السلام عليكم
أحد عنده فكرة عن الجلسة رقم 254؟ هل صارت ولا لأ؟
في موقع الوزارة مكتوب أن تاريخ الجلسة 16/6/1430 علما أن التاريخ اليوم 22/6/1430 وما طلعت نتايج
أفيدونا الله يعطيكم العافية
عبدالله
عرض للطباعة
السلام عليكم
أحد عنده فكرة عن الجلسة رقم 254؟ هل صارت ولا لأ؟
في موقع الوزارة مكتوب أن تاريخ الجلسة 16/6/1430 علما أن التاريخ اليوم 22/6/1430 وما طلعت نتايج
أفيدونا الله يعطيكم العافية
عبدالله
وعليكم السلام أخوي عبدالله ,,,
في العادة ماتطلع النتائج الى بعد عشرة أيام الى أسبوعين من تاريخ الجلسة. وماتتحدث في السيستم الى بعد يمكن أسبوعين من توقيع القرار.
نظام الأتصالات الأدارية سيئ في الوزارة.
ولكن نصيحتي لك أنك ترسل أحد الوزارة على نهاية الأسبوع القادم يشيك الك على المعاملة.
بالتوفيق,
نفس الحكاية
عندنا معاملة في نفس الجلسة 254 ، واصلاً الاوراق ما دخلت إلا قبل اسبوع
حتى الموظف وعدنا انه يحاول ان يدخلها جلسة 253 ، وهذا الكلام الاسبوع اللي راح
يعني الجلسة 253 ما اتوقع انها صارت ، و على كذا ان الجلسة 254 توها ما صارت
وماعليك من التاريخ اللي في السيستم ، لك عليه
واذا جاني عبم عنها بعطيك الخبر ، وانت نفس الشيء و موفق ان شاء الله
اخوي انا مقدم من تاريخ 1/5 /1430 يعني لي تقريبا شهر و22 يوم
والى الان تحت الاجراء مع انهم مانزلوها بموقعهم الا امس ، وكاتبين تاريخ تقديم الاوراق 16 / 6 وانا مقدمها مثل ماقلت بـ 1/5 /1430
والله ماندري وش نسوي اخووووووووووي
انا رقم جلستي 255 تحويل دولة الابتعاث
الله يديكم العافية وبالتوفيق للجميع
أخي العزيز,, أنت مقدم المعاملة في الوزارة؟ او مقدم المعاملة عن طريق الملحقية؟
في حال أنك قدمت الطلب عن طريق الوزارة, فهم في العادة يخاطبوا الملحقية لأجل يحصل على أخر معلومات عنك (دراسية, وغيره). طبعاً في هالحالة, شوف متى يخاطبوا, ومتى يجيهم رد. فالهذا يصير شوي تأخير.
أما بالنسبة لحالة أنك تقدمت بطلبك الى الملحقية, فهذا التأخير طبيعي كون الأجراءات في الملحقية من تحضير خطاب الى الوزارة والأجراءت الأخرى تأخد وقت, وايضاً كون الملحقية ترسل أغلب الأوراق بالبريد.
أتمنى لك التوفيق,,,
الله يعطيك العافيه اخوي
انا قصتي قصه طلبت التحويل اول مره لبريطانيا بشهر 12 هجري وانتم عارفين وش صار ( وقفوا الابتعاث لبريطانيا او التحويل لها ) ورفض طلبي
بعدين قدمت تحويل لدوله ثانيه .
مو معقوله تجلس شهر و23 يوم كلها مراسلات
الله يعين الطلاب
بعدين في ناس بواسطات من ثاني اسبوع طلع الموافق على تحويلهم للدوله اللي يبونها
يعني مو قصة تحضير خطاب ومراسلات بالبريد
معك واسطه تمشي مامعك تناااااااااام لين الله يفرجها
سلااااااااااااام
الله يكون في عونك أخوي, والله الوزارة سالفتها سالفة ومدققين على التحويل مرة عدا التحويل من الدول العربية الى امريكا وكندا فهو سهل. ولكن أن شاء الله تتيسر أمورك.
وبالنسبة الى الفترة, أخوي معقولة وطبيعية جداً لاتنسى ان الوزارة والملحقية يستخدموا البريد العادي المسجل.
بالتوفيق,,,
السلام عليكم يا شباب
عندي استفسار لو سمحتم
انا مرافق لزوجتي في امريكا وقدمت على الالحاق بالبعثة وارسلو لي الملحقية رقم المعاملة في الوزارة وتاريخ ارسالها.
كيف اقدر اعرف حالة المعاملة؟ وين وصلت؟
تكفون ابي ردكم عشان بالي مشغول.
تحياتي،
نبيل
تعرف حالة المعاملة عن طريق هذا الرابط
http://app.mohe.gov.sa/newscholarships/Default.aspx