رد: موعد إغلاق المرحلة الثامنة (مهم للمتأخرين)
يعطيكم العافيه انا مرشح للمرحلة الثامنه دكتوراه وجتني الرساله ومن تاريخها اشتغلت على كل شي والحمدلله انهيت اجرااء الفيزا واصبحت الاشكال في موعد السفارة انه بيكون بنفس تاريخ الاغلاق 28/8/1435
هل سوف تلغى البعثه بسبب تاخير السفارة او ان الامور راح تتيسر من قبل الوزارة ,,, افيدونا الله يسعدكم
تحياتي لكم محمد
رد: موعد إغلاق المرحلة الثامنة (مهم للمتأخرين)
الأفضل تحاول تقدم على موعد طارئ وان شاء ربي يسهل لها معاك
رد: موعد إغلاق المرحلة الثامنة (مهم للمتأخرين)
اقتباس:
المشاركة الأصلية كتبت بواسطة Manar 88
الأفضل تحاول تقدم على موعد طارئ وان شاء ربي يسهل لها معاك
+
المشكلة مافي موعد طوارء في السفارة على حسب الاولويه وهالايام ضغط ودقيت على موظف في الوزارة يقول لا خلصت الفيزا
تعال الوزارة وشوف يا طلع لك يا لا قلت له المشكله في المواعيد مو منا قال وينك من سنتيين لسانه طويل بس زبدة الموضوع انه
تراجع الرياض وتصدر القرار وربي يسر ان شاء الله
رد: موعد إغلاق المرحلة الثامنة (مهم للمتأخرين)
انت في اي مدينه ؟؟
نقدر نصدر القرار بدون الفيزاء؟؟؟
( تمت المشاركة باستخدام تطبيق مبتعث )
رد: موعد إغلاق المرحلة الثامنة (مهم للمتأخرين)
انا في جده , وماتقدر تصدر القرار بدون فيزا نهائيا
رد: موعد إغلاق المرحلة الثامنة (مهم للمتأخرين)
وش هالتعقيد فيهم
حنا المفروض يستثنونا شوي
دام قرار صالح ل ٣ شهور
فإيش فايدته ومامعي فيزا بطلعها بالعقل صح؟
ماقالو لك حل من هناا او من هناا :/
تبا لهم
( تمت المشاركة باستخدام تطبيق مبتعث )
رد: موعد إغلاق المرحلة الثامنة (مهم للمتأخرين)
الموعد المحدد يعتبر منتهي في تاريخ المقابلة مع السفارة لا استخرجت الفيزا تروح لحي الغدير وتقدم الاوراق هناك ونشوف وش يردون علينا
وربي يجيب الخير ان شا الله
رد: موعد إغلاق المرحلة الثامنة (مهم للمتأخرين)
الرياض فيه مواعيد قريبه
حاول تحجز عالرياض وتجي وتمر الغدير
ويكون معك اثبات ان اوراقك بالسفاره بالعربي ( نحجرهم)
( تمت المشاركة باستخدام تطبيق مبتعث )
رد: موعد إغلاق المرحلة الثامنة (مهم للمتأخرين)
اقتباس:
المشاركة الأصلية كتبت بواسطة قطيوتي
الرياض فيه مواعيد قريبه
حاول تحجز عالرياض وتجي وتمر الغدير
ويكون معك اثبات ان اوراقك بالسفاره بالعربي ( نحجرهم)
صحيح الرياض مواعيد اقرب بس التاشيرة ما تطلع بنفس اليوم تاخذ 4-5 ايام الى ما تصدر
يعني ما اقدر اروح للوزارة بنفس اليوم بالاضافة اني خلاص قدمة الموعد بجدة والفرق كله كم يوم وربي يسر ان شاء الله
Re: موعد إغلاق المرحلة الثامنة (مهم للمتأخرين)
السلام عليكم ورحمة الله وبركاته
يا اخوان ,, مواعد السفارة الأمريكية بالرياض قريبة ,, يعني لا بغيت تحجز اليوم يمكن يكون الموعد بعد 3 أيام
وبعد المقابلة بيومين توصلك الفيزا
هذا اللي حصل معي
يوم الخميس فتحت موقع السفارة وحجزت موعد
والمواعيد القريبة كثيرة بس المناسب لي يوم الثلاثاء
رحت الثلاثاء وكانت المقابلة جداً سهلة ,, سألني وين جوازك القديم : قلت له في البيت
وانتهت المقابلة على كذا
يوم السبت جاتني رسالة من ارامكس عشان استلم الجواز ,, يعني لاحظوا يومين عمل فقط ولله الحمد
لا تصعبون الأمور ,, وإذا القنصليات في جده أو الظهران مواعيدهم بعيده
حاولوا تجون الرياض
والله يسهل أمرنا وأمركم
تحيتي للجميع