من لم يتحصل على قبول في الملتقى
السلا عليكم و أسعد الله مسائكم باليمن و المسرات
أولا أبارك لكم سوق الأسهم السعودي ما شاء الله هذا ثلاث ايام وين وصلنا :yay:
المهم نرجع لموضوعنا ما ودي اطول عليكم
في بعض الشباب ما وصلت قبولاتهم و أكيد بعد الملتقى لما سمعوا انه الي ما وصل قبوله يستطيع يتقدم بقبول جابه من نفسه و تعتمده له الوزارة على طول و يكمل إجراءاته ويسافر
فا من المؤكد بعض المبتعثين شافوها ((فرصه)) مثلي و قاعدين يجيبون القبول من الجامعه و المعهد و المكان بشكل عام الي يعرفون عنه,,,,,,,,
فسؤالي بسيط و سريع:
أود أن اعرف من جلب قبول لنفسه و تقدم به إلى الوزاره؟
ماهي الإجراءات التي طلبت منه؟
وهل غير شياء في التخصص؟
ومتى ستبداء دراسه المعهد تبعه لما ارسل القبول له من قبل المعهد و الجامعه ان توفر؟
و قد نوهت و نصحت مسبقاً بأنه على المبتعث أن يحاول ان يتحصل على قبول من المعهد على الأقل الذي يعرف عنه لأنه يفيده و هو ما هو خسران كثير إذا بيعرف احد في الجامعه الي بيقدم فيها وحتى الي ما يعرف احد بس يعرف عن الجامعه ما اتوقع الي بيخسره اغلى من البعثه بكبرها
أرجوا من اخواني المبتعثين التفاعل فلموضوع مهم جدا و سيكون بحول الله مفيد لكل من لم يتحصل على قبول في الملتقى و العدد كبير
مع خالص إمتناني و أحترامي لأخواني القراء
مشاركة: من لم يتحصل على قبول في الملتقى
الي اعرفو انو عادي تجيب قبول الجامعه و المعهد بنفسك بس لازم تكون من ضمن الجامعات الموصى بها
و تقدر تطلب الضمان المالي من الوزاره و توقع على التعهد !
و اكيد ما تقدر تغير التخصص لانهم راح يشيكو من عندهم في الكمبيوتر !!
و الاجراءات عادي كلها تعرفها من الجامعه .. اما الوزاره بس تقدم القبول و يعتمد و بعدها على السفاره و منها على قرار الابتعاث ..
رد: مشاركة: من لم يتحصل على قبول في الملتقى
اقتباس:
المشاركة الأصلية كتبت بواسطة dondy
الي اعرفو انو عادي تجيب قبول الجامعه و المعهد بنفسك بس لازم تكون من ضمن الجامعات الموصى بها
و تقدر تطلب الضمان المالي من الوزاره و توقع على التعهد !
و اكيد ما تقدر تغير التخصص لانهم راح يشيكو من عندهم في الكمبيوتر !!
و الاجراءات عادي كلها تعرفها من الجامعه .. اما الوزاره بس تقدم القبول و يعتمد و بعدها على السفاره و منها على قرار الابتعاث ..
يعني عادي يعطون الضمان المالي
طيب انا ترجيتهم يعطوني ما وافقوا حتى قبول مشروط قلت لهم باجيب على حساب الوالد ما وافقوا
رد: من لم يتحصل على قبول في الملتقى
امرهم غريب الوزاره ..
المفروض يسلموا الضمان بعد توقيع تعهد وهذا كلامهم في الملتقى ..
عجب لامر الوزاره !!!
رد: من لم يتحصل على قبول في الملتقى
السلام عليكم ،
احبتي ، احب اقولكم ، انه انا من الناس الي استلمت الضمان المالي بعد توقيع تعهد ، لكن هالكلام قبل الملتقى فما عندي علم عن الي صار بعده
رد: من لم يتحصل على قبول في الملتقى
والله يا جماعة الخير توني راجعة من الوزارة
وللاسف حاولت معهم يعطوني الضمان المالي
لكن قالت المسؤولة: قرار بمنع الضمانات المالية
قلت لهم اجيب قبول بدل قبول الوزارة لانكم حاطيني بولاية المعيشة فيها غالية جدا
قالت لي لا اقبلي بقبول الوزارة
والله هذا 3 يوم وانا راجعهم كان قلبهم يحن علي لكن للاسف
طبعا الكلام في الملتقى شيء والواقع شيء اخر
يوم سألنا مسؤول القبول بالوزارة عن رفض قبول الوزارة قال: نعم يمكن رفضه واخذ الضمان والتوقيع على تعهد
رد: من لم يتحصل على قبول في الملتقى
اخوي dondy اشكرك عل ىمرورك انا عارف بكل الي ذكرته بس الحين في الوقت هذا الي بجيب قبول دراسته راح تكون متأخره فانا ابي اشوف من جاب قبول ودراسته متأخره اشوي هل قبلوه عشان اتأكد والله يعطيك العافيه
طيف ملاك اشكرك على مرورك بالنسبه لضمان المالي الحين اتوقع صعب يعطوك ايه بس بالنسبه للقبول انا اقول اذا انت تعرفين تجيبين قبول بسرعه خلال اسبوع يعني اوراقك جاهزه و كل شي حاولي و روحي بالقبول إلى الوزاره و بيقبلون هذا الي بسويه انا إن شاء الله
اهلين hadeer اسعدني مرورك و ردك المفروض الضمان يسلم بس ليه الحين ما يسلمون يمكن عشان ان الوزاره عارفه ان الطالب لن يستطيع خلال الفتره انه يجيب قبول لنفسه و الجامعه هي بداءت في الشياء هذا من فتره و متوقع انه على نهايه الشهر الحالي تكون دفعت القبولات قد وصلت توقع قد يصيب و قد يخطاء
مرحبه اخوي عبدالعزيز الحسن اشكرك على إفادتك و اتمنى لك التوفيق
طيف ملاك انتي اسمحيلي غلاطانه الحين المفروض انه يوم وزعوا القبولات في الملتقى و اعلنوا انه في حالت ان القبول ما عجبك تقدري ترجعينه في اليوم الثاني من الملتقى ليه ما رجعتيه الله يهديك الحين الله يعينك انا زميل لي راح الوزاره رافض القبول الي معه و بيجيب قبول من ولايه و جامعه ثانيه رفض الحربي وقال ما تقدر تغير إلا بعد ما تدرس ترم كامل في المكان الي جلنا لك القبول فيه هذا ما نقل لي زميلاي و الله اعلم و هو ناوي انه ما ياخذ بكلامه و يجيب قبول بنفسه الحين بسرعه و بعدين يحطهم قدام الأمر الواقع و يقول لهم أرجوااا إلغاء أحد القبولات و إن شاء الله تنجه الحركه
كيف شباب طيب يعقل ما في احد من دفعه المرحله الثالثه جاب قبول بنفسه و تقدم فيه على الوزراه يله شباب نورررررروناااااااا
رد: من لم يتحصل على قبول في الملتقى
طيف ملاك :(
و الله راح تجيبيلي النكد من الصباح هادا !!!
خخخخخخخخخ
شكلهم غيرو في النظام من بعد الملتقيات !!!
الناس كانو ياخذو الضمان المالي من قبل الملتقى عادي !!!
انصحك استني شويه عليهم لانهم اكيد هادي الايام مضغوطين بسبب الملتقيات !!
استني اسبوع و ان شاءالله يصير خير :)
رد: من لم يتحصل على قبول في الملتقى
اقتباس:
المشاركة الأصلية كتبت بواسطة alnourse111
مرحبه اخوي عبدالعزيز الحسن اشكرك على إفادتك و اتمنى لك التوفيق
طيف ملاك انتي اسمحيلي غلاطانه الحين المفروض انه يوم وزعوا القبولات في الملتقى و اعلنوا انه في حالت ان القبول ما عجبك تقدري ترجعينه في اليوم الثاني من الملتقى ليه ما رجعتيه الله يهديك الحين الله يعينك انا زميل لي راح الوزاره رافض القبول الي معه و بيجيب قبول من ولايه و جامعه ثانيه رفض الحربي وقال ما تقدر تغير إلا بعد ما تدرس ترم كامل في المكان الي جلنا لك القبول فيه هذا ما نقل لي زميلاي و الله اعلم و هو ناوي انه ما ياخذ بكلامه و يجيب قبول بنفسه الحين بسرعه و بعدين يحطهم قدام الأمر الواقع و يقول لهم أرجوااا إلغاء أحد القبولات و إن شاء الله تنجه الحركه
والله يا اخوي حاولت بالملتقى ارفضه بس والله هددتني موظفة بالملتقى وقالت لي: اذا ما اخذتي قبولك بيرجع قسم الرجال ويفهمون انك غير مهتمه وسوف يتم الغاء بعثتك
فخفت تلغى بعثي قالوا لي اخذي القبول وراجعي الوزارة وهم عندهم مرونة وتقدير
انا اجبرت على اخذه والله الحين انا عادي عندي اجيب قبول على ضمان الوالد بس اخاف اروح لهم وما يوافقون
:no:
رد: من لم يتحصل على قبول في الملتقى
اقتباس:
المشاركة الأصلية كتبت بواسطة dondy
طيف ملاك :(
و الله راح تجيبيلي النكد من الصباح هادا !!!
خخخخخخخخخ
شكلهم غيرو في النظام من بعد الملتقيات !!!
الناس كانو ياخذو الضمان المالي من قبل الملتقى عادي !!!
انصحك استني شويه عليهم لانهم اكيد هادي الايام مضغوطين بسبب الملتقيات !!
استني اسبوع و ان شاءالله يصير خير :)
اسفة اخوي
كنت اتمنى انقل لكم اخبار حسنة وتفرحكم بس شسوي
هذي هي الوزارة اللي عنده واسطه يجيبها احسن له