وش السواه -المرافق العسكري للي مثل حالتي ردوا علي ضروري

السلام عليكم

انا زوجي عسكري في الدفاع الجوي ولما طلب تعريف من دوامه عشان يرفقه مع اوراقي للوزراه عشان انا كنت ناويه اغير الدوله قالوا ان العسكري مايعطى تفرغ اكثر من 3 اشهر فقط

ابغى اتاكد من هذي النقطه اللي زوجها عسكري وش بتسوي ارجوووكم ردوا علي .

اقووووووووووووووووووووووووول

خليه يفصل

هلا أختي ,, والله انا زوجي ضابط وف الدفاع الجوي كمان ,,
بس للحين الأمور مبهمة لنا محد راضي يعبرنا لا وزارة التعليم العالي ولا وزارة الدفاع ,, طبعا
أنا مو عارفة شو الخطوات بالتحديد بس بسأل زوجي وأرد عليك,,
بس سؤال حبوبة هو شو دخله بأوراقك بالوزارة ؟؟ ليش تبين تعريف من عمله؟؟
لأن اللي أعرفه الوزاة مالها دخل بالمرافق نهائي مو صح؟؟
عفوا أختي اذا زعجتك بأسئلتي بس قلت يمكن عندك طريقة مابعد جربناها.. لأانو كلنا ف الهوا سواااا

وانا بعد زوجي عسكري بس بيطلب الحاق والمشكلة قالوا ان الالحاق موقف الان
فيفكر انه ياخذ اجازة 3 شهور ونروح ولما تنتهي يرجع يشوف مشكلة الالحاق وانا اجلس هناك
اصلا اخوي موجود قبلنا ومدري اش الحل غيرهالفكرة؟؟

التعريف على اساس يوافقون يغيروا لي البلد لان زوجي يبغى الحاق بالملحق العسكري
وياليت تردين علينا وش صار مع زوجك لاني انا جدا مستاءه من الموضوع وبتطير علي البعثه اذا فقط صدق بس 3 شهور.

السلام عليكم ورحمة الله وبركاته..
شخبارك أختي ؟؟ ان شاء الله الأمور تتسهل علينا وعليكم ,,
أنا سألت زوجي العزيز وهو قالي إنو ف تعميم نزل بخصوص هالموضوع <<العسكري المرافق لزوجته المبتعثة>> بس بصراحة ماقالي وش يتضمن ؟؟
بس كمان بسأله وبرد عليك .<<تحمليني شوي>>
على العموم انتي خلي زوجك يروح شؤون االضباط ف مقر عمله وأكيد بيلقى خبر عن هالتعميم,,
و بالنسبة للإلحاق اللي فهمته انه يخلونه يلحق بالعمل هناك ولكن يجرد من أي صفة دبلوماسية ,,يعنيمايعامل معاملة الدبلوماسيين اللي يعملون هناك أصلا,, هذا والله أعلم
خلي زوجك يسأل عن وضعه مرره ضروري,,

السلام عليكم ورحمه الله وبركاته

اختي
الله يعينا ويعينك المهم اختي ابنصحك نصيحه روحي لموقع الوزارة وشوفي قسم المرافق او المحرم للمبتعثه وانا من عندي ابسوي اللي علي وابحث لك في الموقع

ثاني شي اللي سالت عن المحرم او المرافق لازم تجهز اوراقها عشان اذا طلبوا شي مثل تعريف او شي من هذا تكون مستعده ثالث شي اللي تقول ان زوجها او اخوها حيرجع للمملكه ويشوف الموضوع ترى والله والله لا تسوينها لان المرافق اللي يرجع للمملكه بدون الاذن لها عقوبات توصل للحرمان بس اقسم بالله حاس فيكم وباذن الله

زي ما ساعدوني اخواني في مبتعث راح اساعدكم باللي اقدر عليه بس خلوكم متابعين من رابط الموضوع

الله يعنكم ويوفقكم

كاسر جده

اقتباس:

---

المشاركة الأصلية كتبت بواسطة mlakmoon

السلام عليكم

انا زوجي عسكري في الدفاع الجوي ولما طلب تعريف من دوامه عشان يرفقه مع اوراقي للوزراه عشان انا كنت ناويه اغير الدوله قالوا ان العسكري مايعطى تفرغ اكثر من 3 اشهر فقط

ابغى اتاكد من هذي النقطه اللي زوجها عسكري وش بتسوي ارجوووكم ردوا علي .

---

اهلين اختي


انا حصلت نص الماده المسموح بها من مجلس الوزارء.

نص المادة :

يسمح للعسكري مرافقة زوجته لغرض العلاج او الدراسه على أن يلحق بالملحقيه العسكريه بالدوله المراد السفر لها على ان يكون الالحاق بدون المزايا الماليه التي يتمتع بها الملحق العسكري ، بدون راتب اضافي وبدون بدل سكن وبدون بدل الحاق وغيرها من المزايا الماليه التي تصرف عادةً للملحق العسكري . ويبقى على راتبه



اتمنى اني قددرت افيدك


وبالتووفيق

الله يعطيكم العافيه وييسر اموركم قولوا امين

ابوو سعود
ياليت تعطيني وين لقيت ها الكلام الله يخليك.

ابو سعوووووووووود تكفى دلنا على الماده هذي وين حصلتها ترى عجزنا واحنا نطرد وراها..........تمنياتي لكم بالتوفيق