هل تعاني من تأخير معاملتك لدى الملحقية في مقر إبتعاثك؟ إذن لا بد ان تقوم بعمل شكوى

قبل ماجي استراليا سمعت كثير عن اهمال بعض موظفين الملحقية

لكن ماكنت اصدق واقول العالم تبالغ !

لكن الحين من جد ماألوم الطلاب على كلامهم

انا من جيت قعدت فوق الشهر ماعينوا لي مشرف !!

طيب انا اراسل مين ياعالم !!

اضطريت اكلم مكتب البشري ورد علي سكرتيره وبعده انحل موضوعي

ويوم عرفنا المشرفة الله يصبرنا بس

اقول لها ابي اغير التخصص لكن ماعندي قبول للتخصص القديم الحين المطلوب اجيب قبول للتخصص الجديد بس ولا لازم يكون عندي قبول للتخصص القديم

تقول غير مسموح بالتغيير يجب التقيد بقرار الابتعاث ! !

لا وبعدها ترسل لي ايميل تقول تم رفض المعاملة !!

طيب انتي خليتيني ارفع معاملة عشان ترفضينها !!

ولا تبين تريحي راسك من البداية !

استغفر الله بس ..

اذا بموقع الملحقية مكتوب انه يحق لي اغير التخصص ليش انتي ترفضين من الاساس !

لكن ماسكت وراسلت المسؤؤل وقالي جيبي قبول للتخصص الجديد وارفعيه لنا والمشرف ماله علاقة

الله يصبرنا عليهم بس ..

وشلون ماعينوا لك مشرف
اصلا بمجرد اختيارك للجامعه خلاص يكون هناك مشرف معين سابقا لهذه الجامعة

على العموم اختي اهم شي ماسكتي عن حقك ووصلتي الشكوى للمسؤولين وهذا هو المطلوب
انا اتوقع بعد فتره ان شاء الله يتغير مستوى الموظفين بكثير

تحياتي لك

ماعينوا لي مشرف لاني جاية على قبول معهد بس
وماعندي قبول جامعه

وهم تقسيمهم للمشرفين على اساس الجامعات زي مانت عارف
طيب اللي زيي مين يكون مشرفهم !

الحمدلله على كل حال