عرض للطباعة
السلام عليكم و رحمة الله و بركاته
بصراحة السفارة الأمريكية...تدلعت بزياده... و الدراسة ماباقي عليها غير اسبوعين؟
وماني ناويه تأجيلها....
وإذا بأجلها ... أشوف أني أغير البلد أحسن لي...
والله قهر فيزتي طلعت في يوم .... و المحرم شهر و زياده ماطلعت... نراسلهم و يقولون لا زالت تحت الإجراءات الإداريه...
لاحظت هالشئ مع كل المرافقين الذكور و المحارم.... مادري ليش؟
هل يوافقون الوزاره على تغيير بلد الإبتعاث.... بسبب تأخر الفيزا .... والا لازم سبب مقنع غير هذا؟
إلا يوافقون
بس صراحة أشوف إنه توك ، إصبري شوي
ناس أعرفهم لهم أكثر من شهرين
بس يمكن تطلع بأي يوم ، محد يدري
أنا إنتظرت لمدة ٤٨ يوم بالضبط و أصدروها
وين بتروحين مثلا؟؟ للاسف لو بريطانيا او استراليا كانوا متاحين كان قلتلك غيري.. ولكن حاليا ماعندك خيار الا امريكا فقط ..
و عليكم السلام
أصلاً الوزاره تطلب من المبتعث نفسو تغيير بلد الابتعاث اذا أتأخرت الفيزا
بريطانيا و استراليا مقفله زي ماقال الأخ اللي قبلي
عندك كندا أفضل حل و تعليمها قوي
بيني و بينك احسنلك غيري الوضع الامني الداخلي في امريكا مو مريح بعد احداث بوسطن <<( شوية سياسة :) )
غير كدا الكوري الشمالي لو فتره بيتونس مع امريكا و يهددهم
غيري البلد يمكن خير لك
انا وصلت فيزيتي و فيزت مرافقي الحمدالله لكن بفكر بجديه أغير بلد الابتعاث بسبب الاوضاع الحاليه
بالتوفيق لك
وانا كذلك تعبت من الانتظار ممكن الاخوان يفيدونا .... بالبدائل عن امريكا
نيوزلندا - ايرلندا
الشكوى لله ):
فيزة مرافقي لها اسبوعين وانا انتظرها
الشي الوحيد اللي يمنعني من التغيير انه كندا بردها قارس ومو اي احد يقدر يتحملها
اذا تقدري تغيري غيري وانتي مغمضه
اقتباس:
المشاركة الأصلية كتبت بواسطة الثامنة
الله يسهل أمرك ويعينك عاجلا غير اجل
فعلا اشوف اروح دول اوروبيه افضل .... مثل نيوزلندا أو ايرلندا..
جزيتم خيرا
انا مثلك تأخرت شهرين ونص عني وعن والدي وفكرت اغير لدرجة رحت لحقين الابتعاث وقالي بضغطة زر نغير الضممان المالي بس قلت بنتظرر شوي لأن الخيارات زي ماقالوا الأخوان قليلة واضطريت أطلب آي توني جديد وحاليا انتظره وعلى اعصابي أخاف رقم السيفيس يتغير :(
والله مشكلة.... محتااااااره مره.... الخيارات صعبه....لكن ما ينفع الا الصبر .... والله يكتب لي و لكم الخيره .... الله المستعان ننتظر الين يفرجها ربي
اهم شي راسليهم ايميل كل اسبوعين وياحبذا يكون معك ايميل اللي مقابلك او اسمه
موفقه
تيفا .. رقم السيفس ماراح يتغير بس بيعطونك ايتوني بتاريخ جديد.. عموما الفيزه كحد اقصى تستغرق ٣ شهور.. نيوزليندا مغلقه.. الخيار الانسب حاليا هي امريكا. اصبرو.. والفيزه بتطلع.. لو انها مرفوضه كان رفضوها وقت المقابله..
ايه عارفه بس من زود الوسوسة اخاف يتغير :( ماراح ارتاح الا اذا صار قدامي خخخاقتباس:
المشاركة الأصلية كتبت بواسطة saudi_magic
ربي يسهل عليكيا
انا غيرت دولة الدراسة بس من أيام الملتقيات كنت في ايرلندا وحولت لأمريكا
وان شاء الله تتسهل لك كمان
أنا إنتظرت الفيزا الأمريكية اكثر من 4 اشهر \:
وقبل أسبوعين حولت الدولة عن طريق ايميل الأستاذة غادة
شوفي تخصصك إذا موجود في كندا توكلي على الله :)
ماعندك غير الصبر
انا فيزة مرافقي لها ثلاث شهور وثمنيه ايام
سويت المقابله يوم 12 يناير
وللان مافي اي خبر
واذا ارسلت لهم يقولوا اشيك عن طريق الموقع
الله يسهلنا ويكتب الخير يارب
ماهي اجراءت تغيير الدوله ....؟؟
لاحول ولا قوة الا بالله.... وقتنا ضاع بدون فايده حسبي الله عليك يالسفاره الامريكية...
يعني حتى التحويل فكرت بايرلندا و انحست من جديد.... الله المستعان
والله يااخواني انا اشوف اللي حيلاقي تخصصه في دولة محترمة مثل إيرلندا يترك امريكا وذل امريكا يا اخي ماشفت دولة تذل من يريد ان يسافر لها سواء سياحة اوإبتعاث مثل امريكا توتر من بداية التقديم عليها الى يوم استلامها وانت تنتظرشهور وشهور تحقيق ومقابلات ومواعيد وإسئله وتمحيص وتفحيص ويخلونك في حيص بيص من التفكير والانتظار !! وذل في المطار وغير المطار غير الامن المفقود وبعد المسافه وتعقيدات الامقريشن وليش بتنزل وليش مانزلت ياعمي كانك بتروح الجنه مو دولة على الارض !!
شخصيا متواجد مع زوجتي في ايرلندا منذ اكثر من سنه ومرتاحين ع الآخر بصراحة بلد محترم وحكومة محترمه تعامل الاجانب بغض النظر عن ديانتهم او لونهم معاملة راقيه ( والفيزة الايرلنديه آه ع الفيزه الايرلنديه في ساعتين تستلمها !!) وغير الشعب الراااااااااااااقي والمحترم والهدووووووووووووووووء والرواق في البلد وانت جالس في قلب اوروبا وتقدر تنزل بلدك متى مابغيت لا تحقيق ولا سين ولا جيم غير انك تقدر تسوح في بلاد اوربا ويك اند في لندن واجازة اسبوع في النمسا و.....الخ اوربا بلاد الحضاره والفن والثقافه يعني دراسه ومتعه في آن واحد . المشكله بس في قلة الجامعات وهي هنا لا تقارن بامريكا طبعا بس الكلام لمن يوجد تخصصه في ايرلندا .
^^^^ الله يجزاك بالجنة
امريكا موال ما يخلص اكرهم واكره تعاملهم
الاخ مدريدي يقول ان ايرلندا ممتازه اعتقد ممكن يفيدونك اكثر عنها مع اني ما اعرف ها لكن افضل من امريكا ...
بالنسبة لكندا
بلد الامن والامان الاول واكثر من السعوديه امان
الدراسة فيها حلوة والناس محترمين تعامل ممتاز كل واحد بحاله
بخصوص الجو البارد مع الوقت يتاقلم الشخص فيها عادي مو ذاك البرد
يعني بالشقه الشخص يجلس بملابسة العاديه الصيفيه لان شققهم فيها عازل ما يحس الشخص ببروده نهائيا بالعكس
بعز الشتاء والثلج ينزل داخل الشقه ينام الشخص بدون ما يتغطي ... لان بعض المدن دافئة مثل تورنتو مو ذاك البرد وتعتبر تورنتو من افضل المدن فيها
المهم : قبول الجامعات بكندا هو المشكلة الاساسية صعب شوي لان جامعاتهم قليلة وتطلب درجة عالية بالايليس لاتقل عن 6
يعني الشخص اللي بيضمن القبول يجيب 7 حتى يرتاح ...
وبكل الاحوال لو ما حصل قبول جامعة وقتها ممكن يغير دولة الابتعاث ويجيب وقتها قبول جامعة من اي دوله هذا بخصوص الماجستير
اما البكارليوس القبولات سهلة ..
اكرر واقول كندا دوله من افضل دول العالم بالتعامل والامان شعب والله محترم واتعب وانا اقول محترم طبعا للشخص المحترم
وافضل مدينة فيها تورنتو وبعدها فانكوفر وغير كذا ما اعرف
الله يعطيكم العافية و يجزاكم خير جميعا
تم التحويل إلى إيرلندا و ارسلوا لي الضمان خلال يوم و احد الله يجزاها خير الاستاذه غاده
بقي الان كيف نسحب جواز المحرم من السفارة المعقدة.....
هل اكتب لهم انه بيحول دولة أخرى أم تنصحون بكلام آخر!
شكرا لتعاونكم
الله يكتب لكم التوفيق
السفارة الامريكيه مالهم علاقه بتحويلك
اطلبي منهم الجواز وقولوا لهم انكم صرفتوا النظر للدراسه با امريكا فقط
خليه يرسلونه فديكس وعطيهم عنوانك اظن 24 ساعه ويوصلك
مومتأكد تأكدي اكثر وربي يوفقك