اقدر اقابل وزير التعليم العالي د.العنقري او د.العطيه
السلام عليكم
لو سمحتم عندي كم استفسار:
1- وين وزارة التعليم العالي بالرياض ابي وصف دقيق من طريق الملك فهد او من عند مستشفى التخصصي
لان سواقي مايدل الشوارع زين :(
2-هل باستطاعتي كطالبه اني اقابل د.العطيه او د. العنقري واطلب منهم ان يضموني لبعثه لدراسة الطب ؟
3- وش الاوراق اللي يحتاجونها مني؟
4- ضروري اخذ موعد بالتلفون ولا اروح الوزارة على طول؟
5- طيب كيف اتاكد ان دكتور العطيه ودكتور العنقري مداومين بعد العيد؟
6- متى يبدا الدوام الرسمي لوزارة التعليم العالي الثلاثاء 5 شوال ولا السبت 9 شوال؟
7- كيف د. العطيه ان شا الله مايرد احد ولا د. العنقري . اتمنى الله يكتب لي اللي فيه الخير
انا وكل من يتمنى يطلع بعثه على خير :)
شاكره لكم الله ينولكم كل مبتغاكم:happy_crying:
رد: اقدر اقابل وزير التعليم العالي د.العنقري او د.العطيه
اتمنى لك التوفيق
مع اني حاسة مارح تشوفهم طول حياتك ولكن اكسب شرف المحاولة
رد: اقدر اقابل وزير التعليم العالي د.العنقري او د.العطيه
اقتباس:
1- وين وزارة التعليم العالي بالرياض ابي وصف دقيق من طريق الملك فهد او من عند مستشفى التخصصي
لان سواقي مايدل الشوارع زين
إذا قصدك وزارة التعليم العالي المبنى القديم .. فـ الوصف : إذا جاي من طريق الملك فهد [ القصيم ] يطلع مع شارع المعذر بعد ميدان القاهره على طول ويخلي مبنى وزارة الداخليه يسار وفندق انتركونتننتال يمين ويأخذ مع اول اشاره يمين , يعدّي اشارهـ أو اشارتين [ ناسي والله ] المهم يأخذ يمين على طووول تلاقوا المبنى يمينكم مبنى قديم مكتوب فوق البوابة وزارة التعليم العالي بخط يعتبر صغير
أما إذا قصدك وزارة التعليم العالي مبنى شؤون البعثات الجديد اللي بحي الغدير .. فـ الوصف : كأنه رايح على طريق القصيم [ الملك فهد طبعاً ] يشوف المخرج اللي بعد طريق الملك عبدالله , تحديداً يكون هايبر بنده يمينك عند إشاره يأخذ معاها يمين , وأول إشاره تجي بوجهه يكون مكتب الخطوط السعودية يسار , يأخذ معها يسار ... يعني بعد المخرج أول إشاره يمين وثاني إشاره يسار .. وعلى طوول رح تدخلوا نفق أول ما تطلعوا منه رح تشوفوا المبنى يمين ومعلّق عليه لوحة كبيرهـ خاصة بمواعيد التقديم للمرحلة السادسة .. أول لفه يمين يطلع معها ومع الحي على طول يدخل يمين وتلاقي مدخل النساء يمينك ..
عذراً , هذا السؤال اللي عرفت جوابه , البقيه إن شاء الله يفيدوك الأخوهـ والأخوآت
بالتوفيق
رد: اقدر اقابل وزير التعليم العالي د.العنقري او د.العطيه
عيب انتي بنت .. كيف تقابلينهم وتدخلين مبنى كله رجال
رد: اقدر اقابل وزير التعليم العالي د.العنقري او د.العطيه
السلام عليكم
اختي الكريمة....
عن تجربه شخصية.... فانا مبتعث وزوجتي مبتعثه ان شاء الله
د. الموسى و د. العطية و د. الفوزان يتواجدون في قسم الرجال في مبنى الوزارة طريق القصيم يومين لمدة نصف ساعه على كونتر الوزارة الدور الارضي اما اساعة 10 او 10:30 او 11 او 11:30 فلا بد ان يكون احد محارمك موجود ومعاه جميع المستندات والاوراق المطلوبه واهم شي ان يكون فاهم جميع مشاكلك او اسألتك لان من السهل تصريفه اذا كان في نقطه مو فاهمها
اختي الكريمة الرجاء التركيز على هذي النقطة الا و هي
لا يكتفي بالرد الشفهي اذا قدر ياخذ ورقه من عنده بالاجراء وموقعه منه شخصيا فهو المطلوب
بالتوفيق