على لسان مصدر مسؤول ذو نفوذ في برامج الابتعاث ....
على لسان مصدر مسؤول ذو نفوذ في برامج الابتعاث ....
الكلام هذا الرجال قايله لي شخصيا يعني مو احد قالي ولا سمعت من هنا ولا من هنا وهو مسؤول كبير في اداره البعثات غني عن التعريف واعتقد ان كلامه صحيح
ان عدد المقاعد لبرنامج الباكالوريوس للتخصصات (الغير طبيه) 1500 مقعد فقط لا غير للمعلوميه فقط واعتقد ان المنافسه راح تكون قويه خصوصا ان النسب عاليه نسبيا السنه اللي راحت في الثانويه والله يوفق الجميع ويبلغكم تحياته ويقول اللي جايب 90 في القدرات يقدر يضمن مقعده من الان
وبالنسبه للآليه القبول يقول ان الدول ماهي مهمه يعني مو مثل ما يعتقدون الاغلبيه ان ايطاليا على سبيل المثال ما راح يكون عليها ضغط او شي زي كذا لا يقول القبول راح يكون بالمفاضله بين الجميع على اساس الثانويه والقدرات وبغض النظر عن الدوله يعني ما راح يكون فيه ظلم مثل البرنامج اللي قبله يعني اللي قدم على الهند ونسبته 85 واللي قدم على امريكا ونسبته 90 ابو 85 جاته بعثه واللي بـ 90 ماجاه شي
اتمنى ان يكون كلامه صحيح
وأسأل الله العلي القدير ان يكتب لكم التوفيق والنجاح
ودمتم احبه
رد: على لسان مصدر مسؤول ذو نفوذ في برامج الابتعاث ....
يـآكـّثر الالسـنـه المسـؤؤلـه ,, وللأسف نصهـآ مسـطولـه ,,
يعـطيك العـآفيه ,, ولكـّن ما اظن الكـلآم هذا صحـيح ,, لان الدول الي كتبوها كثـير والتخصصات ايضـآ كـثير ,, يعني مو معقول يرسلون على كل دوله عـدد بسيـط من الطـلاب كـذا شغـل الملـحقيه كله ع الفاضي يكـون ,, بعـدين مـيزانيـه الابتعـآث لهالبرنـآمج هي 10 مليـآر ريـأل ,, هل تتوقع إن هالميـزانيـه الضخمـه للاعداد هـذي ؟؟
بالتـوفيـق ,, وابـعد عن الكـلام الـزايد انت قدم والله يكتب لك الي فيـه الخـير :)
رد: على لسان مصدر مسؤول ذو نفوذ في برامج الابتعاث ....
الرجال تكلم عن البكالوريوس في التخصصات الغير طبيه اللي اساسا ما كان مقرر انه يكون موجود حتى اللحظه الاخيره .. والرجال معروف لدى الجميع ومنصبه كبير في الوزاره وماعتقد انه بيكذب
وانا قلت للمعلوميه فقط
والله يختار اللي فيه الخير
رد: على لسان مصدر مسؤول ذو نفوذ في برامج الابتعاث ....
انا غسلت يدي من اي خبر يطلع في النت :D
يعني يانشوفوهآ ع الواقع يابلاش :D
زي الاخبار اللي كانت اول , مافي الا تخصصات طبية , حتى في الجرايد جابوهآ , وفـ النهاية ؟!!!!
كل التخصصات طلعت.
الزبدة , انا مااقصد ولا أي حاجة , والا اتقيد ولا اعلق نفسي بأي خبر , إلا اذا شفت الشئ صاير قدامي.
مشكور مبتعث ولكن :)
رد: على لسان مصدر مسؤول ذو نفوذ في برامج الابتعاث ....
الله يوفقكم لما فيه خير يا أصحاب البكالوريوس
وإحنا يا أصحاب الماجستير
اللهم آمين
ليتك أخوي مبتعث ولكن سألته عن أخوانك وأخواتك إلي تابعين للماجستير متى تقريبا بيطلع الترشيح المبدأي
الله يكتب لنا الخير جميعا
ومشكور على الخبر
أختك يسر
رد: على لسان مصدر مسؤول ذو نفوذ في برامج الابتعاث ....
انا سالفت القدرات هادي مو فاهمتنها ابد ؟؟
يسلمووو على الخبر بس انشاء الله مايكون صحيح يعني المملكه لا اله الا الله نصهم ادبي !!!
رد: على لسان مصدر مسؤول ذو نفوذ في برامج الابتعاث ....
مو معقوله ابدا فاتحين جميع التخصصات وضايفين دول اوروبية
ومخصصين 700 مليون ريال للمرحلة الثالثه وبالاخير
1500 مقعد ..
يا رجال والله ما عندهم سالفه
رد: على لسان مصدر مسؤول ذو نفوذ في برامج الابتعاث ....
ياعمي اقسم بالله لو يدخل الفيتامين واو ان يسحب على هالكلام اللي كاتبه انت , وش اللي فيه مفاضله وخرابيط , البلد ماشي بالواسطه , معك واسطه تعيش مامعك واسطه علق شهادتك في بقالة الحاره
رد: على لسان مصدر مسؤول ذو نفوذ في برامج الابتعاث ....
طيب ليش تكتبون هالأخبار الي تضيق الخلق
رد: على لسان مصدر مسؤول ذو نفوذ في برامج الابتعاث ....
مشكور اخوك مبتعث ولكن ع النقل
بس قول يارب يطلع لنا شي حنا يالدبلوم
نسألكم الدعاء