ياشباب أخباري مع الوزاره اليوم
السلام عليكم ورحمة الله
حيا الله الشباب
ابشروا بالعلوم الطيبه من الوزاره
اليوم رحت للوزاره وعقب والحوسه وكل واحد يروح لفلان رح لفلان
المهم وصلنا لفلان خوينا
وشرحت له وضع الشباب اللي قدموا ولا جاهم رقم الطلب والباسورد
وكان عنده
قائمة قال لي اكتب اسمك وايميلك وجوالك ورقم البطاقه
قلت انا جايكم اليوم وفاككم من 20 مراجع
المهم عطيته ورقه مجهزها بأسماء وأرقام وايميلات الشباب
شافها قال ماشاء الله كل ذولا تعرفهم قلت لا والله في الملتقى
قال اي اي ملتقى
عطيته اسمه وقعدت ادردش معه شوي
قال خلاص بكره ان شاء اللله
وهي جايتكم على الايميل
وهذي الأسئله حقة الشباب اللي وصوني عليها
بالنسبة لقبول الماجستير
خلاص ماعاد هوب زي أول
يعني مايكفي قبول معهد لازم قبول من جامعه
وأحد الشباب سئل هل لازم يجي عشان يآخذ الباسوورد
يقول مايحتاج يجي ترسل على الايميل
وبالنسبة لإختبارات القدرات للبنات فهو مايحتاج
وبالنسبة لأسماء المدارس اللي في جده فقال ان الوزاره تأخرت في رفع الأسماء لهم وان شاء الله كم يوم وهي موجودة
وبالنسبة للتعديل في الطلب فقال احتمال انه مايمديكم تعدلون عليه
قلت طيب وش الحل قال يجينا ويقول وين الخطاء فيه وحنا نعدل له
وأما بالنسبة للمتعثرين قال ان حنا مراعينهم وحاطين في الابلكيشن هل عندك قبول هل عندك فيزه
وبالنسبة لرقمهم
اللي هم حقين الحاسب
4415555
وتحويله
603
واحد اسمه سلطان العتيبي
وسلامتكم
واعذرونا على الاسلوب الناشف خخخخخخخخخخخ
وماعليش على القصور
مشاركة: ياشباب أخباري مع الوزاره اليوم
الله يبشرك بالخير
الحين اللي يبغى يعدل معلوماتة أو يتأكد منها
لازم عن طريقهم؟؟
يعني لازم يروح لهم ؟؟
جزاك الله ألف خير
تعبناك معانا
مشاركة: ياشباب أخباري مع الوزاره اليوم
والله تسلم ياخوي و ماقصرت و يعطيك ألف عافيه و يسهلك أمورك مثل ماسهلت الأمور على الأعضاء ...........ودمت
مشاركة: ياشباب أخباري مع الوزاره اليوم
يعطيك العافيه إبراهيم...
والله محتاجين شباب حلوين مثلك يساعدون أخوانهم ويطمنونهم على كل جديد..:)
تحياتي
مشاركة: ياشباب أخباري مع الوزاره اليوم
الله يسلمكم
هو قال احتمال نفتح لكم التعديل واحتمال لا
وترى سئلته ياأختي يامسافرهـ
عن موضوعك وقال اذا كانت موصى بها من الوزاره لازم تكون موجوده
يمكن الموظف ماأهتوى يدور زين
واختي دليله
هذا أقل شي نقدمه لكم
مشاركة: ياشباب أخباري مع الوزاره اليوم
هلا اخو ابراهيم
مشكور وما قصرت
انا شفت موضوعك امس في الليل وفكرت اني بشيك على الاميل الصباح
وبعدين اعطيك معلوماتي بس نسيت
المهم دحين لازم اروح الوزارة ولا هم بيرسونه حتى لو اني ما سجلت في القائمة الي ذكرتها
مشاركة: ياشباب أخباري مع الوزاره اليوم
لا لا الاصل ان البرنامج حقهم في الموقع يرسلها تماتيك
بس اللي ماجاه شي هم يرسلونها له
يعني اذا ماقلت لهم ماراح يرسلونها لك
مشاركة: ياشباب أخباري مع الوزاره اليوم
ياشباب اللي وصل له رقم الطلب والرقم السري ياليت يعلمنا
طبعا من الشباب اللي وصوني
مشاركة: ياشباب أخباري مع الوزاره اليوم
شكرا اخي ابراهيم على المعلومة
الله يعين عليهم برحلهم
مشاركة: ياشباب أخباري مع الوزاره اليوم
يا اخوي يا ابراهيم مشكور وماقصرت وعطاك الله العافيه
بس حبيت اعرف انا كيف احصل على الباسوورد واليوزرنيم على اي طريقه ممكن تزودني بايميل او شي اقدر اتواصل معاهم بدل روحتي وانا بعيده وااايد عن الرياض ممكن تبرد قلوبنا الحين
ومشكور