جاني عرض توظيف ؟؟ رجااااااااااء دخووول الجميع

السلام عليكم ورحمة الله
شباب (اول شي اشكرك على دخولك موضوعي لأنك اكيد شقردي وراعي فزعة وماراح تطلع الا وانت تارك ردك :) )
اليوم جاني اتصال من احد الشركات المحترمة جدا جدا (بنك وغير ربوي الحمد لله)
طلبوني للمقابلة الوظيفية بكره
انا باذن الله ناوي اروح للمقابلة اشوف وش عندهم
تخصصي ححاسب الي وغير موظف حاليا (السبب اسالة هالوزارة الله لايبارك فيها) وهذا اللي اختاره ربي
سؤالي يا اخوان
هل ممكن اوقع عقد توظيف معهم وبنفس الوقت اطلع بعثة؟؟
يعني اشتغل شهر شهرين معهم مثلا وبعدين اطلع بعثة لو بدون راتب
ولا ممنوع ابتعاث الموظفين؟؟؟؟؟؟؟؟؟؟
اللي اعرفه انه ممنوع
وان المبتعث يوقع على هذا الشي
بس

انا سمعت مرة الدكتور الموسى في الوزارة
يقول ان المباحث الادارية تجي بعد ماتسافرون تشيك على الموظفين
وقال قبل اسبوع فصلو 9 مدرسات !!!!
لأنهم اخذو اجازة وطلعو بعثة
جاء واحد وسأله قال طيب القطاع الخاص؟؟
قال بلسانه:
انا ماعلي من القطاع الخاص,, علي من فلوس ابن سعود , لحد يطلع بعثة ومحجوزة وظيفته ويضيع على الناس وظايف
يعني القطاع الخاص مسموح؟؟؟؟؟؟؟؟؟؟

تكفون ياشباب ماعرف وش اقول بكره
غير كذا
قلبي يقول طربق طربق طربق ههههههههههههههههههههه
لأن العرض جاني قبل السفر بايام قليلة , يعني احس انه كانه مخرج لي من شر يمكن الله كاتبه لو اسافر؟؟؟؟؟؟؟؟؟؟؟؟

أخوي باتريوت.......

أنا للأسف ما أدري وش الدرجة اللي أنت مبتعث عليها....!

لكن ,, إذا كانت ماستر فأنا أشوف إن البنك الإسلامي جدا ممتاز بالنسبة للجامعيين...!

أما إذا كنت ثانوي فأشوف إنك تلتحق بالبعثة لأن الثانوي ليست من أقل الطموحات...!

وبخصوص الوظيفة فصعب تجمع بينها وبين الإبتعاث...! :cool:

تقبل تحياتي.....:)

اول شي الف مبروك

وتبي نصيحتي اذا كان راتبك فوق 7000 اتكل على الله وتوظف

انا لوني مكان ما راح افوت الفرصه دوام البنوك راحه وهلحين بعد تعديل مواعيد الدوام صار احسن واحسن

وصل صلاه الاستخاره

ياحبيبي امشو في قضاء حوائجكم بالسر والكتمان ..... اتوكل على الله واشتغل وجمعلك كم قرش ... واذا جاتك البعثة انشاء الله استقيل وانشاء الله ربنا يعوضك بوظيفة احسن لمن ترجع (الوظايف مافي اكتر منها) .....

انا عملت الحركة دي قبل سنة .... والحمد لله مبسووط ...

اخوي انا انصحك تستشير احد بالبنك شخص تعرفه هل يسمحون لك تسافر بدون راتب او لا واعتقد بما انك موظف جديد صعب يوافقون لك باجازة ولو بدون مرتب
واذا سوالك اخذ الوظيفة او البعثة رايي انك رايح تدرس عشان تحصل وظيفة مناسبة واذا كانت الوظيفة مناسبة بلاش بعثة لكن اذا الوظيفة مش حالك البعثة افضل
تمنياتي لك بالتوفيق

لله يبارك فيكم جميعا
انا رايح ماستر ان شاء الله
ويعلم الله تركت اكثر من 7 وظايف محترمة جدا
اللي يخليني ابي البعثة:
اول شي تطوير لغتي الانجليزية,, ثانيا تطوير نفسي ثقافيا بالمعيشة في بلد مثل امريكا,, ثالثا فرصة العمر اللي كل الناس يشترونها,, تعليم عالي في امريكا مجاني وين تحصله وفي تخصص حاسب الي يعني تاخذ العلم من اهله , رابعا تجربة السفر والغربة شي جميل ومفيد وتعتبر تجربة حياة لاتنسى؟؟؟؟

اخوي انا ما عندي خلفيه عن ابتعاث الموظفين بس بما انك ذكرت الوظيفه في بنك
فولد خالتي اشتغل في بنك ( غير ربوي و لله الحمد) مدة 4شهور تقريبا او 6
و كانت وظيفه جدا ممتازة
و طبعا كان مقدم عالبعثه و انقبل الحمدلله و نصحناه يستمر فيها خصوصا ان تخصصه
ادارة اعمال لكن يقول طموحه يكمل دراسته

المهم لما جا و قدم استقالته تم رفضها الا اذا دفع مبلغ 60 الف ريال
طبعا بدل الدورات الي اخذها و اشياء اخرى

المقصد ان المشكله طلعت في البنك مو الوزاره
فخلي بالك من شروط العقد و شوف هل فعلا تقدر تشتغل شهرين مثلا و تجي بعدها تقولهم
انا طالع و هم يوافقو بدون ما يكون عليك اي التزامات تجاه البنك ؟؟؟؟

و بالتوفيق ...

نصيحة عزيزي لا تطمع في الحصول على كل شي بطريقة قد تعرضك لخسارة كل شي تحاول تحصل عليه


من ناحية الوظيفة دام انت تقول جتك 7 وظايف محترمة رديتها وهذي الثامنة إذا مو أكثر بشهادتك الحالية فتخيل الوضع لو جيت بشهادة أكبر ومعترف فيها من مكان أرقى؟

بطبيعة الحال راح تلقى وظايف محترمة أكثر

من ناحية ثانية هل يرضيك أن تحجز وظيفة لست بحاجتها بينما المئات يحتاجونها؟
(أي شخص مقدم على الابتعاث لن يحتاج للوظيفة أثناء ابتعاثه بطبيعة الحال وإنما احتياجه لها سيكون عند عودته فقط)

من ناحية ثالثة الموظفين الحكوميين هم المحطوطة عليهم العين لكن هذا مايعني أنه لو طاحت عليك العين راح يتم تجاهلك لأن برنامج خادم الحرمين الشريفين مخصص لغير الموظفين وفي بعثات خاصة للموظفين ولها شروطها الخاصة أيضاً: شروط ابتعاث الموظفين
أما بالنسبة للبرنامج فأحد شروطه العامة: أن لا يكون المتقدم موظفاً في القطاع العام أو الأهلي
شروط ومسوغات الابتعاث لبرنامج خادم الحرمين الشريفين

باختصار نصيحتي لك: يا بعثة يا وظيفة
وأنت اللي تحدد أيهما أنسب بالنسبة لك

تحياتي

اخوي باتوريوت
اول شي توكل على الله وانا نصحتي لك اذا امورك ماشيه في البعثه تمام يعني الكوره في ملعبك فروح وكمل دراستك وماراح تتندم وبتلاقى غير الوظيفه درزن ينتظرونك على احر من الجمرياربي يفرج همك وهموم كل المبتعثين

أخوي دام إن عندك بكالوريوس....!

نصيحة إقبل الوظيفة بدون تردد...!

تقبل تحياتي.......:)