله ييفرررررججهآ عليننآ جمميعآآ " "(

انشاءالله تتسهل امورك ياارب
والموضوع سهل انشاءالله اذا اتاخرت الفيزا لاقدر الله اطلبي تاجيل من المعهد
بالتوفيق

اخوي حتى ولو انا كتبوا الوزارة غريبة
بس يمكن عشان طلعت روحهم لين اعطيتهم الشهادة البنكية
اختي soul كم لكم تنتظرون الفيزا
الله يفرجها علينا جميعا

بإذن واحد أحد فرد صمد
صباح الغد يكون فرج لكل مهموم ويسر لك عسر


ان شاء الله كل شي يتم كما هو مخطط

سلطانة يا قلبي
مصيرها تطلع صدقيني
أنا كنت بمثل وضعك بس مرافقي أبوي
و مريت بنفس حالتك هاذي ، بس يوم بعد يوم بديت أنسى الموضوع و ألهي نفسي
و الحمدلله طلعت بعد إنتظار دام ٤٨ يوم ( شهر و ١٨ يوم )
وكلي أمرك لله ، و لا تنسين الاستغفار و الدعاء و إنتي موقنة الإجابة
❤❤❤

امين يارب ويفرج على كل مهموم بكرا يراسلهم و ان شالله يبين لانه ردهم بيوضح اذا مطولين او لا
بس عندك ايميلهم اللي بجدة و بعد كم يردوا ؟