عرض للطباعة
السلام عليكم
انا اُستهلكت طاقتي النفسية كليًا والله ماصرت اكل ولا انام زين
طريقين قدامي يااتزوج ياابتعث وكلها شهرين ان شاء الله عليها ،،افكر ليل نهار اخاف اختار الطريق الغلط امانه شوروا علي واعتبروني اختتكم
ادري الموضوع خاص واعتذر ..اريد تخفيف حدة التوتر ورايكم ابيه
استخيري الله وافضل حل انك تتزوجين بعدين تبتعثين ولا اضن فيهم تعارض ابدا
الله يوفقك ي رب
وعليكم السلام
لا خاب من استخار ولا ندم من استشار
انتي استشرتينا وأنا اشورك اجمعي فيما بينهم تزوجي ومن ثم سافري انتي وزوجك
والأفضل قبل ان تأخذي باستشارتنا صلي ركعتين لله وفي سجودك ادعي ربك الكريم بان يخيرك في الامر
ولا تقومي من سجوووودك الا وقد افرغتي ما في قلبك لله فهو أجدر باللجوء
واسأل الله العلي القدير جلّ في علاه ان ييسرك ما فيه خير لدينك ودنياك ومحياك ومماتك وعاقبة امرك
- - - مشاركة محدثة - - -
وعليكم السلام
لا خاب من استخار ولا ندم من استشار
انتي استشرتينا وأنا اشورك اجمعي فيما بينهم تزوجي ومن ثم سافري انتي وزوجك
والأفضل قبل ان تأخذي باستشارتنا صلي ركعتين لله وفي سجودك ادعي ربك الكريم بان يخيرك في الامر
ولا تقومي من سجوووودك الا وقد افرغتي ما في قلبك لله فهو أجدر باللجوء
واسأل الله العلي القدير جلّ في علاه ان ييسرك ما فيه خير لدينك ودنياك ومحياك ومماتك وعاقبة امرك
الزواج طبعا ولا فيها جدال
وان تيسرت البعثة بعد الزواج فخير على خير
اضم صوتي لصوت الشعب
اتزوجي وبعدها ان تيسرتلك ابتعثي
صصصدقيني الزواج راحه نفسيه ان توفقت بابن حلال
والله يوفقك
حبيبتي هذا شيء شخصي محد يقدر يقرر عنك
انتي وش تفضلين اكيد احدهم ترجحينه استخيري على الأمر المرجح لك وامضي فيه
وكمان ممكن تتزوجين ثم تبتعثين بس لازم زوجك تخبرينه قبل الاتباط برغبتك بالابتعاث وتشوفين رايه
الله يوفقك ولاتنسين الاستخاره
يا حلوين هي سالت يا ابتعث يا أتزوج .... انا ابعرف ليه حطيتي بكفين الميزان ( الزواج - الابتعاث )
ع العموم انتي أدرى ان الزواج مستقبل ولكن إحساسي يقول انك حابة مستقبلك وبنفس الوقت خائفة يضيع بعد الزواج وهالشي يرجع للظروف الزوج
ويمكن ما يتحقق حلمك بالابتعاث .. المهم
ابيك تلاحضي أشياء دامك استشرتينا اولها عمرك ثانيها حالتك مع اسرتك هل انتي حاسه ان الزواج أولى أم الابتعاث
الغالب قالو الزواج مقدم على كل شئ
وانا أحس ان ودك تعرسي ولكن لك هدف بالحياة تتمني تحققيه
انصحك بالزواج لربما يكون زوج محب للعلم ومتفاهم وينظر لأمنيتك بمنظار جدي وما يمنع انك توصلين له الفكرة مستقبلا
وتتناقشوا بهدوء الين الله يسهل بالخير
وتوكلي ع الله راح يسير الأمور لك الأفضل بحياتك وهدي حالك وترا حالك كله خير وموقفه أختي وعقبال الله يجمع لك فرح الزواج وفرح الابتعاث يارب
والاستخاره اهمممم شئ
كنت مثلك و إخترت البعثة
الزواج ماله عمر محدد ، لكن البعثة إذا فاتت خلاص
الزواج قد يستمر ان شاء الله مدى الحياة
اما البعثة كلها 3 سنوات وانتي ببيتكم اذا بعثتك ماستر
ونصيحة اخو الزواج افضل لك وتقدرين تروحين ابتعاث انتي وزوجك
لكن عيب الزواج انه على حسب عمر البنت تقدر تتشرط ولو صارت كبيرة تصير في ورطة وتروح زهرة شبابة
بالتوفيق
انا انصحك الابتعاث لان الزواج مسؤليه وممكن امور الزواج تعطلك عن دراستك وانا اشوف تدرسي وانتي مو شايله هم ولا مسؤليه افضل
- - - مشاركة محدثة - - -
انا انصحك الابتعاث لان الزواج مسؤليه وممكن امور الزواج تعطلك عن دراستك وانا اشوف تدرسي وانتي مو شايله هم ولا مسؤليه افضل
استخيري اولا
ثم اذا بالامكان تتزوجي وتطلعي بعثة انتي وزوجك فهي ستكون فائدة لكم جميعا
نصيحه تزوجي و روحي مع زوجك ابتعاث أحسن من طلعه مع أخ مو راعي مسؤلية و أحسن من أنك تشغلين أبوك
و إذا كان قصدك خطيبك ما يبيك تكملين فيمكن خيره أعرف وحده من صديقاتي إمتياز مع مرتبة الشرف و تزوجت وزوجها قالها ما أبيك تتوظفين هي زعلت في البداية بس الحمد لله الحين سعيده
بحياتها و هذا أهم شي واستخيري
بالتوفيق
اشوف انك تصلي الاستخارة ثم تتزوجي
البنت المبتعثة غير مرغوبة بالزواج بقدر الي ما ابتعثت
الله يوفقك
أشوف انه يعتمد على اشياء كثيره
-تخصصك
- زوجك (يستاهل ان الواحد يترك البعثه عشانه )
-طموحك
الشخص اللي بيطلع معك هل هو راح يكون قد المسوولية انه يكون محرم لك
فعاد استخيري وقرري
//
بس غريبه كلام الاخ يقول البنت المبتعثه غير مرغوب فيه .؟
ليه يا ليــــت تعطينا الاسباب
لاني مبتعث ولا أشوف اي سبب لكلامك اللي ذكرت ولا عمري سمعته من أحد هنا في امريكا
اختي انا مثل حالتك تماما بس انا حاليا مختاره الابتعاث وصراحة رفضت كل اللي تقدموا لي بس مافي شيء عليه ندامه لاني في كل مره كنت استخير واستشير وربي ما كتب لي الزواج لين الحين طبعا اللي
يقول اذا كبرتي بالعمر مارح تتزوجين واللي يقول المبتعثة ما احد يبغى يتزوجها اقولهم هذا كله بيد رب العالمين والمكتوب رح يصير يعني مو شرط اذا ما اتزوجتي الحين بتكونين تعيسه او ما احد بيخطبك
المهم انتي استخيري واستشيري واللي تحسين انه اصلح لك سويه وربي يكتب لك اللي فيه الخير ان شاء الله
استخيري الله وانا تقريبا في نفس وضعك لكن استخرت الله وجالسه اكمل اموري ومنتظره من رب العالمين الخيره وانا عندي حسن الظن في الله انه اللي ربه يكتبه هو الخير والصالح دائما ...
الله يوفقك ويختار لك الخير واهم شي تحددي اولوياتك وتفكري بعقلانيه بكل الامور ومن جميع النواحي واشوف كلام الاخ aM_19 منطقي وجميل وواقعي ...
الله يختار لكي الخير ويعطيك ماتتمنيه يارب .....
اقتباس:
المشاركة الأصلية كتبت بواسطة benefactor
عفوا اخوي بس من فين قررت انه المبتعثه غير مرغوب فيها هذا كلام غير منطقي ولا يعقل ومايجوزاصلا .؟؟؟؟؟!!!!
للاسف الحكم الغلط على الاشخاص والظروف صار سهل الله يهديك ...
وبعدين اخوي لادين ولاشرع يمنع انه البنت تكمل تعليمها وهي ملتزمه بتربيتها ودينها
اعتذر انه رديت والسموحه بس حبيت انه ارد واوضح النقطه هذي ووجهة نظري ...
والله يوفقك الجميع يارب ....
البنت اللي تجيها بعثه
في الغالب هي متفوقه في دراستها يعني حتى بدون البعثه مسأله الوظيفه ماهي صعبه عليها غير طبعا اننا في مجتمع محد بيترك عياله يموتون جوع
البعثه امر ثانوي غير ضروري يعني زياده الخير خيرين
غير طبعا الزواج اللي هو مطلب اساسي
لكن طبعا الرجل اللي تقدملك مهم تعرفي اخلاقه دينه الخ لأن بعض الاشخاص مايصلح للزواج حتى لو كنتي جالسه في البيت ماعندك لا بعثه ولا غيره
اذا كان الرجل مناسب و اخلاقه ممتازه انا اشوف ان الزواج اهم بكثير ومافي وجه مقارنه
طبعا اذا قلنا ان الزواج بيلغي البعثه
والله ييسرلك الخير و بالتوفيق لك و للجميع
الاخ اللي يقول البنت المبتعثه غير مرغوب فيها اعتقد ان الرجل قال رأيه ممكن البعض يخالفه و البعض يوافقه فمايحتاج نصادر رأي احد
فما
اذا انتي محتاجه للوظيفه الي بتجي بعد انتهائك من البعثه نصيحه احسن لك روحي بعثه وافلحي واذا خلصتي وظمنتي الوظيفه تزوجي لان ماعاد في الدنيا أممان يمكن تطيحين في رجال الله يعينك عليه
الزواااااااااااااااااج الزوااااااااااااااااج لان لو ابتعث تي ونأتي عزباء مثلا أكيد المرافق اب أو أخ فترة بسيطة ويجيه الطفش وإذا كان الأخ اعزب فربما ينجر للمنكرات لاسمح الله وتصير ين انتي السبب فنصيحتي تزوجي وبعدها الله يسيرها لك ،،، وكمان لو انتي مثلا مقدمه على المرحلة الثامنة فبإمكانك تأجيل البعثه بسبب الزواج أما لو كنتي ناويه تقدمي على التاسعة فلديك متسع من الوقت
إذا ممكن تتزوجين وتبتعثين بعدها ,, توكلي على الله
أما إذا الزواج بيلغي الابتعاث يعتمد
اذا كان مرافقك ,, الي بيروح معك ,, ناوي يدرس ,, ممكن تفكرين بالموضوع أكثر
أما اذا كان مرافقك الي بيروح معك ,, رايح مجاملة أو بياخذ اجازة ومدري ايش ... ترى ما رح ترتاحيين أبدددددااااا ,, حتى لو ما وضح لك ..!!
والاستخارة ,, ثم الاستخارة والدعاء ...
ترى مو لازم ترتاحين لقرار معين ,, لكن مع الدعاء والإيمان " الله بييسر لك الي فيه خير لك " صدقيني ..
خصوصا في المواضيع الي مثل هذه الي نتائجه في علم الغيب ما تقدرين تضمنين شي
هذا قرار ينطبق على هدفك بالحياة
تتزوجي وتنجبي اولاد وتكوني اسرة وبيت
او اهتمامك على مستقبلك وتكملي الماستر والدكتواره
ايش المهم بحياتك ؟!
استخيري ربنا وهو ييسر لك الامور بالخير
ولاتزعلي حالك كل شي مكتوب ومقدر بهالدنيا سوا خسرتي بعثتك او خسرتي الزواج
انا امامك كنت مخطوبه وعلى اخر لحظة تكنسلت كل الزواجه
واحمد ربي لانو هذا دافع قوي انى اركز على مستقبلي ودراستي
ربنا دايم يعوض بافضل مما نتمني
ربي يوفقك باتخاذ قرارك ;)
شكرا مره شكرا ردودكم جميلة
وكذا بقدرة قادر لابعثة ولا زواج.
الله يكتب لك الخير ويعوضك بما هو أفضل يارب
كأنك تقولين يا ابتعث يا ارمي نفسي بحفره مالها قاع :p ( هذا اذا ماتعرفون اخلاقه زين ) << عشان محد يدرعم علي
تقريبا اغلبيتنا مر بهالموقف لكن
اذا تتعارض هالامرين بحياتك شوفي الاهم والاولى بالنسبة لك وايش اللي تحتاجينه و ايش اللي تقدرين تتنازلين عنه وفكري ع المدى البعيد
وهل اللي بتتزوجينه يستاهل ؟! و عصفور في اليد خير من عشره ع الشجره
و استخيري اهم شي الله ييسر امرك
اكيد الابتعاث ما فيه كلام مستقبلك اظمنيه احس الزواج مسؤلية و يمكن يكون معقد و يحرمك تكملي اذا عندك شهادة تقدري تستغني عن الزواج طبعا ذا رائي الشخصي
استخري و اختاري الي ارتحتي له
زواااااج وبعثة ياسلااام
كثثثثثثيييير بنات بعد البكالوريس يترددون وحاليا انا وبعض من صحباتي عايشين هذا التردد
خصوصا مع كثرة حالات الطلاق وسعي البنت انها تستقل ماديا وتضمن نفسها وتحقق نفسها
انا ماراح اقولك تزوجي او روحي ابتعاث لأن كل بنت وكل وحدهه ظروفها تختلف
تختلف من ناحية مواصفات الخاطب
طموحك
تخصصك
اللي بيرافقك بالبعثة
حصولك على وظيفه
وواشياء كثير كثير
والأهم من هذا كله التوكل على الله والمؤمن أمرهه كل خير
موفقة